şé̲м̲̅σ;15510911:
انا لسساتني بكر قصدي وششسمه سسنقل عزباء ههههه
بس اكيييد وقتهآ الوالده تنصحني اصير سسسنعه واترك
عني الاهبال والدجه والهيآط ^^
ههههههههههههههههههه يا لبى تسبدهآ ..
تسمنين يآ عسسسوله
فديتك ياعسل منورتنا وفديت الوالدة ونصائحها الله يحفظها لكم يارب وتفرح فيك
هبال ودجة وش حلاتها عيشيها بكل معانيها فى فترة العزووووبية :cool:
بس هياااط؟؟:lol:من وين طلعتي فية ؟؟؟
مرحبـــــــــــــااااااا
الصراحه انا امايه قالتلي اهتمي فريلج ولاتقصري عليه بشي ..
واسراركم تكون بينكم وماتطلع من البيت ابداااا..
واذاا عصب خليه شوي وعقب رمسيه بكل حب ولاتظهري من عنده لحد ماتهديه..
اما ع سآلج أختيه انا لما أكوووون زعلانه ومتضايقه أقول حق ريلي شو رايك نلعب لعبه الصراحه وكل واحد يقول الى فخاطره بهطريقه أقدر أقول اي شي بس باسلوب حلو عسب كل واحد منا مايجرح الثاني ..
او اقوله ع شكل قصه بالشي الي مضايقني واقوله شو رايك فهاااي الموقف..
اذا كان هو مقصود بيحس وبيعتذر ..
بس أختاااري الوقت المناسب وأسلوبج الحلو بتقدري تكسبي ريلج ..
والله الزواج يبغاله صبر وطولة بال
أول شئ لاتخليه ينام وهو في نفسه منك شئ
لازم ما يزعل منك ابد
ولازم تستحمليه علي قد ما تقدري وادعي ربك كل يمو في صلاتك انه يصبرك ويخلي السعادة دايم في بيتك
لانه كل شئ بره البيت هم وضيق وهواش فالله يعينه علي رزقه عشان كده لازم تكوني جنبه دائما وابدا
ثاني شئ لازم تتحملي حماتك في كل شئ
لانه بتصير اشياء صغيرة هي ما تقصد تضايقك فيها بس هو اختلاف الطباع وهذه الاشياء هي السبب
وبعدين هي تحبك طالما شايفة ابنها سعيد معاكي الله يحفظك يا حماتي يا حبييبتي
وفي النهاية كنت اتمني اني الاقي اي نصيحة كويسة اقولها بس هذا علي قد خبرتي صارلي 10 شهور متزوجة
وامني من كل واحدة تقول نصيحتها لان فعلا في بنات محتاجين النصايح لان ما في احد يكلمهم
وشكراً لك حبيبتي مشكلتي دلوعة علي موضوعك الرائع
اذا تزوجت قلتلكم (^_^)!!!
انا امايه تقوول ...
البنت لما تتزوج بتدخل عالم غيير .. كله مسؤوليات و لازم تكون ق هالمسؤولية من كل النواحي و طبعا الزوج يحب كل شي يكون من يد زوجته مثل اكله و شربه و ترتيب ثيابه و كل شي .. و دايما يقولون عاملني زوجك مثلا الطفل .. يعني بكل حب و حنيه لانه يحليله يتعب و يشقى برا البيت و ينتظر متى يرجع البيت و يرتاح يعني لازم تخليه ينسى كل اللي فات من تعب .. و بعد لا تعصبيه و طيعيه يعني كل شي بمعقول مب تكوني ريموت كنترول لا يعني قولي لا مرات مب كل شي هيه .. غيري شوي ...
انه مو متزوجة
بس اعرف شي امي قالته حق خواتي قبل لا يتزوجون
طبعا غير الصبر و التحمل و التفاهم و و و و و و وهالاشيا يعني
كانت تقول لهم لا تسوون حساب مشترك في البنك :p
لأن بعدين ممكن الريال يتعود على هالشي وايي وقت تحتاجين فلوسج بروحج وتستحين تفصلينه حزتها
فلوسج بروحج وفلوسه بروحه:lol:
بس طبعا مو معناته ان محد يعطي الثاني .. بس المهم الحساب كل واحد بروحه ;)
الموضوع مفيد وفكرته حلوه
بس انا انسه
ياريت المتجوزات يفيدونا
الســلام عليكم ورحمة الله وبركآته F:
حبيبــــــــاتي بعطيكم نصايح روعه وأمـــــــــانه اللي تقراها تدعي ربي يكتب لي الخير مع الإنسـان اللي أتمنـاه وأتوفق بدراستي :o
شوفو حبيبآآتي بعطيكم كم نصيحه من الواقع :thumbs_up:
أول شي حبيبتي لآلآزم تركزي عليــــــه بالعربي جسـمك يعني رشـاقتك وصحتك وبشرتك وتوحيد لون جسمك وصفـائهـا مو شرط تكوني بيضاء أو سمراء اهم شي لون جسمك متوحد ونـاعم وصافي ونظييييييييييييف نظيييييف وشعرك إهتمي فيه وجسمك لآيزيد ولآينقصك وكل بنت جميله مآفي بنت بشعه بس كل وحده تعرف كيف تزبط نفسهـا وتطلع بأحلى صوره عند زوجها وتملي عينها قبل عينه وخليكي وآآثثثثقه بنفسك وبجمالك :thumbs_up:
ممكن البعض يخالفني ان الجمال مو كل شي بس ياحبيبتي الزمن تغير وزوجك يقدر يشوف البنـات الأشكـال والألوان عشـــــان كيذا إهتمي بنفس وجمـالك :thumbs_up:
وإهتمي بملآبسك ومكيآجك وأنـاقتك وخليه يجن جنونه ونوعي ودلعععي نفسك ع الأخر حسسيه إنك ملكه وبيعآملك مللللللكه :$:
وثاني شي خليكي صبوره ومرنه وطيبه بس مو بغباء لا خليكي حكيمه ورزينه وإثبتي نفسك بكل حب ود وهدووء وبتكسبين زوجك ,اعرفي زوجك وش يحب وش يكره وغييييره وع أســــــاسه إتصرفي
إيـــــــاكي ثم إيـــــــاكي تطلعي اسرار بيتكم إنتبهــــــــــي
واللي تبي زوجهـــــــا يموت بالتراب اللي تمشي عليهــــــــا تحـافظ على قيام الليل +سورة البقرة وقولو مآقلت :thumbs_up:
ولي باك
موضوع روووعة
بصراااحة استفدت منكم
يسلمووو لصاحبة الموضوع ولكل من طرحت نصيحتها
ا
الحاضره .. الغائبه
مشرفة سابقة
04-09-2011 | 03:25 PM
كلام سو سويت حلووووو ..,,
وشوشو انتي تعرفين بشنو نصحتك صح؟؟ هههههه بس ان شاء الله البنات يستفيدوا منه بعد ..,,
.............
اولا عليكي بطاعة ربك وثم زوجك وقولي له نعم وخليكي معه ولا تحسسيه انك مو مهتمه فيه وشجعيه على افكاره حتى لو كانت مو حلوة ..
وثانيا حسسيه انك تفهميه وهذا يخلي الرجل يفكر ويقول زوجتي تفهمني وهذا اللي اريده زوجه تفهمني وتقدرني وتقدر حياتي ..,,
وثالثا اذا صارت مشاكل لاقدر الله ارخي الحبل شوي ولا تعصبي وصلي ركعتين لين تهدا الاوضاع وصدقيني هو اللي راح يجي لعندك ..,,
ورابعا ذكريه بامه واهله وعامليهم بالحسنى لانه لو ابتعدتي عنهم راح تصير حساسيه بينكم ..,,
خامسا الكلمه الطيبه والرومنسيه هي مفتاح السعاده الزوجيه ولا تحرميها في حياتكم .. جدديها بالشقاوة والضحكه والكلام الحلو ..,,
وسادسا .. التوتر في اول يوم زواجك لاينفع ابداااااااااااااااااااااااااااااااا .. وراح تندمين وتقولي ياريتني ماتوترت ههههه ..,,
وسابعا الله يخلي كل متزوجه لزوجها وخطيبه لخطيبها وغير متزوجه الله يجيب لها الزوج الصالح يااااااااااااااااااااااارب ..,,
امي دايم تردد ان الحياة مشاركة
بين الزوج والزوجة
يعني الوحده تراعي زوجها وظروفه
وتشاركه بكل صغيره وكبيره بحياته
بحيث انهم يكونوا شخص واحد بالنهايه
بس بالمقابل
تكون لها شخصية قويه واثقة بنفسها
وما تبالغ في العطاء لدرجة توصل ان عطاءها يكون بلا قيمه
ويأثر على اهتمامها بنفسها
مبين من موضوعج اختي انج تبين نصائح لكيفية التعامل مع بيت اهل زوجج
عاد انا مب متزوجه بس بقولج كذا شيء من الاشياء الي لاحظتها :D
اول شي الاهتمام بنظافة الغرفة وترتيبها وباناقتج ولبسج احس يعطيج هيبة وتقدير بين اهل زوجج
وبعدين اهتمامج بزوجج واولادج اكيد يونس عمتج ام زوجج وتفرح فيه
اما عن تعاملج مع حمياتج ..احس تكوني طبيعيه بدون تصنع الطيبة الزايده او الغرور الي مامنه فايده ..هو الي يريحج ويريحهم ..كوني اخت لهم لاتجرحيهم وتبالغي في انتقاداتج بس اذا اتضايقتي من شيء لاتكتمي بقلبج دايما وتنفجري بالاخير ..بيني بطريقة لطيفة انج مايعجبج هالشي ..
الاطفال .. قصدي اولاد حميانج وحمياتج ..مادري ليش دايم اسمع هالنصيحة من وانا صغيره حتى اهل الزوج يقولوها ..لاتسويلهم سالفة بزياده عشان ماتنزعجي منهم ويلصقوا فيج لصق ومايطلعوا من غرفتج ..
دخليهم مره مرتين في الشهر هاديهم ولعبي معاهم بس بحدود برع غرفة النوم
لان الياهل وعلى ماتعوديه >>>>>هالنصيحة فيها شر :o;)
حاولي ماتكوني ضيفة ثقيله عليهم وشاركيهم في كل شي في المطبخ في الترتيب في التسوق في همومهم وفرحهم ..امممم وبس هذا الي فبالي وهذا رايي وبالنهايه كل شخصية تختلف عن غيرها
وربي يوفق الجميع ويسر امورهم F:
تستاهلي التقيم :thumbs_up:
مشكورين على النصايح الله يعطيكم العافيه
والله يرزقنا بالزوج الصالح والذريه الصالحه
مازال ماتزوجت ادعي يتيسر الامور واتزوج عن قريب وبعدها اجيبلك النصائح :070:
انا لحين ما تزوجت .. دعواتكم ... وان شاء الله المتوجات يفيدونا وينورونا بتجاربهم