التجمع الخامس لحوامل شهر سبتمر 2011

اني بدئ طلق خفيف حتى كنت في الليل اقول لطائر تقولي بتولدين اقول ليها لا ونمت خف بعدين يوم ثاني من الصبح دابحني كل شوي ويزيد وسبحان الله ماحس الا اطالع الساعه بين كل الم وكان كل 5 دقائق ويزيد

واني اتالم بعدين ماقدرت حتى فتحت التجمع وعدوب قالت نفس الشي فيها

سيده رحنا المستشفى فحصتني الا تقول توني نص ساعه بس دبحتني

ورجعنا البيت سيده رحت بيت ابوي امي سوت ليي حليب زعفران وزعتر وتمر اكلت والالم يزيد واني بموت
بعدين مرت اخويي قالت ليهم ودوها هدا أكيد توسعت يوم جينا وصلنا عقب الادان بدقائق الا اني متوسعه وهم ماخلوني في حجرة الكشف من دخلت سيده دخلوني العمليات وبدلوني والحمد لله عكل شي تعبت لكن


والماي نزل يوم قريب بولد  

اي اني للحين في المستشفى ادعوا لعلاوي يصير زين حق نطلع بسرعه

العروس الفاتنة;15517224:
عذبة حاولي مايصيدش امساك

اذا صادني امساك وش بصير يعني ؟ :worn_out: لا تقولون عني غبيه بس مافهم ماعليه علموني هههه


***

ثلوج

ام عبدالله اللي قلت لش عنها تصير خالة امي .. واحنا نعرفكم ونعرف امش بعد جايفينكم كذا مرة :)


***

سؤال للي عندهم اولاد من قبل

عندي حلمة الصدر متجرحه عدل وتعورني حتى اقعد اصيح لما ارضع ولدي شسوي شالحل ؟؟؟

انا فيني آلام بعد تيي وتروح بس مو منتظمه ولله وايد تعبانه

ادعوووووووو لي يارب اليوم ايني ظلق منتظم و اولللللد ابي ارتااااح

الالم حتى يقعدني من النوم يضرب في بطني ونهاية ضهرري


الحمدلله .......... :(

عذبة المشاعر



مع الامساك مو زين و انتي تتعصرين لاسمح الله تتفتح الخياطه من اول

تحملي بنفسج و خل يعطونج ملينات للبطن

عذبة : في كريم يبيعونه في مذركير الشايع تحطينه على الصدر وما يحتاج تمسحينه اذا بترضعين ... خلي زوجش او احد ياخذه ليش على السريع .. ومن الحين لحد ما يشترونه ادهنيه بطبقه سميكه من الفازلين واذا بترضعين غسلي الصدر الا بترضعينه منه واذا كملتين ردي امسحيه ... تره عذاب الرضاعه من حلمة متشققه ... وفيه بعد كفرات يبيعونهم في الصيدليه تخلينهم على الصدر وقت الرضاعه خاصة للحلمات المتشققه بس خلي يسألون الصيدلي عنها يطلعهم ... وما عليش شر

رتاج ان شاء الله يبدأ وياش الطلق في اسرع وقت وتطمنينا عليش ..
اكلي اناناس طازج تره بسرعه يحمي الرحم ..

عذبه الإمساك يفتح الخياطه بعيد الشر خصوصا انش تقولين الخياط لورى صادش فحاسبي زين .. اخذي ليش ملينات من الصيدلية في اسرع وقت .. والأحسن تكثرين من الخضروات والفواكه وشرب الماي ..

اي ادري بس ترى اني ماعرف الا ام حيدر علما ان ام عبدالله وأبو عبدالله امي وابوي الي ماجابوني

يمكن لين تعرفين امي تعرفين شلون امي وابوي

حتي زبده الكاكو زينه عقولتهم رخيص وقوي مو لازم مادركير

طائر أيلول;15518470:
ان زين ثلوج اخدي لش املاح زار وتنقعي في في طشت حطي نص قلاص في طشت وتنقعي

او اذا ما تقدرين اخدي مقدار ملعقتين وحطيهم في غرشة ماي وتطهري به عقب الحمام

يعقم المنطقة وييبس السيم بسرعه وعشان لا يلتهب

تره الملح كلش مو زين للخياط حاسبوا يا بنات .. تره الدكتورة حذرتني من الاملاح .. الملح يخلي السيم ييبس ويطيح بسرعه قبل لا يلتئم الجرح ... الخياطه ما ليها إلا كريم ميبو وتطهرينها علشان لا يتلهب بالبيتادين او سافلون اسمه زيناك حاليا موجود في الصيدلية اخذته اني من رويان ... غير جدي لا تلمسون الخياط بياخذ وقته وبيطيح السيم بروحه

ثلوج الحب;15518654:
حتي زبده الكاكو زينه عقولتهم رخيص وقوي مو لازم مادركير

زبدة الكاكو والفازلين وزيت الزيتون اوكي بس لازم تغسلين الصدر زين قبل الرضاعه وترجعين تمسحين بعد ما تخلصين رضاعه .. هذا الكريم ما يحتاج مسح

رويان عنده كريم لتشققات الرضاعة واحد شركة فازلين علي عسل واجد واجد زين وواحد شركة بالمرز على زبدة الكاكأوو. ما يحتاج تغسلون الحلمة قبل لا ترضعون البيبي

tatee82;15518195:
العروس للحين باقي عليش 10 ايام عن موعدش .. لا تحاتين تتاخرين لان الولاده تجيش فجأة في اي وقت وبدون علامات ...
يالله هانت كلها 10 ايام ..

ان شاء الله ما نتأخر

ثلوج الحب;15518532:
اني بدئ طلق خفيف حتى كنت في الليل اقول لطائر تقولي بتولدين اقول ليها لا ونمت خف بعدين يوم ثاني من الصبح دابحني كل شوي ويزيد وسبحان الله ماحس الا اطالع الساعه بين كل الم وكان كل 5 دقائق ويزيد

واني اتالم بعدين ماقدرت حتى فتحت التجمع وعدوب قالت نفس الشي فيها

سيده رحنا المستشفى فحصتني الا تقول توني نص ساعه بس دبحتني

ورجعنا البيت سيده رحت بيت ابوي امي سوت ليي حليب زعفران وزعتر وتمر اكلت والالم يزيد واني بموت
بعدين مرت اخويي قالت ليهم ودوها هدا أكيد توسعت يوم جينا وصلنا عقب الادان بدقائق الا اني متوسعه وهم ماخلوني في حجرة الكشف من دخلت سيده دخلوني العمليات وبدلوني والحمد لله عكل شي تعبت لكن


والماي نزل يوم قريب بولد

الحمد لله

ثلوج الحب;15518538:
اي اني للحين في المستشفى ادعوا لعلاوي يصير زين حق نطلع بسرعه

ان شاء الله يصير زين وتطلعون بسرعه البيت اريح من المستشفى

ع ـذبة المشاعر;15518624:
اذا صادني امساك وش بصير يعني ؟ :worn_out: لا تقولون عني غبيه بس مافهم ماعليه علموني هههه

لان اذا امساك بتضغطين على روحش فمو زين للخياط ينفتح لو شي فحاسبي للاكل افضل حقق تتجنبين الامساك

رتـآج;15518632:
انا فيني آلام بعد تيي وتروح بس مو منتظمه ولله وايد تعبانه

ادعوووووووو لي يارب اليوم ايني ظلق منتظم و اولللللد ابي ارتااااح

الالم حتى يقعدني من النوم يضرب في بطني ونهاية ضهرري


الحمدلله .......... :(

يالله دام يجيش الم ان شاء الله قريب تولدين:)

عذبة تقدرين تحطين على الحلمات كريم ميبو ولا يحتاج تمسحينه بعد

بت عمي جدي هالمره يوم تولد من ولدت عندها تشقق كتبت ليها الدكتورة ميبو وقالت ليها حطي ولا يحتاج مساح لانه على اعشاب والبشرة تمتصه


تاتي املاح زارا بت عمتي والده في التخصصي قالت ليها الدكتورة استخدميه وكتبته ليها وقالت زين للجرح لانه معقم عن لا يلتهب الخياط وجدي

هو طبي مو ملح عادي يعقم ويطهر وهي ما يتحطه مباشرة على الجرح مجرد بتتنقع فيه


مو انتين الاول كله تكتبننه من ضمن اغراض الصيدلية

عجل متى بتستخدمينه لين طاح السيم مافي فايده

حتى لو بتسخدمينه مطهر لازم من اول مدام الرحم طري

من دشيت التاسع زايد الم شباني وظهري من تحت

تعببببببب

هذي صورته لونه وردي

وحتى ريحته حليوه

والله ما ادري عن الاملاح ... بس دكتورة فرح خبرتني جدي اخر زيارة ... الاحسن تطهيرها بالمطهر ..

رتاج

يالله ان شاء الله تكون آلام ولاده وتتسهل يارب وتولدين بالسلامة وتجوفين البيبي بحضنج صدق شعور عجييييب وحلوو الله لا يحرم احد من هالشعوور .. ومن تجوفين البيبي بتنسين الالم وام الالم بعد ههههه


تاتي

ماعليه بقول لزوجي عن هالكريم او بخليه يروح الصيدليه يجوف لي حل لانه صدق صدق عذاب الرضاعه والحلمة متجرحه خاطري ما ارضعه من كثر الالم بس يكسر خاطري , حاليا حطيت عليه زيت زيتون على ما آخذ كريم


**

بالنسبه للأمساك ماكنت ادري انه جذي . عجل بجوف لي ملين للبطن لانه من ولدت للحين ما مشاني بطني واني في بالي كله اقول احسن عشان ما اتألم ههههه خبركم اول مرة ماعرف وامي مو هني عشان اسألها واستحي اسأل عمتي


ثلوج

ام حيدر تصير جدتي .. :)

طائر أيلول;15518746:
عذبة تقدرين تحطين على الحلمات كريم ميبو ولا يحتاج تمسحينه بعد

بت عمي جدي هالمره يوم تولد من ولدت عندها تشقق كتبت ليها الدكتورة ميبو وقالت ليها حطي ولا يحتاج مساح لانه على اعشاب والبشرة تمتصه


تاتي املاح زارا بت عمتي والده في التخصصي قالت ليها الدكتورة استخدميه وكتبته ليها وقالت زين للجرح لانه معقم عن لا يلتهب الخياط وجدي

هو طبي مو ملح عادي يعقم ويطهر وهي ما يتحطه مباشرة على الجرح مجرد بتتنقع فيه


مو انتين الاول كله تكتبننه من ضمن اغراض الصيدلية

عجل متى بتستخدمينه لين طاح السيم مافي فايده

حتى لو بتسخدمينه مطهر لازم من اول مدام الرحم طري

انزين طائر اني خذيت البيتادين وميبو يحتاج بعد زارا؟؟؟ واني بعد سمعت عنه زين

شلون استخدمهم بالترتيب يعني استخدم ايهو اول شي