« تجهيزات عرائس ' مملكة البحرين ' لشهر رمضان المبارك 1432 - 2011 م / الجزء : 80 »

صباح الخير

تقبل الله صيامكم وقيامكم ..
وعساكم من عواده انشالله ..
وكـل عـام وأنـتـو بـخـيـر ..
وألف مبروك لكل الي انخطبو وعرسو والفال للباقي يارب .. F:

بكتب لكم تقرير بسيط وصغنون
عن تجربتي للحمام المغربي في صالون رحمه :D

الله يسلمكم امس كنت ماخذه موعد حق حمام مغربي على الساعه 7ونص
صليت وتفطرت وريحت شوي وشربت لي جاي وانا كنت مرتبه اغراضي من اول مارجعت من الدوام
على 7 وربع شلت اغراضي وركبت سيارتي وانطلقت للصالون :biggrin:
وصلت كانت في وحده قبلي وانا بعدها وخذيت بو 7 دينار بس سمعتها تقول زيدت الأسعار كل شي دينار
يعني الي بـ 5 صار بـ 6 / والي بـ 6 صار بـ 7 / والي بـ7 صار بـ 8

انا قلت ابي بـ 7 سالتها شالفرق بين 7 وال 8 قالت السبعه بكون تفريك وحنه بس بدون التنعيم و8 مع التنعيم قلت لها عيل ابي 8

وركبت وغيرت ملابسي ودخلت الحمام الي سوت لي فلبينيه كان شغلها حلو عجبني يعني وكانت طيبه واخلاقها تمام التمام هذا اهم شي ريحني وحتى الي في الصالون المغربيه المره وااااااااااااااااايد حبوبه وطيبه وتشرح القلب يعني ماتضايقين وانتي قاعده تنتظرين دورج نقطة حبيتها وايد :D:thumbs_up:

المهم دخلت اول شي فركتني بصابون مادري شنو سالته عنها بس من الصدا والماي صراحه ماسمعت عدل وماحبيت اقعد ارد اسألها ههههه :oبس اتوقع صابون مغربي وبعد ماحطته وفركتني فيه غسلتني
وبعدها حطت لي خلطة الحنه وشغلت لستيم وطلعت وتميت تقريبا 10 دقايق او ربع ساعه ولستيم شغال والحمام مايبين صار منه ولا شي :D انا شووي فطست بس استحملت لأنه صار لي فتره ماسويت حمام مغربي فحابه المسامات تنفتح عدل وجسمي يتنظف عدل
المهم رجعت وقالت لي اوكي؟؟ قلت لها اوكي ضحكت وطلعت الظاهر قالت هذي ماتحس :lol:
المهم خمس دقايق وردت ارجعت بندت لستيم وغسلت جسمي من الحنه وقالت لي انسدحي
وفركتني تفرييييك من قلب ومن اربع الجهات ظهري وجنبي اليمين وبطني وجنبي اليسار وبعدها قالت لي قعدي وكملت تفرك وبعدين غسلت جسمي وغسلت شعري بالشامبو وبلسم وبعدين حطت لي التنعيم 5دقايق وشغلت معاه لستيم ويات وغسلته وقالت لي اوكي خلاص اخذي شور الحين وخذيت شور ونظفت جسمي وغسلت شعري عدل من البلسم ويابت لي فوظة صغيره لشعري وانا يايبه الروب حقي تنشفت ولبست ثيابي
وطلعت صج صج صج استانست بالنتيجه :D ويهي صار ورررردي وجسمي صار نااااااااااعم ووردي حتى لمى نزلت اتقولي راعية الصالون لا لا ماشالله بينتي ههههههه مادري الظاهر قبل الحمام كان شكلي معفن :lol:
وحتى يوم رجعت البيت امي قالت لي صرتي غير صايره ورديه :D:o جان استانس
وبـــــــــــــس هذي تجربتي مع صالون رجمه

وانشالله بعتمده كل شهر اروح مع السيرفس الي اسويه يعني بدخله من القائمة الأساسيه السعر حلو والنتيجه حلوه :thumbs_up:

ومسامحه اذا طولت عليكم بس حبيت اخبركم بتجربتي الأولى مع هالصالون والحمام المغربي حقهم عشان تستفيدون F:

حمام الهناا خيوو ..

شكله شيء من الوصف والسعر خياال .. بس ماعليج امر وين يصير ؟؟

هلا حبيباتي شخباركم ، ابي اسألكم اللي جربوا شيما ماك ، شنو رايكم فيها ابيها حق عرس جريب انا شخصيا جربت فاطمة اللبنانية حق عرسي و صج طلعتني قمر بشهادة الكل الحين خاطري اغير مادري عند من اروح؟؟؟ بليززززز اللي تعرف ماكييرات غير احلى يسون قولوا لي عشان اروح اشوف لان مافي وقت ابي يكون الشعر و المكياج في مكان واحد ؟؟؟؟؟

Ms.Sugar;15512986:
حمام الهناا خيوو ..

