شات منتظرات الحمل وامهات المستقبل القريب باذن الله(بنات مصر)لشهر شوال/سبتمبر

اه عايزة اقول حاجة على الاورام الليفيه


بتهيالي هدى ام بيلا كان عندها ورم ليفي بس ممنعش الحمل , هو الحكاية كلها يا دارين ان اشعة الصبغة فعلا مهمة عشان تعرفك الانابيب فيها التصاقات ولا لا عشان متاخديش علاج عالفاضي, انا عملتها بعد 7 شهور من جوازي والحمد لله كانت سليمة , اسألي الدكتورة عليها المرة الجاية و هيا ببتعمل بعد الدورة علطول

رشا............. انا رأيي تستني جوزك لما يخلص كورس العلاج , ولما ييجي يحلل تحللي انتي كمان تحليلات بتاعة تاني يوم الدورة وكمان تحليل البروحيسترون في اليوم ال 21 , وكده تبقو عملتو اللي عليكو انتي وجوزك وتاخدو التحاليل للدكتور وهو يقرر بئة على نور كده ايه اللي يعمله الخطوة الجاية

ولو طلع كل حاجة سليمة ان شاء الله استني كام شهر يمكن يحصل حمل من غير تنشيط , لو لا قدر الله ما حصلش اعملي اشعة الصبغة , انا خليت اشعة الصبغة للاخر لانها بصراحة مؤلمة ومش عايزاكي تتعرضي ليها الا للضرورة لاني بصراحة تعبت منها اوي بس جت بفايدة الحمد لله

انا رايحة اطبخ الرز :(

سلام مؤقتا

سلام يا مونة

ماشى ولا حتى سلمتى عليا

هخليني انا احسن منك

ابقى طمنينا عليكي وعلى البيبي

ازيكم يا حلوين
سارة
انا بدخل بس اوقات مش فيها حد

وبالليل جوزو كان هو اللي علي اللاب ودخلت نمت في ميعادي عادي
ملحوقة
صايمة النهاردة؟؟؟ودعيتيلي علي الفطار امبارح ولا لأ؟

ماشى يا ست هعديهالك المرة دي

اة الحمد لله صايمة

اعزريني يا ودعه الصيام بيخليني بهوهو

اوعدك ادعيلك النهاردة ولكل البنات ان شاء الله

مش انا جبت نتيجة التحاليل

الاف اس اتش 7.8

الال اتش 4.9

برولاكتين 19.5

طبعا فى نسبة تكيسات بس مش عالية

والبرولاكتين عالى مش عارفة لية

عموما مردتش اجيب دوستنكس واخدة مني لنفسى قولت لما اروح للدكتور اشوف هيقولى اية

المهم انتى اخبارك اية

صحيح يا ودعه هو كدا الاف اس اتش عالى ؟؟؟؟

سارة علي فكرة ممكن يكون البرولاكتين اللي نسبته عاليه هو اللي مانع الحمل وميكونش فيه مشاكل تانيه
انا اعرف بنوتة كان حصلها كده ولما الهرمون نزل للطبيعي حملت ماشاء الله
ربنا يكرمك ياااارب عن قريب انتي وشيماء وريري وموني ودارين ورشا وكل البنات ياااااارب


بقية البشر اللي هنا
ازيكو :D

كويسة ياسارة الحمد لله
تحليلك حلو علي فكرة
حتي مش يعتبر تكيس والبرولاكتين برده مش عالي قوي
بس ما يمنعش تكملي جلوكوفاج وتاخدي قرصين دوستنكس بس
حيظبطو الليلة ان شاء الله

.. Hopes;15537221:
سارة علي فكرة ممكن يكون البرولاكتين اللي نسبته عاليه هو اللي مانع الحمل وميكونش فيه مشاكل تانيه
انا اعرف بنوتة كان حصلها كده ولما الهرمون نزل للطبيعي حملت ماشاء الله
ربنا يكرمك ياااارب عن قريب انتي وشيماء وريري وموني ودارين ورشا وكل البنات ياااااارب


بقية البشر اللي هنا
ازيكو :D

ازيك يا هبهب عاملة اية يا حبيبتى والبيب عامل اية

بالنسبالى انا الحمد لله مش عندي اى مشاكل لكن المشكلة فى حركة احيوانات المنوية عند جوزي ربنا يشفية ويشفي كل مريض عاجلا يااارب

وربنا يتقبل منك ويرزقنا كلنا عاجلا وميبقاش ملف للمتاخرات عن الحمل يبقى ملف للحوامل

ما شاء الله الله اكبر النسبة الاكبر بقت حوامل وعقبال الباقى يااااااااااااارب عاجلا

د.ودعه;15537224:
كويسة ياسارة الحمد لله
تحليلك حلو علي فكرة
حتي مش يعتبر تكيس والبرولاكتين برده مش عالي قوي
بس ما يمنعش تكملي جلوكوفاج وتاخدي قرصين دوستنكس بس
حيظبطو الليلة ان شاء الله

اة انا هكمل على السيدوفاج لانى محتاجة اخس بردو يا ودعه ولان الشعرتين اللى فى دقنى نموهم بيتوقف لما باخد السيدوفاج

وانا مبارح قولت اجيب الدوستنكس وبعد كدا قولت اروح للدكتور اشوف هيقولى اية

اصل لما سقطت قولتلة انى اخدت علبيتن دوستنكس علشان اللبن فقالى على نوع دوا تانى كدا فقولتلة انا اخدت دوستنكس فقالى اغنيا انتو يعني

