شات منتظرات الحمل وامهات المستقبل القريب باذن الله(بنات مصر)لشهر شوال/سبتمبر

ازيكو
حد هنا انا داخلة ف السريع من الموبايل

اخباركو ايه

موني
ربنا يكرمك ان شاء الله

ازيكوووو يا بنات محدش هناااا ولا اييييييه ؟؟؟؟؟؟؟؟؟

النهارده الخميس ياماجده كله مركز :P

يارب سهل;15583278:

بنات انا تعبانة وعايزاكو تدعولى جااامد انا نفسيتى فى الارض ومش مركزة ف اى حاجة وموقفه غرييب جدا مش فاهماه يعنى بيشتكى لصحابنا انى شهر مش بسئل عليه ولا اشوفه ماله وعايش ازاى وان قلبى قوى وجامدة عليه والجو دا
فواحدة بتقوله اكيد الموضوع مع اهلها دلوقتى طالما الموضوع طول كدا قالها تتحدى العالم كله عشانى وتقف قصاد اهلها عشانى!!!!!!!!!!!!!!!!! هو احنا اتنين متصاحبين مش فاهمة موقفه بجد
يعنى انت اللى طاردنى وبتقول لاهلك انك مش سعيد معايا ومستنى اسئل عليك واجرى عليك طب ازاى والبهدلة اللى انت بهدلتهالى
انا كل دا محترمة ومش قايلة لحد على حوار الكالون دا بس بجد مش عارفة هو عايز ايه منى بالظبط مبئتش طايقة اى حاجة حواليا وخسيت 6 كيلو فى الشهر دا:sick:وكل شوية ضغطى يوطى واهبط

انا عارفة ان اللي تاعبك انك لسه في قلبك ولو ذرة حب ليه , وعارفة كمان انك بتحلمي انه ييجي يصالحك وقلبه يحن ليكي , وعارفة انك صعبان عليكي تضيعي حياتك الزوجية مع انه هو اللي غلطان ,انتي عشان بنت كويسة وبنت ناس محترمة مش هاين عليكي العشرة وعشان كده لسه تعبانة , بس حرام عليكي اللي بتعمليه في نفسك , الموقف المعلق ده وحش اوي , لا منكك بتتصالحو لان كل واحد معاند ولا منكم بتنفصلو ودا بيجدد الامل في قلبك


لازم اهلم يحطو حد للموضوع دا يا شيماء عشان متتبهدليش , يعني يا اما يقررو انهم يتكلمو مع اهله وتتصالحو , يا اما تتطلقو , لكن الانتظار بشششششششششششششششششع


ربنا يصلحلك الحال ويهديلك العاصي على رأي تيتا

mooney608;15584037:

يا بنات إن شاء الله العمليه يوم الأحد بإذن الله خلاص حددنا ادعولى يا بنات - ماما كانت عايزة تيجى تقعد عندى على أساس ان البيت عندها علطول أخواتى موجودين بأولادهم و دايما عيال بتجرى و تتنطط و زحمة بس انا ماوافقتش علشان مامتى أصلها من الأمهات اللى مبتعتبرش بيت بنتها دة بيتها - لأ بتعتبره بيت غريب يعنى ممكن تكون هتموت من الجوع و تتكسف تقوم تاكل او تعمل لنفسها كوباية شاى او تصب لنفسها عصير و تتكسف تدخل تنام لو احنا صاحيين فبالمنظر دة هتكون حمل عليا و انا أكيد مش هقدر فأقنعتها بالعافيه ان انا اللى أجى عندها و هبقى أبعد عن العيال و هتفهم أخواتى يخفوا شوية من الزيارات :)
اكتر حاجة مش بسطانى ان معندهمش نت هحاول أقنع جوزى يجيبلى USB علشان أدخل أرغى معاكو :)

ربنا يفرحنا بيكي يا موني F:, ربنا يسهل عليكي العملية وتنجح وتفرحي بالخطين يارب في اختبار الحمل , وربنا يكرمك بتوام ولد وبنت زي القمر زيك


انا برده حسيت ماما زي مامتك وده احساس خنيق اوي , مع ان ماما بتحب جوزي بس كانت قاعده كانها ضيفة وده ضايقني جدااااااااااااا

