رابطة أمهات وأطفال مصر ... لشهر رمضان كل سنه وانتو طيبييييييييين

رووووفه نتيجتك الرسميه طلعت حبيبتى

وانتي توصلي البشمهندس ليه انه ييهرش انتي تجيبي اي حاجه تلاقيها ادامك وخلاص متزهقهوش :)

ما شاء الله ربنا يزيد جوزك يا مروه وتقعدي تعاكسيه للصبح :) واحنا نكرهه ده لو الستات المصريه كلها بتعاكس اجوزاتها كان حصل اكتفاء ذاتي :)

لا مطلعتش يا سمسم والله
وناوية اورح اشوف ايه نظام االتحويل كمان

بنات ادعولي ماما تنجح عشان نتيجتها على وشك تطلع
ربنا يستر
كانت بتمتحن تاني يوم ولادتي ... فطبعا المادة دي اتشحورت خالص هههههههه وعندهم النظام ان لو شالت مادة تعيد السنة مفيش دور تاني

نتيجة ايه يا مغوة ؟

ماما بتمتحن ايه يا مروه ؟

الاعلانات ف رمضان بتتعبني نفسيا
اكفل قرية فقير
اتبرع لمستشفى ابو الريش
اتبرع لمعهد القلب
اتبرع لمستشفى الكبد
اتبرع ل57357

نفسيتي تعبت بجد ... الواحد بيحس انه شايل هم الناس دي كلها ومش قادر يعمل حاجه

خلاص روفه ان شاء الله السنه الجايه هناك ؟؟؟ ربنا ييسرلك الخير

ماشى ايمو دافعى عنه اووووووووووى لسه متخانقين امبارح

كيتى ربنا معاها ويوفقها هى بتدرس ايه

مامتي اكمنها فاضية ... راحت تاخد دبلومة تعادل الماجستير ف كلية تجارة
فضا بعيد عنكو ههههههههه
مع انها ماسكة مناصب يعني مش فاضية ومسحولة ف الشغل
هي نائب مدير فرع التامين الصحي ف الدلتا
ومسئولة المواليد
ومسئولة الجودة ... والتدريب تقريبا اتضاف عليها قريب
وراحت تحضر دبلومة ادارة مستشفيات ف تجارة
وتاخد الاي سي دي ال
وبعدها خدت كورس كمان ف الكمبيوتر

فضااااااا بعيد عنكو مش بقولكم هههههههه

لا كله كوم والصومال اللي محدش فاكرها كوم تاني
اما بتفرج ع صور الاطفال وهما بينشفو ويموتو بجد اصعب احساس ربنا يكن في العون
ربنا هيحاسبنا كلنا عليهم بجد

"أم حمودى وفلة";15499198:

ربنا يقومك بالسلامة يا حبيبة قلبى ويقر عينك ببنوتك وماشاء الله هتولدى فى ايام جميلة كلها خير وبركة ربنا يكتبلك ساعة سهلة وان شاء الله هتعدى على خير متقلقيش..الدكتور مقلكيش هتاخدى بنج كلى ولا نصفى ؟؟ومتنسيش تدعيلى انا كمان ان ربنا يهدينى انا وولادى ويجمعنا بجوزى على خير ويوسع رزقه يارب ويرزقه من حيث لا يحتسب وانا هدعيلك النهاردة فى التهجد بأمر الله

يارب يا سولى يارب دعواتك الحلوه وانا هدعيلك باذن الله
انا هاخد بنج كلى ان شاء الله عشان الدكتور قالى احتمال النصفى ما يشتغلش معايا

المشكله كيتى لما كل حاجه عايزة تتعمل محتاجين نعملها تبرعات مشروع زويل افتح حساب واتبرعوا مشروع محمد صبحى افتح حساب واتبرعوا رساله بتكسي المحتاجين بنك الطعام بياكل الناس بيبسي مش عارف ايه موبينيل هتشغل 200000 شاب امال اسم الله عليها الحكومه بتعمل اييييييييه البلد كلها بتشحت على بعضها على راى الواد ابن القرضاوى

طمنيه وقوليله وراك رداله ع النت بيدافعوا عنك

اه يا مروه والله كل الاعلانات دي توجع القلب والودان والعين صعبه اوي
بس انا اما بلاقيها بقعد اتفرج عشان الواحد يعرف يحمد ربنا

لا مش عارفة لسة يا سمسم
يوم كده و يوم مش كده

والله روفه شوفت صورة بيقارنوا بين حال الصومال وصورة تانيه من بلد خليجيه عاملين فته ولا مش عارفه كبسه فى صينيه اد اوده والله العظيم بجد شيء مستفز بس انا سمعت ان الامطار نزلت عندهم اليومين اللى فاتوا

اه انا سمعت برده
ربنا يعينهم

ياه ياروفه
تخيلي من يوم مجاعه الصومال وانا مابرميش اي حاجة ف الزبالة؟؟ والله بجد ... ياباكلها يا اخلي محمد ياكلها يااتصرف فيها
بحس اني لو رميتها هشيل ذنب كبيييييير
بقيت معقده بجد
امبارح بالليل اعدت اكل مكرونة وفراخ فاضلين من الفطار
بقول لمحمد حرام علينا الناس مش لاقيه العضم .. وكانوا حبة صغيرين ماينفعوش يتشالوا لتاني يوم
اعدت كلتهم ههههههه

انا قايمه من الصبح كده حاسه ان فيه حاجه كاتمه على نفسي
كنا عاملين حمام النهارده ماما قالتلي اعمليه حشتهولها من هنا ومبقتش قادره اتنفس دخلت ع سرير قم نمت
صحيت قبل المغرب بساعه مبقتش كويسه الا لما فطرنا وبعد الفطار قعدنا نعمل الكحك انا قعدت انقش :)

عاوزة اقوم اعمل فول ومكسلة

احنا والله يا مروه برده بيفضل عندنا اكل بطريقه غريبه
واحنا 5 وماما مبقتش تعمل الا كباية رز واحده وبتفضل برده
بس هي بقى معندهاش مكان تربي فيه وهي بتحب التربيه اوي قامت عامله عشه صغيره كده وبتجيب 5 بطات يكبروا يدبحوا تجيب غيرهم :)
هما بقى اللي بيلموا الاكل كله مبنرميش حاجه الا نادرا يعني