..}{ التجمع الثامن لحوامل شهر أغسطس (8) }{..

الله يسلمكم يارب تسلموووون
ويخلي لكم بيبياتكم
ويقوم الكروشات بالسلامة

امولة ان شا الله هذا طلق
اني بعد قبل بيوم فليل كنت وانتو بكرامه كلا في الحمام
لانه احس الضغط زايد من تحت وكلا ابي اتبول لاعت جبدي من القومة كل شوي للحمام
ومن الساعه 5 الفجر بدت الآلام متقطعه كلا الم في اسفل الظهر والبطن وصار الالم يروح ويجي
عقب صار كل خمس دقايق يروح ويجي
بس قلت بتحمل ما ابي اروح ويغربلوني لانه بيشوفون ان طوفت الموعد وحتى لو للحين مو مفتوحه بيحبسوني
تحملت للساعه 9 ونص عقب زوجي ما رضى قال يالله قومي وشال مريوم ورحنا بيت ابوي نزلت امي سوت لي ماي ورد وزعفران وتبخرت بقهوة
ولما وصلت المستشفى طلع 3 سانتي
طبعا حصلت لي زف ان شلون هالكثر مطوفه الموعد هم يحسبون ع الدورة مطوفه 24 يوم قالت شلون جذي ولا مراجعه ولا شي خخخ
قالو لي تدرين حجم البيبي في الشهر التاسع بسرعه يزيد وهذا يتعبج في الولاده
وفعلا ما تالمت من الطلق كثر ما تالمت وقت نزول الراس
كنت ادفع بكل قوة بس حسيت روحي خلاص ماعندي طاقه كلش وهم يشجعوني وجم وحده معاي فوق راسي يسمون علي ويجودوني لين طلع علاوي بعد ما طلع روحي
وخلاص توبه بعد هالمرة باراجع مع المركز اول باول
والله لو طلق صناعي اهون من هالجراحه لانه ما شا الله علاوي طلع وزنث 4 كيلو وشوي كله لانه طوفت الموعد وايد ولا راجعتهم
والله مو قادرة من الجراحه حتى نوم ما قدرت انام مع ان خذو الياهل عندهم وقلت لهم عن الالم وعطوني بندول لكن ابد ما قدرت انام كلش لانه وايد جراحه صادتني
بس يالله الحمد الله
تدرون بس البارحه دريت قالو لي البيت تدرين ان اتصلو لنا يبون يسونج عملية
تخيلو لانه البيبي وصخ داخل يعني هالشي خطر وسيده عملية بس لانه وقتها كان الدكتور عنده عملية الله رحمني وولدت بسرعه قبل لا يخلص والحمد الله

مادري بعد شنو نسيت حدي دايخه والله

بنات الي ولدو بسالكم
شنو استخدمتو حق الجرح يعني كريم وغسول
اني خذيت ميبو ومن اطلع ع طول بستخدمه
بس غسول او مطهر مادري شنو اخذ
خوب سافلون مافي في السوق انقرض

يالله عطونا خبركم الي توهم والدين وجم بقى فيكم السيم لين طاح

بنات ابي اعرف اول مايجيكم اللالم شلون

أنا من البارحه فيني الالم بس نمت وخف

اللحين الم نفس الدورة ودابحني ابي أنام مو قادرة يروح ويجي

بس الم ظهري وبطني أهون شباني دابحني الم

ثلوج في ناس يجيهم الم الطلق نفس الم الدورة شوفي اذا الالم استمر وصار يروح ويجي كل خمس دقايق هذا الطلق

اني ابتدا ويايي الالم كان الم في اسفل الظهر وفي البطن في البدايه كان يغيب عشر دقايق ويرد
عقب صار كل خمس دقايق من تحت الظهر والبطن
وبس من تحسين بالآلام عليج بالشغلات ااي تحمي الطلق
شربي لج زعفران وماي ورد وتبخري بقهوة
وشربي حليب دافي بعد وايد زين
اني كانت امي بتسوي لي بس من الالم قلت لها ما ابي ابي شي يبرد علي مو شي صاخن

