شات منتظرات الحمل وامهات المستقبل القريب باذن الله(بنات مصر)لشهر شوال/سبتمبر

ازيكم يا عيال مختفين لية

صباااااااااح الخييييييييييييير

ازيكم يا كتاكيت

لحظةحب;15516166:
انتم فين يا عيالل مختفين

ياسمين عامله ايه والبيبي عامل ايه

انا جيييييييييييييييييييييييييييييييت

من الساحل الشمالى

عيد سعيد عليكم

قال وانا اللى داخلة افضفض و احكى همى الاقى الكل مهموم

ده انا فى نكد عمرى ما شفت زييييييييييييييه من يوم ما اتجوزت ( فى حاجة غللللللللللللللط بتحصل على فكرة )

احكيلكم لانى لو محكيتش لحد ممكن اروح ارمى نفسى فى البحر و اخلص من حياتى كلللللللللللللللللها و منه بالمرة ( جوزى ) طبعا

النكد بدأ انه واحنا مسافرين كان معانا مرات اخو جوزى و بنتها و صمم ان بنت اخوه هى اللى تقعد قدام عشان انا اقعد مع مراات اخوه ورا بحجة انها متزعلش و لما قلتله انا مش هبقى مبسوطة لو قعدت ورا قاللى بالحرف الواحد ( انشاللله عنك ما اتبسطتى ) و هو عمره ما كلمنى بالاسلوب ده و كمل الجملة بانه قاللى لو فضلتى تعندى و تجادلى فى كل حجاة معايا بالشكل ده ( هخلللى ايامك معايا سودا ) تخيلللللللللللللللللللللوااااااااااااااااااااا .؟؟؟؟

سكتت و مكبرتش الموضوع عشان الناس اللى هتركب معانا و جينا هنا الساحل قالب عليا و مش طايقنى و مبيكلمنيش غير قدام اهله

لكن مجرد ما نبقى لوحدنا مبيعبرنيش و يفضل يحرق فى دمى بحركات و كلام مالوش لازمة

يوم الوقفة:

جدة جوزى معانا تعبت نقلوها المستشفى طلعت عندها جلطة فى رجلها و حجزوها هناك

اول يوم العيد :

بنتى وقعد من على كرسى السفرة نافوخها ورم جدااااااااااااااااااااااااااااااااا

جيه هو من برة شاف البنت كدة بهدلللللللللللللللللللللللللللللللللنى قدام اخواته كلهم و قاللى لازم البنت تتعور و انا مش موجود انتى مبتعرفيش تعملى حاجة

انتوا هترجعوا معايا مصر مش هسيب البنت هنا معاكى

و قل ادبه

دخلت اوضة النوم و فضلت اعيييييييييييييييط بانهييييييييييااااااااااااااااااااااااااااااااااااار و قلتله طللللللللللقنى

اول مرة اقولها من يوم ما اتجوزت

و قعدت حمااي و اخواته الرجالة الكبار و بهدلللللللوووووووووووووووووووووووووووه

بس برضه مبيكلمنيش و لا طايقنى

جينا اول يوم العيد بليل جدة جوزى تىعبت اكتر الجلطة راحت الرئة و نقلوها الرعاية المركزة

بليل و احينا راجعين من المستشفى بيلللا و قعت من على سلم الشاليه وشها اتخررررررررررررررررشم

و المرة دى كانت هى مع باباها فمقدرش طبعا يفتح بؤه

جدة جوزى اتحسنت و احتمال تخرج من الرعاية بكرة باذن الله

بس جوزى بيعاملنى معاملة زبااااااااااااااااااااااااااااااااااااااااااااااااااااااااااااااااااااااااااالة كانى شغالة او دادة للبنت فقط و مش طايق كلمة منى بيكلمنى بس قدام اهله

مع انى شايلة اهله و شايلة البيت فى عدم وجود حماتى عشان هى مع مامتها فى المستشفى و قايمة بكل طلبات حمايا و حماتى و جدة جوزى