لحظةحب;15584211:
امونه
ما هو انا وصلتلا يوم الاثنين من ٣ ايام واطمنت عليها بس زي ما قلتلك باباها لسه في المستشفي وربنا يعافيهم من كل سوء

اااااااه انا مكنتش اعرف ان معاكي رقمها اصلا يا لواحظ , طيب كويس انك بتطمني عليها , لو في اي حاجة جديدة ابقي طمنينا عليها

انتو زعلانين ان مهماهاتكم بتقعد عندكم زي الضيوف
انا مامتي مش بترضي تيجي تقعد عندي اصلا بتتكسف جدااااااااا وتقول تعالي انتي احسن رغم انها بتحب جوزي جدا الحمدلله بس بتتحرج اوي
ده حتي لو معديه عليا حاجه بعد الشغل ساعات والله تديهالنا من علي الباب ومترضاش تدخل عشان لنكون مش عاملين حسابنا مثلا ولا اي حاجه

فينكو يا بنااااااااااااااااات


؟؟؟؟؟؟؟؟؟؟؟؟

ازيكم يا بنات.. وحشتوني اوي... نفسي اعرف اخباركم كلكم...
انا رجعت بيتي انهاردة بس لمدة 4 ايام فقط عشان حنعزل من بيت لبيت ان شاءالله و طبعا الشقة محتاجة تنظيف قد كدا لاني سايباها من اكتر من شهر...
بالنسبة لأخباري أولا... بابا ما زال في العناية المركزة من يوم 20 رمضان... خرجوه في غرفة لمدة يومين فتعب جدا و جاله ضيق تنفس جامد و الرئة ما كانتش شغالة ... و كان عنده ارتشاح مية على الرئة مخليه مش عارف يتنفس حتى بماسك الأكسجين... فرجع العناية المركزة تاني و حطوه على جهاز تنفس صناعي يومين و حطوله انابيب في الرئتين عشان تشفط المية دي كلها ...و الحمد لله نفسه اتحسن و شالوله الجهاز الصناعي بس لسة الأنانبيب اللي في الرئة مش قادرين يشيلوها عشان لسة بتجيب مية لحد دلوقتي...
هو كان عنده غرغرينا في صباع رجله و عملوله عملية و بتروا الصوبع بس الدم كان اتسمم و أثر على الكليتين فحصل فشل كلوي حاد... و عملوله غسيل كلى.. و اشتغلت الحمد لله و وقفوا الغسيل.. بس ظهرت بقى مشكلة الرئة دي... ربنا يشفيه و يعفو عنه يارب..
ماما جت من مصر كمان و العملية اللي اتعملتلها في مصر عشان ركبتها المكسورة طلعت غلط طبعا و المفروض نوع تاني من الشرايح هي اللي كانت تتركبلها.. و حاليا بتعمل جلسات أشعة مسح ذري في نفس المستشفى اللي بابا فيها و احتمال تدخل تعمل العملية الأسبوع الجاي ان شاءالله...
ربنا يشفيهم يا رب.. انا أول مرة ارجع بيتي انهاردة من يوم 18 رمضان... بس ناوية احاول انظمها ان شاءالله اسبوعين هنا و اسبوعين في المدينة لحد ربنا ما يكرم.. اخويا اللي هنا دلوقتي حيضطر يرجع مصر عشان دراسته.. و عملنا زيارة لاخويا الكبير اللي في مصر بس وافقوله ب 14 يوم بس مش عارفة حينفع يمدهم وللا لأ .. لاني انا كمان علاجي مع الدكتور حيبتدي ان شاءالله من يوم 10 نوفمبر.. و محتارة ما بين الاتنين بس زي ما لأهلي حق جوزي كمان له حق.. ربنا ييسر الأمور يا رب و يفرج كربنا و كروب جميع المسلمين..
ما تنسونيش في الدعوات..
ححاول ابقى معاكم الايام اللي قاعداها في بيتي على قد ماقدر بس حكون مشغولة بسبب العزال لان الوقت ضيق اوي.. و صاحب البيت اللي احنا فيه مغلي الايجار و كان لازم نعزل...
نفسي اعد اقرا اخباركم كلها... بس مش حلحق.. ياريت حد يقولي تقرير عنكم..
و يا ترى ميرا بناتها عاملين ايه؟؟؟

