بسم الله الرحمن الرحيم
السلام عليكم ورحمة الله وبركاته
السلام عليكم ورحمة الله وبركاته
انا عضوة جديدة بالمنتدى، طبعا تعرفت على المنتدى من رفيجتي، مدحت فيه وايد وقالت لي دخلي وشاركي وبتستفيدين ان شاء الله...
حابة أكلمكم عن مشكلتي وان شاء الله أستفيد من خبراتكم بالخصوص من البحرينيات.. بما انّ عندهم خبرة بالعيادات والمستشفيات هني...
الله يسلمكم انا متزوجة صار لي سنة وشهر، وليما ألحين ما حملت، ناس وايد من أهلي ورفيجاتي يحنّون علي روحي سوّي فحوصات بس انا حاسة ما فيني شي، لأن دورتي مضبوطة ولا عمري حسيّت بأعراض مثل الالتهابات او تأخير بالدورة الشهرية ولا شي من هالقبيل، وزوجي ولله الحمد حاستّه اوكي ما عنده صعوبات ولا مشاكل،وعاد قررّنا نروح عيادة ومدحوا لي احمد بركات، وزوجي حجز له موعد علشان يروح بس انا مستحية أسوي فحوصات عنده فقلت أروح حق دكتورة أحسن فما دري انتوا منو ترشحون...؟؟؟؟!!!
وهل من الممكن مثل ما قالت لي اختي يمكن تأخير طبيعي وما فينّا شي لا انا ولا زوجي، لأن مثل ما الكل يعرف التأخير الطبيعي سنتين ... والله متحيرة ومب عارفة شسّوي وصايرة أحاتي وايد، حتى أمي قالت لي لا تحاتين لان التفكير يأخر الحمال... !!!
الله كريم وهو الرزّاق الرحيم، وماكو أحلى من آيات الله في القرآن الكريم ، لجأت للقرآن والدعاء وان شاء الله أحمل وما احتاج علاجات.... ادعوا لي بصلاتكم وصيامكم وأكون لكم شاكرة
تحياتي للجميع