التجمع الخامس لحوامل شهر سبتمر 2011

لا ان شاء الله يصير احسن لا تحاتين

يارب مني لشوي بنزل ليه

طائر أيلول;15520938:
ان زين تاتي بما انش على شارعنا اي حواج بتروحين

اني بروح كسروان الي على شارع ابو صبح تعرفينه؟

هلا طائر .. اي اني رحت هذا الحواج ... حصلت عنده قشر القهوة واخذت وفيه عنده اشياء ثانية حلبة وزعتر وكمون وشغلات واجد .. انزين كنت اسأل عن مكونات قهوة قشر القهوز .. يحطون فيها قشر البن ودارسين كان وما ادري شنو هم اربع مكونات قريتهم من منتديات بره ولا فهمت وش هم .. اذا عندش خبر اكتبيهم لي رحم الله والديش ... وبعد عن اللهوم إلا مره كتبتينه لي وش هو ؟

ثلوج الحب;15521764:
يارب مني لشوي بنزل ليه

ثلوج شنو اخبار الولد ؟ نزل منه ابو صفار او لا ؟
الله يعينش على قعدة المستشفى .. ان شاء الله حامله ليش ثياب واغراض كفايه ؟ الله لا يطولها عليش

ما تلاحظون يا كروشات من قربت الولاده زاد الأرق في الليل وصار النوم قليل .. اني انام متاخره واقعد من الصبح بروحي ما ادري ليش ... احس نومي قليل كلش

الحمد لله باركوا لينا بنطلع بالسلامة الحمد لله ياربي أخيرا بنتنفس هواء الطبيعه

تأتي و قشر قهوة تعرفون كشك البهارات و الاجارات اللي في جيان مجمع البحرين تحت في الطابق الأرضي بين محل النفيش و البريد يصير عنده كيس مكتوب عليه خلطة النفاس.

ثلوج تأكدي ان نزل عدل من ولدش أبو صفار أحسن. قبل لا تطلعين

حظوا مسلسل سيلا يعني زين لي للاربعين أشهر أيا البيبي على الكرسي و أطالع مسلسلات تركية لأن إلجهالوا مستحيل ينام في الليل أمش بوزي

أمس زوجي غضب واتصل في سديم للحين ما جهزوا.

اي هم قالوا احين 11.5 تقريبا يطلعونه بس عقب يومين يعيدونه ان شاء الله كل خير

اني لو اقعد سنة بس ماطلع عمسئوليتي االدكاترة يفهمون ازيد من اي احد

angelamanda;15521752:

الله يرده لج بالسلامه يارب

العروس الفاتنه

الظروف منعتني اني ادخل المنتدى

بس اللحين رجعتلكم

فديتج اختي .. ربي يسهل عليج ولادتج ..

بسكم نوم

ثلوج استحملي القعدة في الدختر ولا تحنين عليهم طلعوه و متى بطلع أهم شيء صحته و سلامته و أصبري و اطلبي من ربش يشفيه و أكلي أكل زين مافي بقول يمكن يكون مصاب دامش مصابه نقص خميرة هو مصاب أكلي و اتغذي عدل و أشربي شوربات و عصير برتقال طبيعي عشان ترضعينه و الله بسهل أمورش و بتطلعين من المستشفى حاملتنه ان شاء الله

زهور بنفسجيه;15521278:
هلا حوامل

رحت موعدي والحمدلله ماتنيمت والطبيبه طمنتني على وضع الجنين وقالت لي ان شاء الله تولدي طبيعي بس اذا عديتي موعدك ولا ولدتي بنسوي لك عمليه يعني مابيعطوني الزايده على الموعد لانه الماء زايد شوي

طبعا يوم الاربعاء عندي تحليل وانا صائمه وبعدها بساعتين تحليل وانا فاطره ويوم السبت موعدي وان شاء الله مايكون السكر مرتفع ولا الماء زايد واجد عشان ماحتاج اتنيم

تدرون احنا نسمي السيم خياطه لانه احنا عندنا كلمة السيم مثل الحديد عاد استغربت شلون تقولون سيم

الحمد لله وان شاء الله تقومين بالسلامه

احنا بعد عدنا السيم حديد

بس مادري ليش الحريم يسمون الخياط سيم مشوا عليها من واحنا صغار

حتى يوم اني صغيره لين سمعتهم يسولفون كله احسب انه يخيطيونهم بسيم حديد اقعد اتخيل اقول يعووووور خخخ

ام سلمان 2010;15521365:

صباحكم ورد .. بغيت اذا ما عليكم امر الآيات المسهلة للولاده او الآيات الي لازم اقراهم على الماي واشربه وقت الطلق

هلا ام سلوم

روحي بداية الموضوع تلقينهم

مريم*;15521341:
صارلي فتره ماتابعتكم لاني كنت في عالم ثاني
جاني الطلق يوم العيد وربيت ثاني يوم الحمدلله على كل حال
وبصراحه تعبت فالولادة

مبروك للي ربوا
وعقبال الباقي

من ربت غيري من تجمعنا ؟

الحمد لله على السلامه

ما قلتين شنو جبتي

المهم يتربى البيبي بعزكم

tatee82;15521821:
هلا طائر .. اي اني رحت هذا الحواج ... حصلت عنده قشر القهوة واخذت وفيه عنده اشياء ثانية حلبة وزعتر وكمون وشغلات واجد .. انزين كنت اسأل عن مكونات قهوة قشر القهوز .. يحطون فيها قشر البن ودارسين كان وما ادري شنو هم اربع مكونات قريتهم من منتديات بره ولا فهمت وش هم .. اذا عندش خبر اكتبيهم لي رحم الله والديش ... وبعد عن اللهوم إلا مره كتبتينه لي وش هو ؟

مادري عن قشر القهوه اني قريت انه نسوي دله نفس القهوه ونشربه

واللهوم قعدت ادور في وصفات واجد وبعضهم معقدين ومليون الف شي

شفت هذي الانسب



اللهوم الذي يستخدم في فترة النفاس والدورة الشهرية
وهو مقسم لقسمين ،
الأول لأول 20 يوم من النفاس و ثلاث أيام الدورة الأولى .
والثاني لآخر 20 يوم من النفاس و ثلاث أيام الدورة الأخيرة.



لهوم النصف الأول من النفاس
يطحن جيدا كل من :
1 كوب حلبة
½ كوب حبة سوداء
3 ملاعق كبيرة حبة حلوة
1 ملعقة كبيرة قرنفل

لهوم النصف الثاني من النفاس

يطحن جيدا كل من :
1 كوب حبة سوداء
1 ملعقة كبيرة قرنفل
1 ملعقة كبيرة دارسين
1 ملعقة كبيرة فلفل أسود
1 ملعقة وسط محلب
3 ملاعق كبيرة كمون
1 ملعقة كبيرة نونخة
3 ملاعق كبيرة حبة حلوة

اللهوم يؤخذ ملعقة كبيرة على الريق ويشرب معه حليب أو شاي
ومرة ثانية العصر نفس الكمية



طبعا تطحنينه في مكينة القهوة

نصائح مهمة
أثناء النفاس والدورة عليك تجنب :
الجوع الشديد والتخمة الشديدة .
الأكلات اللزجة مثل الملوخية ، الباميا ، الشمام والبطيخ .
الحوامض وخاصة الليمون ، ولا بأس من أكل برتقالة باليوم ولكن بعد الشبع .
الآيسكريم والمثلجات بشكل عام .
تعريض القدمين للماء لفترة طويلة أو المشي حافية على السيراميك أو الاستحمام بكثرة .

ثلوج الحب;15521899:
الحمد لله باركوا لينا بنطلع بالسلامة الحمد لله ياربي أخيرا بنتنفس هواء الطبيعه

الحمد لله على السلامه اخيرا علاوي بنور بيتكم
هي توش يوم سادس وتمللتين

الاول امهاتنا يخلونهم اسبوع في المستشفى لين ولدوا

تقول امي ما يرخصونه الا الخياط شوي باري لانه كلحين يداوونهم ويتحملون فيهم