التجمع الرابع لحوامل شهر يناير 2012

هلا وين وصلتو بالتجهيز

ياسمينات ننتظر الصور مووووتي الصور

السابع اي اسبوع ندخل؟

برشووونه .. اي اهي مستانسة لان بجي يلعب وياها ههههه

الله يستر بعدين اني الاحظها لين نروح بيت ابوي تستانس على يسوفي ولد اخوي

كل تبي بحضنها وتبي تعطيه الممية :adore: وترى هي تغار بس الحمد لله ما اشوف

تسوي حركات تأذي الياهل يعني كل تبي بحظني و جذي :confused:




روحي .. نعيما مقدما و امممم مدري صراحة لاني للحين ماجربت :lol:




ماء الكافور .. هلا والله توه ما نور التجمع
ههههههههههه خفافيش الليل هالمرة مبينة بالنهار بعد لان :lol:

هلا فيج خلف جبدي تسلمين لي والله وما يوحشج غالي يارب

يلا بالانتظار للتقارير طبعا

الام الحنون .. هلا والله

اني صراحة موقفة تجهيزات حاليا للظروف المعاشية خخخخ

وانطر المعاش على احر من الجمر عشان اروح اكمل باقي الثياب

وبعدها خلاص بوقف لين الشهر الثامن والتاسع عشان اشتري

باقي الاشياء الخفيف ادوات الرضاعه والنظافة و السباحة

وعن متى ندخل السابع 26 اسبوع اظن ندخل السابع

اليوم رحت السيتي وأول محل دخلته كان دبنهامز وما شاء الله عنده أشياء روعة أني استغربت من بريشان تقول ما عنده ، حتى الافرولات اللي لونهم بلو بيبي كانت روعة ، وكان مسوي تخفيضات على ثياب الصيف ، أخذت من عنده 3 افرولات من 0-3 و 3 افرولات صيفيه من 3-6 قلت بخشهم له، وعجبوني جواربهم بس كان مخلص السايز اللي ابغيه:(

وبعدين رحت اج آند أم ولا عجبني شي كالمعتاد ، وبعدها رحت زارا هوم عجبني لحاف من الكروشيه بس سعره واجد مبالغ فيه كان ب 35 دينار وحسيت ألوانه بناتية وكان فيه بعد لحاف من الكروشيه ابيض سادة لكن واجد متين فما أخذته .

وعقبها رحت كارتز صراحة عنده أشياء حلوة وألوان مميزة أخذت بدلة مكونة من تبانتين وسروال وأخذت طقم تبانات كم طويل بركب معاهم سروال ألوانهم عجيبة صراحة حبيتهم :adore:وأخذت طقم مكون من مهادين، وكانت عندهم أشياء حليوة بس أني كنت مستعجلة على موعدي.

بعدين مريت مذركير الأصلي وكالعادة ما عندهم شي جديد وأخذت طقم فوط صغيرة للرضاعة وطقم مريلات وفوطة سباحة، ومريت على أغراض السباحة وشفت عندهم اسفنجة السباحة ما عجبتني حسيت الا في سنتر بوينت احسن وارخص.

وآخر مكان مريته هو سنتر بوينت وكان على السريع لأن موعدي قرب ، والا كانوا منزلين الشتويين مال الاسكيمو ، وأخذت طقم فوط رضاعة و3 مهادات وطقم تبانات ابيض وطقم ثاني بلو بيبي وأخذت جورابين.

تقريبا خلصت الثياب باقي علي أشياء بسيطة ، وقلت الشهر الجاي ان شاء الله اكملهم واتفرغ لأغراض السباحة والرضاعة

طلعت من السيتي واني حدي تعبانة :confused:، ورحت موعدي والحمدلله كان كل شي اوكي والبيبي تطمنت عليه ، المضحك في الامر ان الدكتورة سألتني تقول لي آخر مرة ويش قلت لج جنس البيبي؟ الا اقول ليها ولد وانا مبطلة عيوني جذي :-o ، اقول ليها لا تقولين بنت الا تقول لا لكن خاش روحه وعقب تحرك الا تقول لي لا تطمني ولد، اقول ليها اي مو عقب ما جهزت للولد يطلع لي بنت ما فيني شدة بعد اغير :rolleyes:

انا اتوقع اللي ولادتهم اول يوم من يناير هم اللي بيولدون قبل

يعني ام سلمى ودلوعة س و ياسمينات