اما اروحلة اشوف اية نوع العلاج التانى دا واحسن ولا لا لو الدوستنكس احسن هجيب الدوستنكس ومش مشكلة غالى غالى

ماجده شكرا ياقمر انك افتكرتي تسالي دينا وربنا يطمنا عليها يارررب

انا بقا الشغل طار قدر الله وما شاء فعل بعد ما خلاص كل اوراق خلصت اتصلوا بيا وقالولي الموظفه القديمه رجعت ومش هنقدر نجيب حد غيرها شوفتوا الحلاوة
يلا الحمدلله

معلش ياشيماء ملكيش خير فيه
ان شاء الله ربنا يرزقك بأحسن منه قريب بأذن الله ويرزقك بالنونو اللي يخليكي مش لاقيه وقت تفكري تشتغلي اصلا :D

معلش يا شوشو

قدر الله وما شاء فعل

متزعليش يا قمر

المهم انتى اخبارك اية

عاملة اية

بجد نفسى اتكلم مع دينا وحشتيني جداا

ونفسى اطمن على علوش وامنية عاملية اية فى الحمل

والبت سحر بقالها كيتر مش بتدخل

ولميس حتى لما بتدخل مش بتتكلم كتير

ربنا يطمنا عليهم كلهم يارب

سارة
لا مش عالي خالص
وعلي فكرة البرولاكتين لحد 30 مش عالي بس احنا بنزله زيادة احتياط والدوستنكس احسن حاجة لان مالوش آثار جانبية والدكتور عاوز يوفرلكم بس
حظكم انتو في الدكاترة الموفراتية زي اللي مكنش يكتب لجوزك الدوا عشان غالي
والله لو عاوزينهم يوفرو ماهم موفرين بس تلاقيه متظبط من الشركة التانية كويس



شوشو

ان شاء الله ربنا يعوض عليكي باحسن منه
ومتزعليش خالص انتي في بلد غريبة واللي يفاديكي فيها احسن من اللي يصيبك

شوشو
متزعليش نفسك كله خير
قدر الله وماشاء فعل
ربنا يرزقك باحسن منه

سارة ....... حقك على راسي من فوق , صحيح انتي اللي صايمة بس انا اللي مسطولة :)

والحمد لله تحليلك نتيجته حلوة والبرولاكتين نسبته زي ما كانت عندي وفي دكتورة طنشت ودكتورة تانية ادتني دوستنكس واخدته بس محللتش تاني


شوشو ............ ايه الاستهبال ده , يعني ايه الموظفة القديمة رجعت ؟ دول ناس غريبة اوي

عموما متزعليش ودوري على شغل تاني وان شاء الله تلاقي

ازيكم يابنات
ميرسى على ردودكم يابنات
انا فعلا هاخد بكلامكم وهاستنى لما يجى يحلل وهاحلل معاه بالمره حتى نبقى نروح للمختبر مع بعض
وبالنسبه للعلاج هاستنى البريود الجايه ويارب ماتيجى ولو جت هابقى انزل اشترى العلاج ويبتدى ياخده بس هو مش كورس على فكره هو لفتره شهر بس..

لحظةحب;15535070:
ريري
كنتي بتسالي علي حقن اللوكرين ديه حقن التثبيط هتقضلي تاخديها لغاية قبل السحب وديه بتعمل تثبيط للمبيض..والزكسازون ده كرتيزون كويسه علشان لو فيه اجسام مضاده ةربنا يكملك علي خير يارب..الدكتور طمنك بعد المنظار
اما بقا بما انك مش متابعه الاخبار الاخيره الدم الحمد لله وقف لاني عملت تنظيف الكيس طلع مفيهوش جنين والحمد لله علي كل حال

ياسمين ربنا يعوض عليكي يارب متزعليش وان شاء الله ربنا هيكرمك
ويعوض عليكي
ومرسي ياياسمن انك قولتيلي ايه اللي انا باخدة ده
اه الدكتور قالي الرحم كويس الحمدلله وطمني

د\امونة;15537636:
سارة ....... حقك على راسي من فوق , صحيح انتي اللي صايمة بس انا اللي مسطولة :)

والحمد لله تحليلك نتيجته حلوة والبرولاكتين نسبته زي ما كانت عندي وفي دكتورة طنشت ودكتورة تانية ادتني دوستنكس واخدته بس محللتش تاني


شوشو ............ ايه الاستهبال ده , يعني ايه الموظفة القديمة رجعت ؟ دول ناس غريبة اوي

عموما متزعليش ودوري على شغل تاني وان شاء الله تلاقي

ماشى يا ستى ولا يهمك

هسامحك علشان ابنك الى فى بطنك دا لكن لو مكنش هو كلمتى مكنتش نزلت الارض ابداااااااااااااا

هههههههههههههههههههههههههه

ra_tamima;15538124:
ازيكم يابنات
ميرسى على ردودكم يابنات
انا فعلا هاخد بكلامكم وهاستنى لما يجى يحلل وهاحلل معاه بالمره حتى نبقى نروح للمختبر مع بعض
وبالنسبه للعلاج هاستنى البريود الجايه ويارب ماتيجى ولو جت هابقى انزل اشترى العلاج ويبتدى ياخده بس هو مش كورس على فكره هو لفتره شهر بس..

ربنا معاكي يا رشا والدورة مش تيجي وتبقى حامل ياااااااااااارب


ريري ازيك يا قمر

ربنا معاكي ويرزقك عاجلا