والله يسهل عليج يارب

أنا تقريبا كل خمس دقائق الى ٦ دقائق

بس ساعات الم يدبح ساعات الم شوي اتحمله يضل نص دقيقه ويروح

ونفس الدورة زوجي يقول نروح قلت ليه لا مابي اروح

أخاف الم عادي لان ما ينزل لا ماي ولا دم

اني مابروح الا لين دم جفت او ماي اخاف

علما باقي ١٢ يوم عموعدي

هلا ثلوج موعدي 8-18والاحين مولد نفسى اصيح بس الحمدلله على كل شيء وكل تاخيره فيها خير

الله يتقبل منك ولاء ويكون طلق وبوووووووووووووووووووووسيلي خوخه

اي ازيد من اسبوع ماتراجعين المستشفى ؟؟؟؟

وانتي من العايدين السعيدين

ثلوج الحب;15514482:
اي ازيد من اسبوع ماتراجعين المستشفى ؟؟؟؟

انا اراجع عندهم كل يومين وعادي ينطرون اسبوعين بعدين يتدخلوا اذا ماولد انا اليوم عندي موعند واقول لها سوي لي توسيع وان شاء الله اولد


الام الي عندك هو الطلق الله يسهل عليك يارب

الله يسهل عليش يارب

المشكله لا ماي ولا دم ينزل بس اتالم

محد افتكر منكم حتى يسأل عني
مشكورين

ألف مبروك يا سم ون ويتربى بعزج امس يوم طلعوني نص الليل من العناية قالت لي بنت خالتي انج ولدتي يتربى بعزج ولدتي عقبي غلبتش يوم خامس لي ولدتي الف مبرووووك

الحمدلله على سلامتش يا ورود ما بغيتين تطمنينا عنش

راجعي الردود بتشوفين اي قد كنا نحاتيش والحمدلله على السلامة مرة ثانية

مبروووووووووووووك والحمدلله على السلامة للي ولدوا والفال للباقي

عيد سعيد على الجميع وانشالله الليلة كلكم عندكم بيبياتكم وتستانسون

وانشالله يكون عيد سعيد على الكل

ثلوج عيل هذا طلق
وترا مو شرط ينزل ماي او دم
ان كلش ما نزل عليي شي بس حسيت بالم
والماي عقب في المستشفى اذا سوو الفحص وفي توسعه يبطون جيس الماي
ومثل ما قلت لش شربي زعفران وماي ورد وتبخري بقهوة
واذا عندش انانا بعد اكللي علشان يحمى الطلق اكثر وبسرعه تولدين

امولة
اهم شي انج تراجعين مو نفسي اهملت روحي والنتيجه تعبت وايد لانه البيبي صار وايد كبير
وربي يسهل عليج بارب وتقومين بالسلامه
وزين قضيتي الشهر وبتعيدين مع الاهل احسن من الحبسه في مستشفى او في البيت
روحي استانسي في العيد خخخخ

ورود
هلا والله شخبارش
ما علبش شر قالت لي عنج بس كنت تعبانه ولا سالت ليش
خير ليش خلوج في العنابة
وما عليج شر والحمد الله ع السلامة

عيدكم مباارك وايامكم سعيدة

بغيت افنش يا سم ون ولا كنت ادري بدنيا توني اليوم مصحصة شوي تصدقون نوبة وتوبة خلاص ما امبي احمل ولا شي ما يسوى علي ولا هالأسبوع تاريخ اربعة عرس اخوي مو حرام بس

هلا سم ون الله يسمع منك يالغاليه شكلي اخره وحده بولد في هذا التجمع وان صمت من رمضان 16 يوم بس لان الافطار عندنا يطول يعني يعني انتوا تفطروه وتصلوا التراويح ونحن لسه ماافطرنه والسبب الاكبر نزل من وزني ثلاثه كيلو وهذا مشكله يعني موب شوي 3كيلو عشان كده افطرت




هلا ورود



ايش اخبار يالغاليه ترى خوفتينه عليك بس الحمدلله على السلامه وايش اخبار البيبي ان شاء الله بخير




هلا ثلوج
وينك ان شاء الله تكوني ولدتي وتفرحي بالبيبي

سلام عليكم

شخباركم

كل عام وانتوا بخير

سمن ون الله يساعدش على الخياطه اكره شي

استخدمي مطهر بيتادين

واذا عندكم قروف الا هو قشر رمان مطحون عطيه في غرشه وتطهرين به

او سويه معجنون نفس الحنه وحطيه على الجرح يبرى بسرعه