✿ التجمع الرابع لحوامل شهر ديسمبر 12-2011 ✿

السلام عليكم بنات كل عام وانتم بخير
وان شاء الله زي الايام دى تكون كل واحدة معاها البيبي بتاعها
بس يا بنات والله لما بشوف مواضيع البنات عن التجهيزات بحسها اسراااااااااف والبنات كمان اللى بتسافر بس علشان تجيب تجهيزات البيبي يعنى بنجيب المفروض المعقول ما هو احنا هنتسأل يوم القيامة عن اللى بنعمله دة غير كدة البيبي اساسا نموه هتلاقيه بسرعة والشتا كمان قصير فمش نجيب حاجات عالفاضي احتمال ما يلبسهاش جيبوا المعقول ووالاساسيات في التجهيز واذا احتاج حاجة زيادة جيبوها بعدين
والله يوفقكم

هلااااا حوامل كيفكم كل عام وانتم بخيرررررررررررررررررررر وان شاء الله عساكم من العايدين

وربي يسهل علينا حملنااااا يارببب

ملكت قلبك مبرووووك ع دخولك السابع حبيبتي

امممم بنات حوامل فديتكم انا هالفترة تجيني حكه غريبه ف جسمي ف افخاذي وايدي وذراعي
وبطني وظهري وش المشكله وكيف احلهااا وهل وحده منكم مرت بهالشي بليييييييييز خبروني

السلام عليكم يابنات

العيد خلاص خلص :(

يلا الحمد لله ربنا يعيده علينا بالخير والصحة والعافية:)

أم مشمش يانهارك أبيض بقى الناس مش عارفة العيد الثلاثاء والأربعاء

تروحى إنتى تتفقى مع الست فى الوقت الغير مضمون

إحنا منظفين الشقة من قبلها باسبوع علشان نكون فى الامان

اللى زيك كده خالتى فضلوا بايتين طول الليل ينظفوا ويفرشوا فى الشقة

ويادوب إستحموا ونزلوا يصلوا صلاة العيد

إحنا فطرنا سمك :)

بس إيه على ما جهزنا الأكل كنت انا خلصت وبامشى زيك كده زى البطة

لأنى مش قادرة أمشى وعمالة أنقل التقل من رجل لرجل

وامس رحنا عند حماتى وإخوان زوجى وسلايفى كلهم كانوا متجمعين

وتعبت على آخر النهار لغاية ما إتأخرت عندهم فبت عندهم ورجعت النهاردة

الظهر على بيت أهلى

ويادوب برضه فطرت ورجعت تعبت تانى ويادوب صليت العصر ودخلت نمت

لحد المغرب وقمت صليت ودخلت إستحميت علشان أفوق

وبالنسبة للورق انا خلصت المطلوب منى إن شاء الله فاضل بس غنه يدخل

السفارة ويأخد وقته هناك علشان يتمموا لى التأشيرة على الجوازات

وربنا يسهلها ويوافقوا على التأشيرات

وما تظهرش أى مشكلة تانية

أم أحلى محمود ربنا يرد لك زوجك بخير وصحة وعافية

وما يكتب لك الولادة إلا وإنتى فرحانة بوجود زوجك معاك

وبالنسبة للتعب اللى حاسة بيه ليا تقريبا أربع أيام فيا مغص شديد من تحت

بيروح وييجى

شكلها إنقباضات للرحم عادية

عامة انا ميعادى مع دكتورتى إن شاء الله الثلاثاء الجاى

اطمن منها

وإنتى كمان روحى للدكتورة وإتطمنى منها

ملكت قلبك وحور العين ألف مبروك دخول السابع

توأم روح حبيبى ام أحلى محمود بتعانى من نفس المشكلة

حساسية الحمل

الله يعينكم عليها أنا اليومين دول مقطعة جلد صدرى وبطنى من الحكة

بسمة الروح الله يعينك ويعينا على تعب الحمل

دكتورة سمسمة اخبارك إيه بس برضه العادات والتقاليد بتفرق من بلد لبلد

ونسأل الله ألا نكون من المسرفين

اسيرة الله يعينك على الصوم

انا صعب جدا أصوم اى حاجة تانى دلوقتى

انا عليا 12 يوم من رمضان بالعافية وبالخناق مع الدكتورة لو عليها كانت

عايزانى أفطر رمضان كله

ولما صمت آخر أيام من رمضان متواصلين تعبت قوى وكان كل يوم بيحصل لى

هبوط وتعب فى جسمى كله وكنت باغصب على نفسى وأستحمل

علشان أصوم آخر أيام من رمضان

أم أيهم العسل اهلا بيكى بينا واهلا باهل عمان كلهم

ومبروك الحمل ياقمر ربنا يتمم لك ولنا على خير

بس بقى عرفتى نوع البيبى ولا عملاها مفاجأة ;)

إم واى صباح الخير عليك العيد الحمد لله كويس معانا إنتى بقى أخبار العيد

معاكى إيه :)