لولو الصغيـرة;15462803:
اليوم رحت حجزت لافيلا
المكياج يبدأ من 10 عندهم
الاخت حلم جربتي مكياج بو جم؟
والشعر شنو سويتي عندهم؟
جربت بو 15 مع الرموش ..
وأعتقد أسعارها من 10 إلى 25 للعادي
والشعر ما قط مرة سويت تسريحة عندهمـ
عادةً أروح حق أستشوار عادي :thumbs_up:
بس شايفة شغلهمـ للتساريح وكان نعومي & حلو
,,,
مساء العسل;15469395:
مرحبا خواتي كولكشن جديد لعبير الرويعي
ما شاء الله ,
وايد نعومي وراقي ;)
وخصوصاً الأول
,,,
عاشقه الدوحه;15469829:
السلام عليكم
شلونكم حبايبي عساكم بخير وسهاله
عندي ثلاث استفسارات ياليت تساعدوني فيهم
اولا : محل اماسي للكوشات وين يصير بالضبط ,,,,,,,,؟ وشسم المصمم
الي تعرف رقمه او تعاملت وياه ياليت تدز لي رقمه ولا عليكم امر
ثانيا : الحنايه وهيبه من المحرق من عنده صور لشغلها على عروس
دورت صور شغلها ما حصلت ؟؟؟؟؟؟؟؟ و حناها يصبغ ولا شلون ؟؟؟؟؟
ثالثا : ابي صور لتوازيع حنه ؟؟
تروووجه فديتج بغيت علب من الي تجيبينهم من الهند وين احصل مثلهم ؟؟؟؟
- محل أماسي ..
في جد علي
وعندهم صفحة على الفيس بوك >> ( اماسي للأفراح )
تقدرين تدشين وتشوفين شغلهمـ + أرقام التواصل
وناسيه والله أسم المصمم بس أهو شاب بحريني صغير
,,,
غفرانك ربّي;15470714:
شلونكم بنات
عندي استفسار بخصوص خرم الاذن
من عندها فكرة عنه بالنسبة للالم !
ووين اقدر سويه ؟؟
ابي مكان مجرب ومضمون
:)
أي صيدلية ممكن تسويه لج ,
مثلاً (صيدلية ناصر)
طبعاً بيطهرون لج المكان وبيحطون بنج خفيف
كأنها إبرة ما بتحسين بشي من البنج
بس البنج تآثيره يروح في دقايق
بتحسين بآلمـ .. بس مو إلي وايد , آلم طبيعي
,,,
liluz;15472105:
بنات
مكياج فاطمة اللبنانية حق عروس بجم ؟؟ و وين صالونها ؟؟
وتنصحوني اروح فاطمة اللبنانية لو عبير الرويعي لو صفية شويطر
ابي شي ناعم وانيق وفخم ويبين حق عروس
من بين كل هـ الماكيرات
أرشح لج (صفية شويطر) في صالون إختها بـ الرفاع
ستايلها وسط نعومي .. فيه زهوة وفخامـة
وشغلها وايد روعـة
للعروس بـ 70 دينار
,,,
mimi 3roos;15472735:
لا تشيلينه بواكس حار او شيرة حارة لانه يترك بقع
سمعت انه الليمون يفتح بس اكيد بيحرق اذا توش شايله المهم
اعتقد في بالحواجات شي مثل ملح الحليب عليه صورة بقرة و ثاني مكتوب عليه
Yoko
whitening salt spa
و ابتعدي عن الموس نهائيا و لا تستخدمين مزيل العرق الرش مباشرة و لا الصابون !!!!
:thumbs_up:
استفسار ع الطااير قريت مدح كثير لفريال و سهام اللي بلا فيلا
اذا بسوي حنة حقي عائلية و لربعي
و ابي شي جدا بسيط و ناعم لليلة حنتي
اروح عندهم ؟
إي أنصحج بـ قوة :D
,,,
سنوزي;15473459:
بغيت اعرف شغل سهام في العفراء للعرايس بكم تسوي الشعر؟؟
سعر العفراء ثابت للعروس
70 دينار
بـ الإكستنشن + الحشوات + الإكسسوارت بعد
وإذا ثاني يوم رجعتي لهم الإكستنشن والحشوات والإكسسورات يرجعون لج 20 دينار ( التآمين)
يعني الزبدة أن شغلهمـ بـ النهاية يصير بـ 50 دينار
بس نصيحة مني لج
روحي وإنتي مستشورة شعرج بأي صالون إستشوار حلو ونظيف
ليش ؟!..
من خلال تجربتي يعني عندهمـ
وايد زحمة وعلشان تخلصين من وقت
+ ما يسون إستشوار عدل ومرتب
أستشوارهم كلش سريع وخفيف مال بو 10 دقايق
وشخصياً ما احب :hysterical:
