【ツ】..التجمع الخامس للصديقات المغتربات لشهر اغسطس..رمضان المبارك.. 【ツ】

سلام بنات شلونكم حبيباتي

اي اليوم الجو مطرررررررررر ردت اطلع امشي شوي بس ماينطلع

شلونكم كلكم.؟

شلووونكم كلكم يااااصباايا هههه

اي رونق الي سويتها أنا حاطة فيها جبن و طيبة جدا

هلالا بنات شخباركم انشاء الله بخير البارحة ابني كله يرفس
اقول لكم راح يطلع ملاكم هههههههه ماتصدقون

البارحة جهزات شوية غراض انشاء الله من تكمل انزلها
وبعد احس باقي لي كثيرررررررر
وبنات رحنا اشترينا صبغ لغرفة البيبي ماشاء الله ابو الشباب نشاط وعندة مجال قال اصبغها
بس عرفتوا شصار واحنا ندور على الوان وكعت عيني على قسم الاطفال جان الزم اول صورة بيها غرف ازرق احزروا شنو شفت على الغرفة مكتوب كلها اسمlucas
حبيبي اخذت كم صورة تذكار وقلت لاابو الشباب نصبغ نفس اللون
شلون صدفة وكلش حلوووووووو طلع اللون بس تعرفون اهنا الصبغ مايكلف ابد ابدا ومابي ريحة ابدا
انتم شخباركم

سلام يا حلوات شلونكم؟

ان شاء الله تمام

باجر راح ابدي دوام ياربي و الله بعدني هلكانة من السفر و الصيام

اشوفكم على خير

وانتي من اهله يا ام عمار نشوفج باجر وسولفينا عن الدوام
باقي النات ماكوووووووووواليوم كلش مختفين
اروح اكمل مسلسل وكر الذيب باااي

صبااااااااح الخير كيفكم؟
كارولينا مبروووك التجهيزات وصدفة حلوة اعمليها يتهني البيبي ان شاء الله
أم عمار هلا كيفك؟الله يعينك ويوفقك يارب

امبارح اشتريت للولو لبسة العيد لما أفضى بنزلها هون

صباح الخير بنات شلونكم

يمه يمه بعيد عنكم شفت الموووووووووووووووت اليوم كاعده من ال 6 الصبح كنت بعز نومتي ما احس اله نفسي خلاااااااااااااااص

ماكو مو كادره اتنفس منا منا ماكو كمت فتحت الشبك ماكو فتحت باب الصاله ماكو زوجي كعد كال شنو فيج كتله مو كادره اتنفس واريد ماي باااااااااااااااااارد كال افطري اشربي ماي بلكي نفسج يرجع كتله لالالالالا ما اريد افطر المهم اتنفس بقوه اريده يرجع ماكو يمه صج شفت الموت اخر شئ زوجي كال اتصل ع المستشفي يجونج كتله لالالالا ماعليك نام نام هسه يرجع المهم فقدت الامل بصراحه يكعدت رايحه جايه اخر شئ كمت ادعي وحطت الكرسي
باب البالكونه وشويه ورجع الحمد الله هسه صرت احسن صارت هسه بل 8 الصبح بس مو كادره ارجع انام طارت النومه ما اعرف بنات هل حاله شنو من فتره ماسك وياي ولا مره رحت للطبيب اشوف شنو المشكله بس اعتقد ضيق تنفس مو صح؟؟؟

زوجي يكول لا يمكن بدايه ربوووو سم الله لئن عدنا مرت خالي هيج اخر شئ طلع فيها ربوووو بس اسم الله هذيج مرات خالي كلش اطيح وحالتهم حاله تصير لالالالا اسم الله ما اعتقد والله ما ااعرف جدا قالقتني هل حاله

ام لووووووكس بالعافيه ع لوكااس الغراض

لوليكي عوافي ع لولو المشتريات يله بنتظار الصور

ام عموري حبيبتي اي والله صج صج الله يعينج احنا كاعدين بل بيت مو طايقين نفسنا يله مدرسه وصيام
الله يعينج