و فى الاخر هى دى شكرا اللى جوزى بيقولهالى على رعايتى و خدمتى لاهله فى العيد

حسبى الله و نعم الوكيل فيه

يارب هاتلى حقى

حسبى الله و نعم الوكيل

هدي
اولا كل سنة وانتي طيبة
ثانيا متحسبنيش علي جوزك حبيبك عشان انا متاكدة انتي بتحبيه قد ايه؟
ومعلهش هو فعلا الشياطين بعد رمضان عاوزة تعوض الشهر بانها تعمل اهم حاجة وهي الشقاق بين الازواج
فمش تستلمي لان اكيد ده مش الطبيعي بتاع جوزك وعشان كده انتي متفاجئة
واضح ان فيه حاجة مزعلاه ومخلياه قالب عليكي
لما الدنيا تهدي وتحسي انه بقي احسن كلميه وشوفي ماله لكن ما تاخديش اي موقف عدائي
وربنا يجعل تعبك مع اهله في ميزان حسناتك
وان شاء الله الامور تهدي وكله يعدي بسلام

ايه يا بنات ده الشيطان مهيص اليومين دول علي الاخر ربنا يبعده عننا جميعا يارررب و يصلح حالنا جميعا يارررب

لا اله الا الله

هدي اكييييييييييييييييد جوزك شايل ومعبي منك في حاجه ولازم تعرفيها بس لما تهدوا خالص والعيال يااااااااااااااما بتقع وتتعور دول عيال هو مزودها بس معلش ربنا يروق بالكم يارب بس اوعي تغلطي نفسك ولا تعلي صوتك في لحظة كويسه عاتبيه وهتعرفي السبب

ياسمين عملتي ايه عند الدكتور يوم الاتنين هو احنا لالالالالالازم نفكرك عشان تقولي يابت انتي ؟

ودعه ازيك يا حبيبتي صعبتي عليا اوي ان جوزك مداوم في العيد بجد حاجه خنيقه ربنا يقويكي

يا عيال مش انا اللي مش مركزه انتم اللي مركزتوش مش انا قلتلكم اني روحت قبل ميعادي بيومين علشان كنت تعبانه والدم كان زاد والبدكتور لقا الكيس كبر عن اخر مره لكن مفيوش جنين وخلي كمان الاستشاري يعملي سونار وقالي في الغالب الدم ده علشان الرحم شايف الحمل مش كويس فبطرده بس بما انه حمل عزيز خلينن نديله فرص اسيوع كمان يمكن يظهر الجنين هو احتمال بعيد بس دكتوري مش عايز يتسربع وعليه ميعادي هيكون يوم السبت يبقا القرار النهائي لكن عموما هو خلاص مغيش حمل بس احنا مع الكيس للاخر لما نشوف هيعمل ايه

ايه يا عيال النكد اللي انتم فيه ده مالكم بس استعيذوا من الشيطان شكله شادد حيله عليكم

ياسمين ان شاء الله ربنا يخيب ظنك انتي و الدكتور و الحمل يكمل بإذن الله

ربنا يطمنك يا ياسمين باذن الله و يكتبلك الخير و يراضيكى بيه

ازيك يا هدي عامله ايه دلوقتي و بيلا عامله ايه ؟؟

بنات دا شكله فعلا شيطان انا والله على قد ماهو هايمى ومضيعلى كرامتى على أد ما هو واحشنى انا والله العظيم ولا باكل ولا بنام ومش مبسوطة خالص م اهلى وكل ما اعيط يزعقولى ويفضلو يقنعو فيا انى لازم انسى اللى ينسانى وانه لو نسينى مع السلامة ف ستين سلامة
صعب اوى بجد حد كنتى حاساه انتى وانتو الاتنين واحد فجأة يبقى راجل غريب عنك!!!!!:'(:'(
انا اخويا قابله اول يوم العيد وفضل يقوله احنا على طول خناق ومشاكل وهى عصبية وبتتعصب فى الخناق:'(:'(ومقلوش انه ف كل خناقة يقولى مش عاجبك مع السلامة على اهلك
على فكرة ياهدى انا جوزى بيزعقلى قدام اهله ولما قلت لمامته مرة قالتلى وماله هو احنا اغراب!!!!!!!:!!::!!::!!::!!: قلتلها وانا كرامتى فين؟؟؟؟ قالتلى يابنتى مفيش كرامة بين الاهل:!!::!!: ودى احدى الاسباب اللى خلتنى اروح عند ماما

انا بجد مش مطمنة خالص وماما عمالة تقولى اتقلى عشان يعرف قيمتك ويعرف قيمة كلامه ليكى وانتى الغلطانة انك حباه زيادة عم اللزوم ومدلعاه خليته يفتكر نفسه حاجة:'(محسسانى انى كنت ماشية مع واحد فى الشارع مثلا:(
انا مبئتش فاهمة اى حاجة ولا قادرة اعيش وحاسة ان كل حاجة طعمها وحششش وهو ماشاء الله عليه سافر واتبسط آخر انبساط وعمال ينزل صور على الفيس بوك:'(وانا مسافرة مع اهلى بكرة ان شاء الله بس مش حاسة انى هتبسط وهم اصلا قرفو من عياطى وقلقى وكل الاقناع منهم دلوقتى انى اتقبل عدم وجوده ف حياتى:'(:'(مش سهل خااالص عليا يعنى:'(
ادعولى يابنات بجد بأمانة والله اى واحدة فيكو تقرأ كلامى تدعيلى ربنا يفك كربى ويهديه ويجمعنى بيه عاجلا غير آجلا

ايه ده يا بنات انا مش مسدئة كمية الخناقات والاخبار الوحشة اللي سمعتها في العيد !!!!!!!!!!!!!!!


ياسمين .............. يارب يخلف ظن كل الدكاترة ويخلق جنين جوا الكيس ويثبته ويفرح قلبك يارب


شيماء ................. انا مع كلام شوشو ان المفروض ماماتك مكنتش تعرف اي حاجة بتحصل بينكم , بس لما عرفت انه كان بيضربك في الخناقات قلت لا هنا لازم يبقى في وقفة من اهلك مع جوزك عشان يعرف ان بنات الناس مش لعبة , لكن اهم حاجة انك توضحي لاهلك وبمنتهى الصراحة انك مش عايزة تطلقي من جوزك لانك مش هتقدري تعيشي من غيره , قوليلهم دي حياتي انا وانا حاسة اني هضيع من غيره , انتو اتكلمو معاه وفهموه غلطه واتكلمو مع اهله, وحاولو تصلحو ما بينا , لان الطلاق صعب اوي على نفسية البنت وجرح عمره ما بيروح

ربنا يصلحلك الحال ويهدي سرك انتي وجوزك يحنن قلبه عليكي , صلي ركعتين قيام ليل يا شيماء وادعي ربنا وعيطيله بدل ما بتعيطي ادام اهلك



دارين ورشا ,,,,,,,,,,,, ربنا يهديكو يارب ويصلح حالكم ويبعد الشيطان عنكم, وربنا يكرمكم يارب بالذرية الصالحة اللي تنسيكم كل القرف ده


هدى .......... جوزك اتعصب ليه اوي كده ؟ هو في حاجة كانت مزعلاه منك قبل السفر ؟ ولا في حاجة مزعلاه في شغله؟ اصل انا شايفة انه اتعصب على حكاية انك مش عايزة تقعدي ورا ودي حاجة ممكن كان يناقشك فيها بهدوء ويقولك معلش اقعدي المرة دي ورا عشان متكسفنيش ادام اخويا وعشان مراته متحسش انها غريبة , لكن جوزك كان عنيف اوي في رد فعله وانا مستغربة اوي !!!!!!

ربنا يهديهولك يا هدى وتتصالحو بسرعة


البت ميرا مدخلتش تطمنا عليها , انا بعتلها مسج اول يوم العيد اطمن عليها وهيا قالتلي انها والبنات بخير بس مقالتش تفاصيل , يارب يا ميرا يسمعنا عنك كل خير


عيوش ........... البقاء لله في والد صديقتك ربنا يصبر قلوبهم يارب


ميسا ............... الف مبروك الحمل يا مزة وعقبال يارب ما تجيبي اخت للبراء ولا انتي بتحبي الصبيان ؟


ميجو ,شوشو ,اوني ,موني ,سارة ,شيري ,ميوي ,مها , هبه , ازيكم يا حلوين, ربنا يسعدكم ويبعد عنكم الشيطان اللي هايص ده

د\امونة;15517489:
ايه ده يا بنات انا مش مسدئة كمية الخناقات والاخبار الوحشة اللي سمعتها في العيد !!!!!!!!!!!!!!!


شيماء ................. انا مع كلام شوشو ان المفروض ماماتك مكنتش تعرف اي حاجة بتحصل بينكم , بس لما عرفت انه كان بيضربك في الخناقات قلت لا هنا لازم يبقى في وقفة من اهلك مع جوزك عشان يعرف ان بنات الناس مش لعبة , لكن اهم حاجة انك توضحي لاهلك وبمنتهى الصراحة انك مش عايزة تطلقي من جوزك لانك مش هتقدري تعيشي من غيره , قوليلهم دي حياتي انا وانا حاسة اني هضيع من غيره , انتو اتكلمو معاه وفهموه غلطه واتكلمو مع اهله, وحاولو تصلحو ما بينا , لان الطلاق صعب اوي على نفسية البنت وجرح عمره ما بيروح



ميجو ,شوشو ,اوني ,موني ,سارة ,شيري ,ميوي ,مها , هبه , ازيكم يا حلوين, ربنا يسعدكم ويبعد عنكم الشيطان اللي هايص ده

والله يابنتى انا مش بحكى لماما هو ماشاء الله كل حاجة عند مامته حتى ادق الاسرار:oوهو مش بيضربنى هو كل خناقة يقولى مش عاجبك مع السلامة امشى انا اقدر اجيب 100 غيرك وبيزعقلى قدام اهله ومرة زعقلى فى الشارع والله:'(وعلى طول يستفز فيا:'(ويقولى مفيش حاجة اسمها كرامة للست قدام جوزها وانتى تعيشى هنا على مزاجى انا مزاجك وشخصيتك دى عند امك:'(:'(حسبى الله ونعم الوكيل ادعولى يابنات ربنا يهديه ونرجع لبعض

ماما سافرت النهارده الكويت , طيارتها الساعة 3 الفجر , ربنا يوصلها بالسلامة :(

مش عايزة اقولكم طبعا لحظة الوداع دي بتبقى صعبه ازاي , كلنا بنعيط وحالنا بؤس :(

اخواتي بيصعبو عليا اوي , حاسة انهم لوحدهم , نفسي ربنا يكرمهم اوي بازواج صالحين , والله طول شهر رمضان وانا بدعي واقول يارب لو ليا دعوة واحدة بس هتتقبلها مني , ياريت ترزق اختي بزوج صالح يحبها ويخاف عليها , اختي عندها 26 سنة وطبعا ماما وبابا قلقانين اوي عليها وشايلين الهم , عشان كده نفسي ربنا يفرح قلوبهم بجواز اختي , يارب تقبل مني يارب


انا مضطرة اقوم دلوقتي لاني لسه جاية من المنصورة وهلكانة وعايزة انام , تصبحو على خير

اموووووونه حمد الله علي سلامتك وربنا يوصل ماما بالسلامه ان شاء الله و يرزق اختك بالزوج الصالح ياررررررررب و يطمنكم عليها ان شاء الله ...