الخبر الوحيد اللو اني كملت ريجيم الحمد لله رغم انقطاعي عن النادي.. أي نعم ماكنتش بخس بنفس السرعة اللي قبل كدا بس الحمد لله احسن من مفيش.. و حاليا بقيت 79 ك... و خسيت خلال فترة وجودي مع بابا حوالي 6 ك و نص.. هدومي وسعت علية :)
حاولت احافظ على الريجيم عشان اخس و ربنا يكرمني بالحمل لان الموضوع ده كمان بقى مأثر على نفسيتي و نفسية زوجي اوي...
حصلت مشاكل كتير اوي معايا الفترة اللي فاتت دي.. و كانت ايام صعبة جدا بس الحمد لله ربنا عداها على خير.. و دلوقتي بقيت أفضل و احسن بكتير...
حقوم دلوقتي عشان مرهقة و لسة راجعة من السفر....حقوم انام..
اتمنى الصبح الاقي حد أصبح عليه فيكم ... :)
و يارب اسمع عنكم اخبار حلوة دايما..

مانيا
حمد الله علي سلامتك
ربنا يشفي والدك ووالدتك ويخفف عنه ويعافيهم ولا يوريكم فيهم سوء أبدا
وربنا يعينك علي النقل والرجيمويفرجها عليكي ان شاء الله


مفيش اخبار جديدة ولا حاجة



غير ان مي حملها ربنا مكتبلوش يكمل
ربنا يعوضها خير



وياسمين برده وهي دلوقتي في مصر اجازة


وباقي البنات كويسين الحمد لله وميرا بناتها رجعو ونفسيتها بقت احسن شوية الحمدلله


وموني وريري في حقن مجهري

ربنا يرزقهم ان شاء الله

ده اللي فاكراه واللي نسيته البنات يكملوه ان شاء الله

لا حول و لا قوة الا بالله العلي العظيم.... مي و ياسمين؟؟؟؟ ربنا يعوضكم خير يا رب و يجعل كل ده في ميزان حسناتكم .. و ياسمين يا حبيبتي كنتي بتكلميني كل ده و شايلة همي و انت يا حبيبتي اكيد نفسيتك كانت تعبانة.. ربنا يجركم في مصيبتكم و يخلفكم خيرا منها يا رب و يعوض عليكم و على كل من فقدت جنينها... كله خير يا بنات ان شاءالله .. حاسة بيكم لاني كنت مكانكم من فترة قريبة.... ربنا يرزقكم الذرية الصالحة يا رب و يرزقني و يرزق كل محرومة...

و انت اخبارك ايه يا ودعة.. الله يسلمك يا حبيبتي.. و حمدالله على سلامة بنات ميرا.. ربنا يباركلك فيهم يا ميرا يارب...
و عاليا يا جميلة مبروك الحمل و ربنا يتمملك على خير يارب...
و ربنا يوفق ريري و موني و يبشرونا بحمل سليم ثابت يارب ...
أمونة حبيبتي.. في كام صفحة فاتت شفت سؤالك و قلقك علية.. ربنا يكرمك و يبارك فيكي و في زوجك و في ذريتك يارب... انا كان نفسي اتكلم معاكي اوي... حاولت ادخلكم هنا يا بنات من الموبيل بس علطول كان بيهنج معايا.. فتحت الفيس بوك لقيت ياسمينا جزاها الله خير و بقيت اطمنها علية كل ما اعرف ادخل... يا حبيبتي خففت عني كتير الفترة اللي فاتت .. و عيوشة كمان ... ربنا يباركلك يا عيوشة و يجازيكي خير... و هدى كمان على الفيس معلش حبيبتي اضطريت امشي امبارح لاني كنت لسة واصلة من السفر و فاتحة عنية بالعافية و كنت داخلة أطمنكم بس...
و ميرا و فجر و هوبس و شيمو و رشا و ام فريدة و دارين و سارة و لولي و كل البنات مش عايزة انسى حد .. ربنا يكرم و يبارك لكل واحدة و يجازيكم خير يارب..و يجازي كل واحدة سألت عني خير الجزاء...
الواحد حاسس انه وسط اخواته فعلا... :)

يا بنات.. قاصداكوا في خدمة..
مين فيكوا اللي جوزها كان عنده الدوالي و عمل العملية و حالته اتحسنت الحمد لله..
و هل العدد كان قليل اوي ؟؟و الحركة كانت نسبتها كام؟؟ و تعرفوا حد الحركة عنده كانت صفر و اتحسن بالعلاج؟؟ عايزة التفاصيل المملة بالله عليكوا.. خلال اليومين دول.. قبل ما اسافر تاني..

