موانع الحمل

انشاء الله البنات ما بيقصرون معاج ولا أنا ما مريت بهالتجربه حبيبتي:o:o

حياك الله عسووووله

الله يجزاك خير لاهتمامك وانا انتظر البنات

السلام عليكم ورحمة الله وبركاته

كيفك اختي عابرة صراحة انا جربت حبوب جنيرا وسببت لي سمنه و وحدة من قرايبي سببت لها املاح زائدة وانتفخت مسكينة

انا صراحة ركبت لولب و مرتاحة معه مرة بس انا ركبته بعد ما ولدت اول مرة ولا ادري اذا يضر اللي ما حملت اصلا او لا

السلام عليكم ورحمة الله وبركاته
اختي العزيزة بقول لج تجربتي انا قبل العرس بشهرين كان عندي الم فضيع في خاصرتي سرت العياده و قالولي عندج كيس و عطوني دوا بس الألم يزيد سرت العياده مره ثانيه قالولي الكيس كبر خلال ثلاث ايام و لازم اتشيلينه وخفت و سرت عند دكتوره ثانيه قالتلي حرام اتسويت عمليه و انت بعدج بنت المشكله كلها في الوزن خففي وزنج وكل شي بيكون تمام بس لازم الكيس ليروح و تنتظم الدوره عشان تحملين لأن في حالتج ما يصير حمل ، فصرت امشي كل يوم ساعة لمدة بسيطة و ماكملت لاكن سبحان الله بعد العرس بثلاث اسابيع حملت وانا عندي الكيس يعني كل شي بارادة الله
وبعدين اذا ماتبين تحملين استخدمي الوانع الطبيعيه والله اسلم من اي شي المهم رضا الطرفين
بس انا عن نفسي ما انصح انج تمنعين خلي كل شي مثل ما الله كاتب ووايد حالات منعوا في البدايه و الله منع عنهم عقب ووايد بعد سواا موانع بس حملوا اعرف ناس حطوا لولب و ناس ربطوا لكن ارادة الله فوق كل شي مع كل الوانع صار حمل.
اذا بغيتي شي طرشيلي على الخاص.

انا باستخدم دياني والحمدلله ماشي تمام معايا ، لكني قبل كنت استخدم جينيرا و مررررررة تعبت فيها..

اختي انا انصحك بما انك توك مزوجة ليش اتسوين مانع .. اذا الله رادلك الحمل بتحملين لو تسوين شو واذا الله ماراد فهذا امر ربك .. وانت بعدك ما جبتي ولا طفل .. اذا تبين تمنعين امنعي طبيعي .. خلي زوجك يساعدك .. وانا عن نفسي .. بعد ولادتي الاولا ركبت لولب وهذا انا كملت سنة والحمد لله مرتاحة ...

اذا دورتج مب منتظمة ما في داعي انج تاكلين حبوب منع الحمل ..

لكن الاحسن اتجيبين طفل واحد وعقبه تمنعين ..
والله أعلم .. :shy:

وعليكم السلام والرحمه جميعا
اولا اعتذر عن تاخري والسبب ظروف السفر المفاجءه
ثانيا اشكل كل من ابدت اهتمامه وقرات موضوعي
عزيزتي ام نورة
شكر الله لك انا استخدم جينير من شهر ونص و الى الان مابنت السمنه لكن الصداع والحمد لله اختفى بالنسبه للولب لاينسح باستخدامه الا بعد الانجاب وانا مثل ما اسلف لي شهرين ونص
الغاليه زوجة مطيعة
شكر الله لك لكن ظروفي تجبرني زوجي في منطقه وانا في منطقه المسافه بيننا 600 كيلو وصعب اذا حدث حمل ومثلك عارف المراجعات و الروحات و انا مابي اكلف على احد هذاسبب ولكن ليسى الرئيسي 0الحمل في ظروف الدراسه صعب ومتعب جدا لاني اشوف معانات صديقتي حامل وفي الشهر الثامن وتعبانه في حملها ومضره انا تصعد الدور الثالث يوميا 00والله صعب
ارادة الله فوق كل شي و اخلاص الدعاء مهم جدا اما الربط واللولب فهذي انا ما فكرت فيها اما اموانع الطبيعه فمعلوماتي عنها بسيطه جدا لكن اللي اعرفه انها متعبه لزوجي فلو عنك معلومات لاتبخلي ولو على الخاص
العزيزه Yanoo
الله يجزاك خير ولكن انا طلعت العكس يمكن لان معي الشقيقه
الغاليا ت نسايم الخجل roza_baby
الله يجزاكم بالجنان لكن مثل ما اسلفت الحمل مع الدراسه مشقه ولا شي فوق ارادة الله
شاكره لكم اهتمامكم

السلام عليكم ورحمة الله وبركاته
اختي عابرة....اني عندي اللولب الهورموني اللي اسمهlevanova من سنة و نصف تقريبا اي بعد ولادة المولودة بشهرين.والحمد لله ماشي الحال.
اما بالنسبة للدورة فانقطعت تماما منذ ان ركبت اللولب ,رحت للدكتورة هنا في النرويج قالت ان سبب انقطاع الدورة هو اللولب .برأى انك تقدرين تاجلين الدراسة لكن تاجيل الحمل شوي صعب لانه ما عندك أولاد ,فكري وشوفي السلبيات من الايجابيات الله يسهلج انشاء الله وما يحرمك من الذرية الصالحة.:smile::smile::smile:

وعليكم السلام والرحمه
جزاك الله خير اختي IMAN1
شكلي راح اصفر النظر عن موانع الحمل و اتوكل على الله و الخيره فيما اختاره الله 00
شكرا لكم جميعا