« تجهيزات عرائس ' مملكة البحرين ' لشهر رمضان المبارك 1432 - 2011 م / الجزء : 80 »

وصــايــف;15444123:

بالنسبة حق بندو جربتها من قبل حفافها عادي ولا نظفت لي عدل اصلا ورجعت البيت خليت اختي ترتب حواجبي غالية عالفاضي


طبعا الهام الفضالة حواجبها مرسومين يا بتاتو او بقلم حواجب او حنة حواجب لان مو طبيعين جذي بس انا عاجبتني الرسمة وايد مع اني ما اؤيد حنة الحواجب بس اذا ما بتستوي الا بجذي بضحي وبحط حق العيد بس

أنا حواجبي تقريباً ,

مثل قصة حواجب إلهامـ بس أنا أعررررض بـ وايد :worn_out:

وطبعاً ماكو حواجب طبيعيـة جذي ههههه

إما تاتو أو حنة حواجب

إلهام طبعاً واضح أنه تاتو ,

بس أنا سويتهمـ بـ حنة الحواجب

وما شاء الله طلعوا مرسوميـن رسمـ وروعـة

حلو من باب النيو لوك

الحنة ما تبقى وايد في الحواجب على فكرة

حدها حدها 2 إلى 4 أيامـ فقط

وتناسب تسوينها في مناسبة أو عيد :D

,,,

طيف امل;15445938:
مشكووورة حبي غرام أحباب على الرد
بعد عندي سؤال بنات
تعرفون ستوديو فاطمة فوتغوافي اللي يصير في البلاد صوب محطة البترول
شلون تصويرهم وتصاميمهم في البومات العرايس
لان حاجزة صالة الدانه وقالت لي اللي هناك هالاستوديو جديد وحلو شغله
بس رحت جفت البوم عندهم عادي كان مادري اذا احد جرب منكم تصوريهم ؟؟؟؟

ما قط مرة سمعت عنه ,

يفضل إنج تروحين بـ نفسج وتشوفين الشغل ;)

لا تحجزين وبس ..

عندج من ضمن قائمة إستيديوهات التصوير لـ صالة الدانة :

- الحوراء , صحاري , سكوب

هذيلا معروفين + ضمـان

,,,

منامية الهوى;15446415:
هلا بنات

انا عرسي قريب يعني بعد جم شهر وقاعده من الحين دواره وفراره في الاسواق >> اختكم ما تبي تتوهق في النهايه من الحين اشتغل عشان يطلع كل شي مضبوظ صح

المهم >> انا ما احب المكياج اللي يحطونه حق العروس عندنا في الخليج >> بصراحه احسه اووفر
بغيت احد يعرف مكان يسوي مكياج اوروبي >> يعني اللي يشوفني يقول طبيعي مادري فهمتون ولا لا يعني بسيييييط جدا
و اعتقد هذا يسوونه في الفنادق بس بصراحه ما عندي خبره عنهم ولا اسماءهم ولا الاسعار

ف الي يعرف منكم حبيايبي لا يقصر يلا طلعو خبراتكم
شكرا

بـ العكس!..

الحين قليل جداً

أشوف بـ الأعراس أحد حاط له المكياج الخليجي الثقيل .. الأوفر

طبعاً أكو ناس لا تزال تحطه هههههه

بس بات موضة قديمة جداً , جداً

أغلبية الماكيرات الحين

ستايلهمـ في المكياج

اللبناني النعومي .. الزاهي

أو الوسط ,

عندج :

- ينات ماك (معصومة , رجاء) :thumbs_up:

صالونهمـ يقع في / سند

,,,

روح المعآنـيـ?;15446855:
بنآت آبي بخور من النوع الزين ،، مجرب و آهم شي تثبت ريحته ~

عندج محل (العربية للعطور)

مسويين تخفيضات رمضانية 50%

عندهمـ عود معطر ملكي .. رووووووووووعـة

بـ 7.5 فقط

وايد حلوة ريحته

عندج بخور الرصاصي أيضاً يمدحونـه

:)

,,,

قيثارة الروح;15447248:
بنات صالون وصال يستخدمون بودر ة سمر كيك ؟؟

إي

:D

,,,

!!.. نسيم الليل ..!!;15447305:

عروسات مافي احد رد علي الا مكانك في عيوني

وكان سؤالي عن صفيه شويطر

عرفت ع الاسعار

الحين ابي اعرف منو عندها حق الشعر.؟

حد علمي ,

عندهمـ 2

وحدة سمها ( زكية ) والثانية ( فاطمة فكري )

بس ما أدري للحين موجودين معاهمـ ولا لا ؟!..

