رابطة أمهات وأطفال مصر ... لشهر رمضان كل سنه وانتو طيبييييييييين

مروة الف سلاامه على كوكى ربنا يشفيها يارب و يقويكى و يديكى الصحه
ابقى طمنينا عليها

يا جماعة بليز اللي عنده أطفال صغيرين لو عندهم مغص بلاش سبازموتال لأن فيه كلام انهم اكتشفوا انه بيسبب ضمور في خلايا المخ علشان كده اتسحب من السوق ومش موجود غير قليل جدا.. دكتور صاحب جوزي قاله حتي لو لقيته اوعي تأخذه.. أنا جربته لآدم مرة واحدة عند حماتي فعلا حلو يهدي وينيم بس لما سمعت كده مش جربت ثاني ابدا.. كل سنة وأنتم بخير وربنا يحفظ اولادنا يارب

ماحدش هناااااااا
انا عندى حموضه فظيعه ومش عارفه انااااااام
انا اصلا نايمه 6 الصبح وصحيت مفنجله من الساعه 9 عايزه انام ومش عارفه الحمد لله

:012:حاسه بنار فى صدرى والنار هتطلع من بوقى و ودانى زى التنين ححححححححححححح:worn_out:

انا هنا ياسالي ازيك
سلامتك انتي مش بتاخدي حاجة للحموضة؟؟

انا نمت الساعه 6 الصبح على ماكوكي المغص راح .. ودلوقت مش عارفه انام من سناني هتموتني من الوجع قلت اقوم اتفرج
مبارك بيتحاااااااااااكم احمدك يارب
الواحد كان حاسس انه هيموت قبل مايشوف اللحظة دي

ازيك يا مروة يا حبيبتى الحمد لله انى لقيت حد انا كنت فقدت الأمل طمنينى اخبار كوكى ايه عامله ايه دلوقتى واتصرفتى معاها ازاى
انا مش باخد حاجه للحموضه عشان مش بعانى منها الحمد لله الا خفيف اوى وكنت بشرب كوبايه لبن ساقعه بتروح اول مره تجيلى جامده كده جايز عشان كلت كنافه امبارح
الف سلااامه على سنانك انتى مستمره على الكالسيوم ولا وقفتيه؟
و انا كمان كنت بتفرج على المحاكمه شوفتى جيش المحامين اللى بيدافع عن العادلى و اتباعه حسبى الله ونعم الوكيل

ارخم حاجه ان تبقى كل الفرص متاحه انك تنامى ومش عارفه تنامى من وجع عندك هههههههههههههههههههه بجد قمة القريفه

والله ماعملت حاجه امبارح
مفيش حاجة جابت نتيجة هي بتبقى نوبات مغص كدا عند الاطفال
اديتها الادوية وشربتها حاجة دافيه وحميتها ولاعبتها و و و
وقعدت قريت عليها قرآن
وفين وفين على ماتعبت هي من السهر ونامت لان امبارح خدت طول اليوم مغص والله حتى واحنا عند ماما
ربنا يعدي الوقت ده بقى على خير بتقطع قلبي وهي تعبانة

انا بطلت الكالسيوم تصدقي فكرتيني بيه .. انا جايبه عندي عشان اكمل عليه ونسيت
وبقالي كام يوم ماشربتش لبن

معلش يا مروتى فاضل شهرين يارب يعدوا على خير و يهونها عليها وعليكى والله هما بيصعبوا عليا اووووى مش بيستحملوا يا حبايبى وما بيعرفوش يقولوا اى مافيش غير العياط بس ربنا يعافيها و يشفيها يارب
ارجعى خدى الكالسيوم تانى عشان تلاقى الرضاعه بتسحب منك كتيرررر ربنا يعينك وسنانك اهى بتنبهك بتقولك روحى خدى كالسيوم

قاااااااااااااال ايه مبارك و ولاده بينكروا كل التهم اللى اتوجهتلهم يعنى حتى مش سايبين فرصه للواحد انهم يصعبوا عليه

يابنتي لازم يقولوا كدا امال يقولوا اه قتلنا... بس كفايه ان حسني جه واتحاكم ههههههههه دي عندي بالدنيا
بس على الله ياخد براءة عشان يشلنا فعلا

على رأيك صحيح لازم يقولوا كده بس بجد حاجه تفرس اما هما ما عملوش كل البلاااااوى دى امال مين اللى عملها البواب يعنى بيستعبطوا.. يااااارب يتحكم بالعدل فعلا و ما ياخدش برااااءه

يااااااااااارب
المحاكم مسخرة هههههههههه المحاميين بيتخانقوا ع الميكروفون
وواحد جاي يمسك القاضي بيقوله انت محامي قاله اه امال مش لابس الروب ليه ههههههههههههههههههه

هههههههههههههههههههههه اه المحامين فظاع وكتيرررر اوى
بس طبعا المحامين بتوع العادلى و اعوانه كلهم اسامى كبيره وكبار .المحامين بتوع الشهداء كلهم صغيرين و شباب لسه

قوليلى يا مروة انا بمشى كل يوم ساعه لساعه ونص كده كويس ولا المفروض امشى اكتر

انا الدكتورة كانت قايلالي امشي ساعتين ولما الراس مانزلتش قالتلي امشي اكتر واعملي تمارين
بس برده مانزلتش هههههههههههههههه

انتي الوضع عندك ايه؟. الراس تحت ؟ بدات تنزل ولا لسه

اه هى الراس تحت بس هى تحت من زمان اوى من الرابع
بس مش عارفه اخر التطورات ايه كان المفروض اروح للدكتور امبارح بس طنشت و هروحله ان شاء الله التلات الجاى
ساعتين متواصل يا مروه ده كتيررررررر اوى انا بمشى ساعه و لا ساعه ونص ورجلى بتورم خااالص مشكلتى فى رجلى اللى بتورم دى انا الدبله ما بقتش تدخل فى ايدى من الورم
الله المستعان هبقى احاول ازود شويه
طيب اعمل تمارين زى ايه؟

حد هنا؟

لا مش شرط متواصل الدكتورة كانت بتقولي متقطعين بس انا بحب المشي ومتعودة عليه من زمان فكنت بمشي متواصل

التمارين ياستو بتعمل ازاي ... بتيجي عند كرسي تمسكي فيه وانتي واقفة وتنزلي لحد الارض تقرفصي يعني
بس بشرط رجلك كلها لامسه الارض ماترفعيش كعبك وتقفي على صوابعك
او تقعدي القعدة بتاعت الحمام البلدي
هههههههه اسمه بالانجليزي ارابيك تويلت هههههههههههههههههههه
10 مرات الصبح وعشرة بالليل

وانك وانتي قاعده تعملي زي ماتكوني بتعملي بيبي وبتمسكي نفسك عشان مش تعملي
فاهمه قصدي؟
تعملي كدا 5 مرات مثلا
وبعد شوية تاني
وهكذا
بيقولي عضلات الحوض

اه فاهماااكى التمرين التانى ده اللى هو تمرين كيجل

خلاص ان شاء الله ابدأ فى التمارين دى على طول تصورى ماحدش قالى عليها خالص حتى الدكتور ما قاليش عليها
انا كمان بحب المشى جدا وكنت على طول امشى كتير بس فعلا الورم صعب عايزه اقولك انى اشتريت صندل مفتوح اكبر من مقاس رجلى بنمرتين ولما بمشى كتير بيبقى هيتفرتك فى رجلى هههههههههههههههه

بسبس نحن هنا ازييك و ازى سووكه

بسبس ازيك

انا كمان عملت كدا ياسالي جيت ف الاخر ورجلي كانت نفخت خالص
وجسمي كله ههههههههه بس كل ده نزل دلوقت والحمد لله رجعت مزة هههههههه