شكله شيء من الوصف والسعر خياال .. بس ماعليج امر وين يصير ؟؟

تسلمين حبيبتي F:
الصالون يصير في جد علي مقابل روضة الفاريق خلي الروضه على يدج اليسار وفي لفة قبل محل عبايات السعيد لفيها يمين وبعدين اول لفة يسار وروحي كله سيييييده بتجوفين الصالون على يمينج

مادري انشالله وصفي يكون عدل وواضح

وينعم بحالج أم سلمان F::o
وصح كلامج الصالون وايد ممتاز وانا خلاص اعتمدته حق الحمام المغربي على طول

~~~ Um Danial~~~;15513026:
هلا حبيباتي شخباركم ، ابي اسألكم اللي جربوا شيما ماك ، شنو رايكم فيها ابيها حق عرس جريب انا شخصيا جربت فاطمة اللبنانية حق عرسي و صج طلعتني قمر بشهادة الكل الحين خاطري اغير مادري عند من اروح؟؟؟ بليززززز اللي تعرف ماكييرات غير احلى يسون قولوا لي عشان اروح اشوف لان مافي وقت ابي يكون الشعر و المكياج في مكان واحد ؟؟؟؟؟

انا وايد محتارة عن من اروح حق الميك اب
عن شيما ماك او فاطمة اللبنانية ؟؟

عطوني رايكم الله يخليكم ؟؟

Majno0ontah;15511004:
هلاااا بيج عزيزتي بس ماقلتي لي خطوبة ولا عرس ان شاء الله؟

وي حبيبتي لا ذي ولا ذاك

انا معزومة :) بس لان اهي حطت لي من قبل في خطوبة بنت عمي والمعازيم ما شالوا عينهم من علي :o اهي ما شاء الله تعرف ترسم الويه عدل يعني ما تهتم بالعين بس والويه حيا الله اصباغ لا ترسم لج ويهج عدل والصراحة انا افكر فيها بس للعادي يعني اذا الله كتب و صرت عروس ان شاء الله باروح حق مكياج اثقل اشوية مثل صفية شويطر او صفاء او عايشة الريس

طبعا هاي بس رايي لا تاخذون علي

عس عس

تسسمنين يا عسسسل ع التقرير ^^

وبحآول ازحف له هصصالون ^^

تششكرات

مرسي الشوق;15512721:
mimi 3roos

حبيبتى صح السعر الى قالته لج لانه اول ما فتحوا الصاله بعد التعديل اللعام

رحنه وكنه نبي نحجز مرمريز 5 الى 250شخص قالت لنا 1540دينار الى اقل بوفيه رقم 3

والى 400 شخص 1790 الاثنين ليوم اجازه فالاحسن تحجزين مره وحده لحدد كبير

في المنيو حاطين 400شخص 1890 لاقل بوفيه نقصي 100 دينار اذا يوم ويكند و300 دينار اذا يوم عادي 1490تصير

وانتى تبين 200شخص تنقص دينار واحد الى كل شخص من 1490 بصير لج 1290

كل صالات مرمريز نفس الحسبه
اذا تبين حق 200 شخص حجزي مرمريز 4 القاعه الصغيره ارخص وحده فيهم

وتطلع عليج باقل سعر 890 دينار

:hysterical: اخاف ما احس يسوى اذا معازيمنا شويه و يمكن ما يجون كلهم

و اذا لاحظتي انا ابيها بعيدة عن شارع البديع و اخاف مرمريز 4 في السنابس

صدق الوضع شوي هدأ بس ابي انطر للعيد ناس تقول لي اي عادي ما في شي نروح اعراس هناك و ناس تقول لي لا بتصير لش بلاوي :sick:

ايش رايكم في صالة المسباح سالت قبل و ما ادري من قال لي صاحبها راعي مشاكل بس رفيقتي سوت فيها و كل شي OK

محتارة عرسي 26 شهر سبتمبر تصوروا !!! و لا سويت شي من حجوزات:'(:'(:'(:'(:'(

عرايس عيدكم مباارك مقدما
وعساكم من عواده

بسألكم لما اتحنى شحط عليه
ابيه يصير غامق غامق واايد
افيدوووني ضروري لو سمحتوا
..

فازلين وقطرات من الليمون يغمج الحنه

Ms.Sugar;15514322:

مس عرووس بنصحش نصيحه لوجه الله .. اني وحده سويت خطوبه لا صارت ولا استوت .. نصحيه وفرو وبعيدا عن المظاهر الي ماليها لزمه ... لما سويت خطوبتي كنت ابي الكل يتكلم عنها .. بس السعاده اهم ،لفلوس الي بتفلتونها على امور ماتسوى بتفيدكم بعدين وانتون اولى فيها من هل مظاهر الي صراحه ماليها داااعي مسكين لصبي هل ايام كل شيء غالي من بداية حياته يبديها بهم .. شوفي على الرغم انه زوجي حالته الماديه وايد زينه الحمد لله بس بعد تحسفت قد شعر راسي بداية تاثيثنا البيت خطر في بالي لو ماخسرنا كل هل خساير كنا مابنضغط على روحنا ابداا بعديين .. نصيحه من اخت ، واذا ضايقج كلامي السمووحه