الف سلامة علي باباكي ومامتك يا مانيا
ويارب يتم شفاهم على خير إن شاء الله
وحمدالله على سلامتك ونورتي المنتدى

والف مبروووووك الخسسان يا حلوة
عقبال مانباركلك على الحمل الثابت إن شاء الله

وبالنسبة لموضوع الدوالي اوني هي اللي جوزها عمل العملية وحملت
بس رشا كمان جوزها عملها
فيارب واحدة منهم تدخل اليومين دول تطمنك

ازيكم يا بنات ...انا كنت عاوزة اطمنكم من يوم الاربع انى عملت العملية بس الموضوع طلع اصعب بكتير مما كنت متخيلة انا فهمونى ساعتين تلاتة و هتفوقى و تقدرى تقومى تمشى انا قعدت 6 ساعات على ما قدرت افتح عنيه و ماما اصلا كانت عاوزة تبيتنى فى المستشفى ده غير كمية النزيف اللى نزفتها انا كنت فاكرة العملية دى هتخلى مفيش نزيف زى لو نزل لوحدةبس يوم العملية ده كان فى نافورة دم مفتوحة بس دلوقتى قل الحمد لله بقى كانه دورة مع ان انا اصلا كان عندى نسبة انيميا فالوضع كان صعب جدا ربنا يهون عليا انا تعبانة جداا و من يومها مش قادرة اقوم من السرير انا بكتبلكم على اللاب توب و انا نايمة اصلا ده طبعا غير الالم النفسى بجد موضوع الاجهاض ده صعب اوى ربنا ما يكتبه على حد ابدا
ادعولى يا بنات لانى فعلا فى امس الحاجة لدعائكم

يا ميوي الف سلامة عليكي يا قمر وربنا يعوضك خير إن شاء الله
معلش ده ابتلاء صعب بس الحمدلله على كل حال
كل ماتلاقي نفسك زعلانة اوي رددي إنا لله وإنا إليه راجعون
خليها تسيطر عليكي والله يا مي فعلاااااااا هاتنزل عليكي رحمة ربنا سبحان الله

وإن شاء الله ربنا هايعوض عليكي بحمل ثابت يفرح قلبك

manyaa;15587431:
ازيكم يا بنات.. وحشتوني اوي... نفسي اعرف اخباركم كلكم...
انا رجعت بيتي انهاردة بس لمدة 4 ايام فقط عشان حنعزل من بيت لبيت ان شاءالله و طبعا الشقة محتاجة تنظيف قد كدا لاني سايباها من اكتر من شهر...
بالنسبة لأخباري أولا... بابا ما زال في العناية المركزة من يوم 20 رمضان... خرجوه في غرفة لمدة يومين فتعب جدا و جاله ضيق تنفس جامد و الرئة ما كانتش شغالة ... و كان عنده ارتشاح مية على الرئة مخليه مش عارف يتنفس حتى بماسك الأكسجين... فرجع العناية المركزة تاني و حطوه على جهاز تنفس صناعي يومين و حطوله انابيب في الرئتين عشان تشفط المية دي كلها ...و الحمد لله نفسه اتحسن و شالوله الجهاز الصناعي بس لسة الأنانبيب اللي في الرئة مش قادرين يشيلوها عشان لسة بتجيب مية لحد دلوقتي...
هو كان عنده غرغرينا في صباع رجله و عملوله عملية و بتروا الصوبع بس الدم كان اتسمم و أثر على الكليتين فحصل فشل كلوي حاد... و عملوله غسيل كلى.. و اشتغلت الحمد لله و وقفوا الغسيل.. بس ظهرت بقى مشكلة الرئة دي... ربنا يشفيه و يعفو عنه يارب..
ماما جت من مصر كمان و العملية اللي اتعملتلها في مصر عشان ركبتها المكسورة طلعت غلط طبعا و المفروض نوع تاني من الشرايح هي اللي كانت تتركبلها.. و حاليا بتعمل جلسات أشعة مسح ذري في نفس المستشفى اللي بابا فيها و احتمال تدخل تعمل العملية الأسبوع الجاي ان شاءالله...
ربنا يشفيهم يا رب.. انا أول مرة ارجع بيتي انهاردة من يوم 18 رمضان... بس ناوية احاول انظمها ان شاءالله اسبوعين هنا و اسبوعين في المدينة لحد ربنا ما يكرم.. اخويا اللي هنا دلوقتي حيضطر يرجع مصر عشان دراسته.. و عملنا زيارة لاخويا الكبير اللي في مصر بس وافقوله ب 14 يوم بس مش عارفة حينفع يمدهم وللا لأ .. لاني انا كمان علاجي مع الدكتور حيبتدي ان شاءالله من يوم 10 نوفمبر.. و محتارة ما بين الاتنين بس زي ما لأهلي حق جوزي كمان له حق.. ربنا ييسر الأمور يا رب و يفرج كربنا و كروب جميع المسلمين..
ما تنسونيش في الدعوات..
ححاول ابقى معاكم الايام اللي قاعداها في بيتي على قد ماقدر بس حكون مشغولة بسبب العزال لان الوقت ضيق اوي.. و صاحب البيت اللي احنا فيه مغلي الايجار و كان لازم نعزل...
نفسي اعد اقرا اخباركم كلها... بس مش حلحق.. ياريت حد يقولي تقرير عنكم..
و يا ترى ميرا بناتها عاملين ايه؟؟؟

منايا ازيك ياقمر عاملة ايه
الف سلامة علي بابكي ومامتك ربنا يقومهم بسلامة
ومبروك علي الخسسان

manyaa;15588181:
لا حول و لا قوة الا بالله العلي العظيم.... مي و ياسمين؟؟؟؟ ربنا يعوضكم خير يا رب و يجعل كل ده في ميزان حسناتكم .. و ياسمين يا حبيبتي كنتي بتكلميني كل ده و شايلة همي و انت يا حبيبتي اكيد نفسيتك كانت تعبانة.. ربنا يجركم في مصيبتكم و يخلفكم خيرا منها يا رب و يعوض عليكم و على كل من فقدت جنينها... كله خير يا بنات ان شاءالله .. حاسة بيكم لاني كنت مكانكم من فترة قريبة.... ربنا يرزقكم الذرية الصالحة يا رب و يرزقني و يرزق كل محرومة...

و انت اخبارك ايه يا ودعة.. الله يسلمك يا حبيبتي.. و حمدالله على سلامة بنات ميرا.. ربنا يباركلك فيهم يا ميرا يارب...
و عاليا يا جميلة مبروك الحمل و ربنا يتمملك على خير يارب...
و ربنا يوفق ريري و موني و يبشرونا بحمل سليم ثابت يارب ...
أمونة حبيبتي.. في كام صفحة فاتت شفت سؤالك و قلقك علية.. ربنا يكرمك و يبارك فيكي و في زوجك و في ذريتك يارب... انا كان نفسي اتكلم معاكي اوي... حاولت ادخلكم هنا يا بنات من الموبيل بس علطول كان بيهنج معايا.. فتحت الفيس بوك لقيت ياسمينا جزاها الله خير و بقيت اطمنها علية كل ما اعرف ادخل... يا حبيبتي خففت عني كتير الفترة اللي فاتت .. و عيوشة كمان ... ربنا يباركلك يا عيوشة و يجازيكي خير... و هدى كمان على الفيس معلش حبيبتي اضطريت امشي امبارح لاني كنت لسة واصلة من السفر و فاتحة عنية بالعافية و كنت داخلة أطمنكم بس...
و ميرا و فجر و هوبس و شيمو و رشا و ام فريدة و دارين و سارة و لولي و كل البنات مش عايزة انسى حد .. ربنا يكرم و يبارك لكل واحدة و يجازيكم خير يارب..و يجازي كل واحدة سألت عني خير الجزاء...
الواحد حاسس انه وسط اخواته فعلا... :)