أنا قبل 3 سنوات

سويت تسريحة خطوبتي عند / فاطمة

بس ما أدري عن مستوى شغلها في الوقت الحالي

,,,

حالة فرح;15448020:
بنات أحد يعرف ماكييرات و بنات يسوون شعر بسعر مناسب و في البيت ؟ ساعات افكر أييب بنات حق أهلي .. يعني مو أقل من 4 نسوان و بناتهم .. بس أبي شيئ بسعر مناسب ويكون حلو و مرتب .. ما بين 15 - 20 ماكسمم .. أحصل هالشيئ في هالديرة ! :S

شغلة ثانية .. في وحدة تمكيج من جبلة حبشي أو من هالمنطقة وحواليها إسمها إبتسام .. سمعت يقولون تحط حلو .. أحد يعرفها ؟

في وايد خيه

منو قالج ما فيه :D

بس ما يروحون بيوت

إنتي تروحين لهمـ بيتهمـ

أغلبية إلي أعرفهمـ جذي عندهمـ صالونات خاصة في البيت

عندج :

وحدة سمها (حورية - أم أبرار ) من الهملة

تسوي شعر ومكياج

المكياج عندها من 3 - 15 فقطططط

وبو 10 كفاية

والشعر عندها بعد من 10 - 15 ,

وتسريحاتها شغل عدل

وعندها كوافيرة وياها سمها السيدة

شايفة شغلها على أهلي

شي روعـة ومرتب .. مو عادي :thumbs_up:

وعندج بعد ..

للمكياج

وحدة سمها (أم حوراء) من إسكان كرزكان

هذي كانت تمكيج العرايس في صالون / العفراء

توي بس من ليلتين شايفة شغلها

مكياج بو 5 وبو 10

روووووووعـة عن جد

هاي عيل بو 15 أو 20 شلون :hysterical:

وعندج أيضاً للشعر ..

وحدة سمها ( وردة - أم فراس ) من عالي

كانت تشتغل في صالون نجلاء مسبقاً

والحين بروحها في البيت

تسريحاتها كلمة روعة شويه عليهمـ من 10 - 20 دينار

وسمعت من قبل عن وايد للأمانة بس هذيلا إلي شفت شغلهمـ بعيوني

,,,

نوارة عشق;15438074:
انا ابي الملف



وبنااات ضرووري ضرووري ساعدوني

ابي اسوي حفله تخرجي من الجامعه وماتصلح فالبييت


في مطاعم بوفييه وعندهم صاله تصلح حق حفله برايفت يعني مسكرة علينا؟؟واكله حلو وسعره اوكي؟؟

او على الاقل صالة مثل الموئيد والشكر بس يرضون نشغل اغاني


بلييز لاتردوني

معازيمج وايد ؟!..

عندج مطعمـ (أبو علي) - جد علي

تاخذين بوفيه لـ 50 شخص

والصالة يعطونج إياها مجاناً

وعادي تحطين ديجي

أنا للأمانة بس سمعت عنها بس ما قط مرة رحتها أو شفتها

,,,

لبيه قلبك;15438991:
بناااات شورو عليي امس راحت رفيجتي بتحجز لي حق باتشي لوشي حق الشعر وقالت لها مافي جانس لان بس وحدة بتسوي الشعر والثانية اجازة

قولولي شسوي قالو لي عن الرجنسي وسميرة الشكر شرايكم اذا الرجينسي اروح حق من وسميرة الشكر شرايكم فيها ؟؟

وعن الحنة تنصحوني في من بس غير وهيبة وبثينة وام سجاد وام شهد ابي غيييرهم حنة عروس طبعا؟؟؟؟

سميرة ,

خالتي عروس خذتها قبل كم شهر

وللأمانة شغلها في منتهى الروعـة والأناقة

شغل مرتب ومضبوط وايد وايد وايد

أعتقد شغلها لعروس 80 - 100 دينار

يعتمد على الأكستنشن والحشوات والأكسسورات

روحي شوفي شغلها وتآكدي بـ نفسج

والحنايات ..

عندج حنايات وااااااااااااااااااااايد

تقدرين تشوفين صورهمـ في موضوع " موسوعة الحنة " - مثبت بالقسم

,,,

بحرينية*;15441326:
بنات اتحملوني اشوي ما لي غيركم..،
اسال عن عايشه البلوشي موجوده بأي صالون؟؟؟

مب في البحرين ,

أستقرت بلإمارات

وفي ماكيرات أفضل منها بوااااااااااااايد

,,,

s7aba;15442840:
بنات احس التجمع حده نايمم

ليش ؟

رمضان

:lol: