التجمع الثالث لحوامل شهر اكتوبر -2011الحلوات

سلام كرووشات

شنو اخباركم كلكم مو بس ريومه هههههه

مافي ولادات واخبار حلوة

اه يا بنات و يا ام اكرم مومصدقه اني بالأسبوع ال 39 مستعجله اولد و حاسه بوناسه و بنفس الوقت احاتي الفتره اللي جاي ترا تربيه الطفل مو سهله

مو قله نوم إلا عدم نوم و تعب و البيبي يظل على يدك و الصعوبه بعد إذا عندك طفلين

بس ان شاء الله ربنا يسهل على الجميع

هلا ام اكرم
كروم شلونه

لحد هسه الكروشات صامدين
الله يعينهم خطيه

ريم
انتي سيد العارفين لان عندج بنت بس احنا بس الله يدري شرح يصير بينا :)

الله كريم ان شاءالله تصير سوالف


والله اشكر ربي لاني تعرفت عليكم بهالفرصه

هلا كروشات

ام ميرنا فعلا بعد ماصرت ام والحمدلله على هالنعمة رغم حلاوتها بس صعبه ومو سهله

خاصتا انا دائما عندي احساس ان مقصره رغم كل شي اقدر عليه واعرفله اسويه لابني

بس انتي ماشاء الله ميرنا كبيره حبيبتي مو معتمده عليج بكل شي فالحمدلله ان شاء الله تتسهل لا تخافين



شروق

اهلين حبيبتي والله كرومي زين صاير وكيح ههههههه ويسلم على نونوج ويقوله يالله اطلع بس تصير بالتاسع هههه

هههههه حبيبي الله يخليه الج الله يسلمه
ان شاءالله الله يسمع منه ويجي اول ماافوت من التاسع
بس اريد اشوف شكله يشبه منو :)
واريده يلهيني عن زوجي شوي

يارب الله يسهل عليج انتي اهم شي ماتظلين تفكرين ان متى تولدين

لان نفسيتج راح تتعب والله تمتعي بالحمل لاخر لحظه ترى بعدين تحنين لهالايام

والبيبي والله يلهيج مو بس عن زوجج عن الكل الله يجيبه بالف سلامة يارب

اشكرج حبيبتي
الله يسلمج
لا ماافكر بالموعد
خالتها على الله والله كريم

ان شاء الله تولدو بالسلامه

نانو لا تفكري السهاله من الله بكل شي و ان شاء الله تودلي بالوقت امناسب و ربي يفرج عليكم يارب

و الله انا بعدني صامده و ما ادري ليش الكل امس يتصل فيني من اهلي و اهل زوجي يسألون متى بولد و جتني الصيحه في الليل ما ادري ليش :(

اكيد هرمونات طالعه نازله ماادري كيف

اسيرة الغربه تسلمي و عقبالك ان شاء الله

باقي الحلوات كيف حالكم

الله يرزقش السلامه في وقتش غناتي
خطاكم الشر :L:

ريم81;15583671:
الله يسهل عليكم جميع و على و ان شاء الله يا نانو تولدي باليوم اللي فيه الخير لكم جميع

صاحبه الحمد لله انك و البيبي بير هذا اهم شي و ارتاحي من الدوام مو مشكله لاحقه عليه

اهم أصلا لازم يراعوا وضعك و يخففوا الدوام لحالهم

اقول انتوا كم عندكم اجازة الامومه ؟

اجازتنا شهرين وتقدري تمدديها بربع الراتب بعدين

وقبل فتره مدري ويش طرى عليهم وخلوها 45 يوم بس المدرسات ما شاء الله عليهم ما سكتو قومو الدنيا وقعدوها لين رجعت لستين يوم

والا حقين الصحه ساكتين وكانو يكملو الستين يوم بالاجازات المرضيه هههههههههههههههه

اتوقع دول الخليج كلها شهرين صح ؟؟؟

.. بنت قطر ..;15583682:

نا طلعت رحت الجمعيه مع امي
عشان امشي شوي و اتحرك
بس هلكت والله
الله يسهل علينا يارب





تصدقين انا ماشريت ولا فكرت اشتري

يعني تهقين باستفيد منها ؟
<< انسانه كلش مب ماعطه الشفاطه اهميه لووول

انا خايفه من سالفة تحجر الثدي

عشان شدي اشتريتها

وحتى لمن سألت اخصائية الرضاعه قالت لي اذا تحجر صدرش تبدي بالكمادات الدافيه ومساج وعصر خفيف وبعدها بالشفاطه اذا كانت موجوده

شروق التميمي;15583745:
الحمدلله رحتي وتطمنتي وان شاءالله الانتفاخ يروح اول ما يجي بس ماسألتهيا من شنو يصير؟

ونسبة الدم طبيبتي تكول لازم 10 وفوك يعني اقل شي 10
انا اخذ 3 حبوب حديد يللا فاد
بس اكلي خضروات وفواكه واهم شي سلطه طماطه وخيار مفيده
واحسن لا تداومين بعد انت والنونو اهم على كولتج

وان شاءالله انتي كفو وكد هالمهمه

الانتفاخ تقول انه يصيب خمسين بالميه من الاطفال الذكور مع ان نص عيلتنا ذكور ولا شفت احد فيه هالانتفاخ والله شفت صورته في النت وانكسر خاطري عليه وصرت اصيح

وزي ما قلتي نسبة الدم المقبوله عشره هذا اللي قالته لي الدكتوره

ومشكوره يا قلبي على النصايح

دقايق ارويش صورة الانتفاخ

عمر الحزن ما يدوم;15584112:
اني حصلت بيجون بس مرت اخوي قالت لي ان رحته قوية ع البيبي

ويكون بشرة البيبي حساسة فما خذيت ...

طيب ويش ناخذ ؟؟؟؟؟؟؟

ريم81;15585617:
نانو لا تفكري السهاله من الله بكل شي و ان شاء الله تودلي بالوقت امناسب و ربي يفرج عليكم يارب

و الله انا بعدني صامده و ما ادري ليش الكل امس يتصل فيني من اهلي و اهل زوجي يسألون متى بولد و جتني الصيحه في الليل ما ادري ليش :(

اكيد هرمونات طالعه نازله ماادري كيف

يوووووووووووو

حتى انا البارحه صرت اصيح لين نمت

حسيت اني بموت مدري ليش

nano0o;15585330:
صمووووود كروشات
ريومه يلا ولدي وشجعي بنتي عشان تطلع
اممم صح مستشفى جدحفص مافيها شي
بس لو صار وجتني ولاده باجر والناس رايحه الميدان
يعني بيصير صعبه اني اروح المستشفى و محد بجيني
الكل بيخاف يروح اهناك

شروق شكلج ما تشوفين اخبار
باجر واللي بعده بيطلعون الشباب بيروحون ميدان الشهداء
ويقولون ناس واجد بتموت الكل بيروح بالجفن ماله
منزلين لهم الحرس الوطني والجيش كامل
يعني بيستخدمون كل قواتهم عشان الشعب ما يرجع الميدان
عشان جذي اقولج الوضع يخوف وخصوصا القرى
اللي بيطلع منها او بيدخل بيكون في تحقيق اول
بعدين يروح المكان اللي يبيه من جذي الكل يتحاشى
نقاط التفتيش لانه ياخذون منها ناس واجد يعني الله يستر

الله يعينكم يا نانو

احنا للحين ما رحنا البحرين ولا نفكر نروح