حبيبتي ام عبودي سلامتك ان شاء الله خوفتيني روحي عالدكتور واطمئني احسن
أنا كانت تيجيني هالحالة أيام الحمل ومرات لما أزعل كتيير وزوجي بضل يقرأ علي قران لحد ماتروح والحمد لله زمان ما اجت

الله يسلمج حبيبتي اي انا كمان لفتره الحمل كثير تاذيت من هل حاله والحين تتكرر عندي من اكون مضايقه او زعلانه وانام بنص نومتي لازم اكعد مخنوقه من هيك ما رحت لدكتور كلت اعرف تجيني بس من اضايق او ازعل او افكر بشئ وانام :-#:(

الله يعينا أم عبود دايما تفكيرنا شغال نفسي احس براحة من التفكير

اي والله يا لوليكي الله يعينا ويسهل علينا يارب

فنتاسي انوار شنو اسم لون الصبغ الىتحطونه للكنافه؟؟؟
يعني من اريد اروح اشتري شنو اسمه علشان اعرفه لئن مو مشتريته قبل هل مره؟

ام عبووووووووود ما تشوفين شر يارب
اذا تكررت هذة الحالة عندج روحي للدكتور احسن
وان شاء الله ما تتكرر

لوكي بالعافية على البنتوتة ملابس العيد تتهنى فيها يارب وبانتار الصور

كارو ملابس الهنا للبيبي هههههههههه

صباح الخير بنات شلونكم حبيباتي

ام عبودي حبيبتي ماتشوفين شرررر يارب اذا هالحالة تصيرلج لمن تكونين متضايقه يمكن ردة فعل نفسيه بس اذا تتكرر معاج وتجي باي وقت يمكن لا سمح الله ربو

بس انتي بكل الاحوال لازم تروحين للدكتوره يفحصونج وان شاء الله ياربي مو ربوو ..

على صبغة الكنافة انا مشتريتها من محل عربي بالدنمارك مليااااانه هناك تكون علبة صغيره وبودره تحطين شووووي تعطي لون عندي لون احمر وبرتقالي .

بس في بالسوبر ماركت الوان للاكل بقسم الحلويات وين شغلات تزيين الكيك هناك تلاقينهم علب صغيييره مكتوب عليها االالوان وفي كل الالوان انا مجربتهم لتزيين الكيك رووووعة ..



ام عموري

الله يعينج حبيبتي صعبه ادري مدرسة واطفال وصيام بس كله باجره ان شاء الله


كارولين

الله يحفظه الملاكم الصغير ههههههه ذكرتيني بكرومي لمن كان ببطني حبيبي الحين اكثر شي اشتاقله من الحمل هو حركته احلى احساس يارب لا تحرم احد منه يارب
وبالعافيه عليه الاغراض


ام علاوي

شلون الحمل معاج وشلونه النونو ؟


لوليكي

لبس الهنا للبنوته بانتظار الصور .. انا بعد اريد اشتري لبسة العيد لكرووومي حبيبي اول عيد اله :adore:


ام ياسر شلونك ياقلبي وشلون صارت زهورة؟؟


فانتاسي وباقي البنات شلونكم .. ميسونا اعتقد انها سافرت لان قالت راح تسافر ..

بنات قلتلكم في شي اريد اقوله الكم بس لمن يخلص على خير اقوله ههههههه

الحمدلله طهرنا كرومي وطاحت الحلقة منه بس احس للحين المكان ماادري يحتاجله وقت

عقبال عبودي وعلاوي تطهرونهم على خير يارب

يالله قاعده ادور عروسه لكرومي هههههههههه بس كلهم كبار عليه

خليني اشوف ام علاوي اذا حامل ببنوته احجزها اله هههههه

ههههههههههههههههه انوار من هسا حجزتي بنتي كلش زين خلصت من وحدة ههههههههههههههههههههههه

الف مبروك الطهور زين سويتي طهرتية بهذا العمر وخلصتي اني علاوي عمرة 20 يوم وطهرناة
يم اي مطهر رحتي الي بستوكهولم

بوسيلي العريس الصغير هههههههههههه