رابطة أمهات وأطفال مصر ... لشهر رمضان كل سنه وانتو طيبييييييييين

لا انا مش عايزة ااكلها اي حاجة
انا المشكلة اني امبارح ماشربتش مية خالص ولا سوايل
معرفش ليه
وكمان كانت هي تعبانة بالليل مغص وكدا قبل السحور فماكلتش تقريبا كنت عمالة اطبطب وادي دوا ومحتاسة
وجيت فكرت نفسي صايمة فماكلتش طول النهار
اكتشفت اني مش صايمة قبل الفطار مبااااااااااشرة
حتة مقلب
انا زهقت بقى نفسي اخلص انا كملت 40 يوم اهو

هههههههههه ياستي ماللي يسمي حاجة يسميها هو حر
انتي قاعده ع النت حتى وانتي ف لبنان هههههه ده حسين معاه حق يزهق من النت

انتى لسه مخلصتيش؟؟ انا الحمدلله انى خلصت قبل الصيام

انا من وقت مابنفطر لحد مابنصوم بفضل اشرب ميا كتير وعصاير فريش وزبادى الزبادى بالذات اانا زهقت علطول معايا معلقه وانا برا ف الشنطه وكل شويه اجيب علبه امشى اكولها حسين بيقولى هاتيلك بيبرونه احسن حطيها فيه وامشى اشربيها
وبشرب بردو علطول ورق ميررميه مغلى مش عارفه مفيد ولالا بس انا بحبه مع نعناع

ههههههههههههه مهو علطول فاتح اللاب عشان الشغل فانا بدخل اشققر شويه والاقيه بيعمل حاجه اقوله هاشوف مين رد يقوم مبرقلى بس انا بكبر واشوف الرد بردو لحدماوشه يحمر اتلم خالص بئا
وهو دلوئتى عنده ميتنج فانا فرى لبعض الوقت قاعده انا والبنات لوحدنا وتيتا نايمه

بالهنا والشفا
انا عندي اهم حاجة ف الرضاعة اني اشرب لبن
وبطلت اشرب حلبة معرفش ليه وحتى اللبن بطلت اشربه زهقت منه فبقيت ادخله ف اي حاجة
دلوقت شغاله مية .. وبعمل اللبن مهلبية او كدا .. او اكله بكورن فليكس

اها ربنا يوفقه
هو بيشتغل ايه

يويا انتي نمتي؟

الله يهنيكى
انا نفسى اوى ف مهلبيه بس مش بعرف اعملها خالص

حسين مهندس
بس الشغل اللى جيله هنا تبع شركة ببابه ف المانيا حسسين ماسكله فرع تركيا

اقوله صاحب بالين كداب يقولى دى مقوله غلط :(
وبيدينى محاضره بئا بعد ماقوله كدا

لا صاحيه هو اللى عنده كارثتين بينام

صوفيا ع رجلى بتتنطط

هههههههه حرام عليكي ربنا يخليهم لك

محمد برده مهندس بس مهندس كمبيوتر

ويخليلك كارمن يارب



حسين معمارى


انا عاوزهانزل اجيب شنطه صغيره الشنط مش هاتكفى الهدوم
ومستنياه يجى واتاخر

الشنط مش هتكفي الهدوم ازاي مش انتي جايباهم فيها؟؟ ولا افتريتي ف الشوبنج

ههههههههههههههه
اه افتريت اخر حاجه لما جالى هسهس من الشنط والترتيب
وحطيت شويه ف الشنط اللى معايا بس مش مستحملين اندر يتحط فيهم تانى مش حاجه اكبر والله الاندر مش داخل ههههههههههههههه

الحاجات حلوة ف لبنان؟؟

السواريه حلو اوى وارخص من عندكم كتير

والعبايات اللبنانى اللى هى لبسهم الرسمى المفروض
هاند ميد توحفه اوى وتقيله
جبتلى واحده وفاتيما 2
انما الهدوم العاديه زى ف مصرر بردو بس عجبنى حاجات وجبتها
وهدوم البنات الصغيرين عجبتنى اوى والمايوهات طبعا جامده اوى وفى كل المقاسات

والاكل حلو اوى مقولكيش تخنت اد ايه

هههههههههههههههههههه
بالهنا والشفا
مين فاتيما؟؟؟

انا بحب العبايات بتاعتهم عندي منها بس جسمي مش بيليق ف العبايات الي نازلة ستريت.. بيليق ف الي نازلة على واسع زي الفستان دي
انا الحمد لله خسيت وقربت اختفي... لسه بقول لمحمد حاسة اني شغاله ببلاش ... طول النهار بغسل وانضف وارضع واغير واحمي والبس ... واطبخ واروق
امبارح وقعت ودخت
والنهارده كنت برده هقع من الارهاق

بخ بخ بخ بخ

بت يا مي انتي ف لبنان ولا ايه يا بت
حد يتفسح في رمضان مش قادره تصبري للعيد
هههههههههههههههههههههه

ازيك وازي البنات


مرررررررروة ازيكي وازي كوكي

ايمي ازيييييك

ايموز حبى ازيك ياقلبى وحشانى كتير




فاتيما دى مامتى يا مغوه:)


مش انا سبق وقولتلك انا ملاحظه انك بتقعى كتير طب كلى فاكهه وخسار وجزر علطول بيدو البشره نضاره كمان