ربنا يخليكي علي الدعوة الجميلة دي ربنا يرزقنا كلنا بذرية الصالحة يارب

RAINBOW2000;15588945:
ازيكم يا بنات ...انا كنت عاوزة اطمنكم من يوم الاربع انى عملت العملية بس الموضوع طلع اصعب بكتير مما كنت متخيلة انا فهمونى ساعتين تلاتة و هتفوقى و تقدرى تقومى تمشى انا قعدت 6 ساعات على ما قدرت افتح عنيه و ماما اصلا كانت عاوزة تبيتنى فى المستشفى ده غير كمية النزيف اللى نزفتها انا كنت فاكرة العملية دى هتخلى مفيش نزيف زى لو نزل لوحدةبس يوم العملية ده كان فى نافورة دم مفتوحة بس دلوقتى قل الحمد لله بقى كانه دورة مع ان انا اصلا كان عندى نسبة انيميا فالوضع كان صعب جدا ربنا يهون عليا انا تعبانة جداا و من يومها مش قادرة اقوم من السرير انا بكتبلكم على اللاب توب و انا نايمة اصلا ده طبعا غير الالم النفسى بجد موضوع الاجهاض ده صعب اوى ربنا ما يكتبه على حد ابدا
ادعولى يا بنات لانى فعلا فى امس الحاجة لدعائكم

مي ربنا يعوض عليكي يارب ويرزقك معلش ياحبيبتي قدر الله مشاء فعل






مني ربنا معاكي بكرة في السحب وان شاء الله ربنا هيكرمك يارب

اماني حمد الله علي السلامه والف سلامة علي بابا وماما ربنا يقومهم بالسلامه والله حااجه صعبه اوي لاتنين كده مرة واحده بس ربنا كريم وقادر يشفيهم باذن الله ومبروك عليكي الخسسان يا قمر عقبال الحمل يارب


مي حمد الله علي سلامتك يا حبيبتي وربنا يعوض عليكي يارب قريب اوي وشدي حيلك كده واخرجي من المود الوحش ده بسرعه

ساره شيفاكي تحت عاااااااااااامله ايه؟ حمد الله علي السلامة

RAINBOW2000;15588945:
ازيكم يا بنات ...انا كنت عاوزة اطمنكم من يوم الاربع انى عملت العملية بس الموضوع طلع اصعب بكتير مما كنت متخيلة انا فهمونى ساعتين تلاتة و هتفوقى و تقدرى تقومى تمشى انا قعدت 6 ساعات على ما قدرت افتح عنيه و ماما اصلا كانت عاوزة تبيتنى فى المستشفى ده غير كمية النزيف اللى نزفتها انا كنت فاكرة العملية دى هتخلى مفيش نزيف زى لو نزل لوحدةبس يوم العملية ده كان فى نافورة دم مفتوحة بس دلوقتى قل الحمد لله بقى كانه دورة مع ان انا اصلا كان عندى نسبة انيميا فالوضع كان صعب جدا ربنا يهون عليا انا تعبانة جداا و من يومها مش قادرة اقوم من السرير انا بكتبلكم على اللاب توب و انا نايمة اصلا ده طبعا غير الالم النفسى بجد موضوع الاجهاض ده صعب اوى ربنا ما يكتبه على حد ابدا
ادعولى يا بنات لانى فعلا فى امس الحاجة لدعائكم

مي
حمدالله علي سلامتك
ربنا يجعل تعبك في ميزان حسناتك ويعوض عليكي من حيث لا تحتسبي ان شاء الله

انتوا مختفيييييين ليه انهرده؟؟؟؟

مييييييرا وحشتينا انتي والبنات ادخلي طمنينا عليكي

وامونة مش دخلت بيتهيالي انهرده خااااالص برضه... يارب خيييييير

والبت عيوش طبعااااااا وحشانى جدااااااا وعمالة ابعت لها رسايل على الفيس بس بقت مش بتدخل
يارب طمنا عليها

ورشروش برضه هربانه بقالها كام يوم

عودوا بقى الحياااااااااااااة زهق اوييييييييييييي