ما ادري اذا كان الكلام لي او لغيري لانش كتبتي مس عروس و انا ميمي عروس بس حبيت ردش :o
اذا لي شكراا اختي بالعكس كلامش منطقي و اذا مو لي بعد :L:

المهم اتمنى اني اسوي حفله بس بسيطة للاهل و الاصدقاء المقربين بس
و ودي ما اصرف و بعد ما اتصلت لصالة الجميرا و زينة الافراح و قالوا لي اسعارهم
حسيت انه لو بسوي بخسر خصوصا انه معازيمي شوي و محتاجين احنا لاشيا اهم

الله يسوي اللي فيه خير و صلاح و نتوكل على الله
انا كنت افكر اني ما ابي حفل يكلف

سوري خيو لاني كتبت اسمش غلط .. بس بالضبط كان اليش .. شووفي من الحفل كله ماتظل الا الصور والذكرى الحلوه .. لاتظل لا صاله ولا اكل بوفيه هههه انتي بس تعدلي زين مازيين وعيشي حيااتش والباقي سويه بسيط .. كل ماكان العرس مايكلف كان اكثر سعاده بعدين .. وبقول لج نكته بس مو في محلها لكن خطرت على بالي .. اول يوم ملجتنا عشاني معجناات من محل صوب بيتهم هههه لانه وقتها كانت كل المطاعم العدله مبنده وكنا متاخرين .. بس حسيت بسعاده ماليها حدود يمكن اكثر من لو كنت في ارقى مطعم ..

mimi 3roos;15514430:
ما ادري اذا كان الكلام لي او لغيري لانش كتبتي مس عروس و انا ميمي عروس بس حبيت ردش :o
اذا لي شكراا اختي بالعكس كلامش منطقي و اذا مو لي بعد :L:

المهم اتمنى اني اسوي حفله بس بسيطة للاهل و الاصدقاء المقربين بس
و ودي ما اصرف و بعد ما اتصلت لصالة الجميرا و زينة الافراح و قالوا لي اسعارهم
حسيت انه لو بسوي بخسر خصوصا انه معازيمي شوي و محتاجين احنا لاشيا اهم

الله يسوي اللي فيه خير و صلاح و نتوكل على الله
انا كنت افكر اني ما ابي حفل يكلف

[QUOTE=مرسي الشوق;15512721]mimi 3roos

حبيبتى صح السعر الى قالته لج لانه اول ما فتحوا الصاله بعد التعديل اللعام

رحنه وكنه نبي نحجز مرمريز 5 الى 250شخص قالت لنا 1540دينار الى اقل بوفيه رقم 3

والى 400 شخص 1790 الاثنين ليوم اجازه فالاحسن تحجزين مره وحده لحدد كبير

في المنيو حاطين 400شخص 1890 لاقل بوفيه نقصي 100 دينار اذا يوم ويكند و300 دينار اذا يوم عادي 1490تصير



هلا اختي انزين الاسعار ثابته ؟ لبعد العيد
ادا 500 شخص وبوفيه 2
جم يطلع ؟ عندش معلومة

bushehrya;15514384:
فازلين وقطرات من الليمون يغمج الحنه

مشكوورة اختي ماقصرتي..
ان شاءالله بجرب الطريقة
يعني اول احط الفازلين وبعديين فوقه قطرات الليمون؟
..

مرحبا عرايس

عيدكم مبارك و عساكم من العايدين السعيدين و الله يعودنا و اياكمF:

مبروك حق كل الي انخطبوا و الي تزوجوا و الفال حق الباقي

عرايس اني ملجتي ان شاء الله راح تكون تاريخ 5/9 الي هو الاثنين الجاي و الحنة السبت الجاي تاريخ 3

الحمدلله تقريبا خلصت كل اموري بس بغيت اسألكم عن صالون الور الي في الجنبية
شفتكم تمدحون شغلهم من فترة ابغي رايكم في حفاف الجسم عندهم و البديكير و المنكير شرايكم فيه؟؟

مع ان الصالون بيصير بعيد عليي بس مو مهم ابي مكان يكون شغل عدل و نظيييف هالشي وااجد مهم و يهتمون في الزبونة ابغي اروح و تكون اعصابي مرتاحة

تنصحوني اروح هناك و الله لا لأن ما ابي اطق درب لهناك و تالي اتحسف

ان شاء الله يوم الجمعة بروح حق هالسوالف و اذا وحدة منكم تعرف تلفونهم او اسعارهم تفيدني و بكون شاكرة ليها

واذا عندكم مكان ثاني تنصحوني فيه و ياريت رقم التلفون بعد

و اذا وحدة منكم تنصحني بشغلة عشان ما يطلع لي حب عقب ما احف جسمي بدعي ليها ليل نهار لأن جسمي واجد حساس و احاتي هالسالفة واجد بصراحة:(

و مشكورين مقدما مع اني ادري اني حدي متفرغة توني اسأل و ايام عيد بس ادري انكم ما بتقصرون ان شاء الله:thumbs_up: