التجمع الثالث لحوامل شهر اكتوبر -2011الحلوات

ههههه

ان شاء الله نولد يا شروق قبل لا نوصل صفحة ٢٠٠

الله يسهل عليج يا ريم

عليكم السلام

ايه والله التجمع حده يجيب احباط

الله يسهل علينا يارب

مرحباا
اشلونكم ,,
الله يسهل عليكم يا رب و تولدون بالسلامة ,,
اكيد سمعتوو عن خبر ولادتي و كانت تاريخ 28-9 , الحمدلله :)

حبيت اخبركم بقصة ولادتي بالتفصيل خخخخخ
كان تاريخ 27 قبل بيوم حسيت بتعب مو طبيعي و مزاجي متعكر و طول اليوم مثل المرهقة و ياا دوب قدرت اسوي بس الغذاا و العصر قال لي زوجي خليناا نطلع نتمشى في ممشى قريب عشان يعتدل المزاج هههه , خليت عيالي عند ام زوجي و تمشيت بس 20 دقيقة و قلت لزوجي كفاية ما اقدر اكمل رجعناا صليت المغرب و العشاا و في صلاة العشااء كملت و اني قاعدة خلاص ما اقدر اكمل بالواقف , عقب اخذ زوجي عشاا من براا و تعشيناا و قعدت على السوالف مع ام زوجي و زوجي و حماتي و كلش طبيعي بس حاسة بتعب و ثقل ,,
دخلت انااام و عالساعة 2 بالليل اوتعيت من النوم احس بألم يروح و يجي كل 20 دقيقة تقريباا و ظليت اطالع الساعة اتأكد و فعلاا الألم يروح و يجي فقلت شكله ألم ولادة بس بعد كنت شاكه فقمت دخلت الحمام و إلا ينزل على الأرض نقط دم غاامق فتأكدت انه فعلاا ألم ولادة ,, فبسرعة عقب ما كملت من الحمام طلعت نبّهت زوجي من النوم و قلت له قووم روح نام في حجرة العيال ابي الحجرة بروحي و هي مسكين قعد راح الحجرة الثانية و ما يدري بأي شي و لا سألني شي خخخخخخخخخ , فخذيت شعري استشورته و كملت باقي اغراضي في الشنط و عندي جم حاجة سويتهاا في الشقة و الألم طبعاا يروح و يجي
و لين ما أذن الفجر ,, قعد زوجي بيصلي إلا اقول له بولد اليوم و هو فتّح عيونه يقول شنووو ؟؟! اقول له بولد اليوم هههههههه و الألم صار كل ربع لعشر دقايق ,,
المهم صليت الصبح و صليت ركعتين عشان تسّهل ولادتي و قريت سورة مريم و آيه الكرسي و الزلزلة و الأستغفاار و اكررهم كذاا مرة و قمت اتمشى في الشقة اروح و اجي و اآكل رطب , و لين ما وصل الألم كل 5 دقايق و كانت الساعة 7 الصبح
رحت قعّدت عمتي من النوم و سوت لي بخورة عود و سوت لي حليب بالزنجبيل ( جزاها الله خير ) و ركبت السيارة خلاص بروح المستشفى و الألم كل 4 دقايق و كانت الساعة 8 و كانت الدنياا براا زحمممه
وصلت المستشفى 8 و نص , فحصتني الدكتورة و قالت لي مفتوحة 3 الى 4 سانتي و بسرعة بدلوني ثيابي و دخلوني غرفة العمليات و انتظرت شوي و كان الألم يزيد عطتني 3 ابر و السيلان و قالت لي بتنامين شوي , نمت شوي ههههههه
و قعدت عالساعة 10 و نص لــ 11 فحصتني تقول لي مفتوحة 6 !! افف بس كان ما زال الألم يروح و يجي بس بفترات اسرع و عالساعة 11و نص الى 12 إلا ربع زااااااااااااد الألم و نزل ماي الولادة إلا تقول الدكتورة خلاص ولاااادة توسعتي كامل فإلتمواا عليي الممرضات و الدكتورة و طلعواا لي احلى بنوتة و طبعاا ما سواا لي خياط قالواا لي ما احتجتين لتوسع او شق , الحمدلله افتكيت خخخ
و سميت البنوتة ( رقيه )
ادعواا ان الله يحفظهاا لي و يهديهاا هي و خواتهاا يا رب

و الله يسهل عليكم جميعااا

جويلا
الحمد لله ع السلام
وتتربى بعزكم البنوتة
 
بيلسان
الله يسهل عليش يا رب

جويلا

الحمدلله على سلامتج حبوبه
و الف مبرووك


بيلسان

الله يهون عليج

shobo

وحشتيينا اكثر خيتوو

شخباارج ؟
الحمدلله على سلامتكم ،،،
شلون البنوته ؟
ليش فالحضانه وانتي جبتيها فالتاسع ؟
و قولي لي قصتج مع ابرة الظهر لاني حاطتها ضمن الاحتمالات

ريم الله يسهلج ان شاءالله ويارب ولاده سهله وميسرة

لك الحمد
الحمدلله حافضي على ضغطج
ولتخلين ببالج متى الولادة تتعبين خليها على الله

جويلا الحمدلله على سلامتج وعاشت الاسامي
انا كان عاجبني هذا الاسم

والحمدلله مافي خياط

بيلسان الله يسهلج ان شاءالله


ونانو اكيد ولدت

شوبو الف الحمدلله على سلامتج
وسلامة البنوتة تتربى بعزج شنو سميتيها

شوبو
صاحبة ولدت وجابت ولد
وانجلا كذلك ولد
وعمر الحزن كذلك ولد
وهيبانا اذا تعرفيها ولد

ونانو صار يومين ماكو اخبار ان شاءالله ولدت
وريم الله يسهللها

سلام ياكروشات

شخباركم شروق شلونج حبيبتي؟؟

ياربي انمغصت من قريت ان ريم نازل عليها ماي البيبي

ياربي تسهل عليها يارب

ما شاء الله اللي اولدوا جابوا اولاد

و البنوتات مناحسين و قاعدين ببطون امهاتهم الله يهديهم