◄██▒❤▒█ يوميات عضوة لشهر رمضان المبارك █▒❤▒██►

الموضوع حلووو

رمضاان كريم ويارب ينعاد علينا اعواما عديده

بخبركن استعدادي.. مجهزين كل المقااضي قبل رمضااان ب اسبوعين (مو مصدقين خخخ)

رتبت دولابي وطقمت كل جلابيه مع (ليسو) اللي هو مثل الشيله (الجلال) اللي ما حصلت لها رحت السوق
واشتريت ... حطيت كل طقم مع بعض عشاان برمضاان اجدد والملابس تكون قباالي على طول ما اضيع وقت

خااطري ارتب جدول للطبخ عشاان ما نتم وقت واجد في المطبخ .. ونستغله اكثر في العبااده

ونصيحه يا بنااات.. خلوا عنكن المسلسلات ... الوقت اللي نقضيه ع المسلسل افضل لو نزور فيه رحم او نقرا قران او نعمل اي شي لاخرتنا...

خلوا رمضاان هذا مختلف

السلام عليكم

حلو الموضوع ما شاء الله

انا كنت منزلة كذا موضوع ينفع ينحط في منتدى ثاني.... قلت أعرضه اهني

و امتنى تعيبكم افكاري .... و احصل دعوة حلوة منكم

عاد ماوصيكم.....خلو الهمه عالية فرمضان... شدو حيلكم و نفذو

ياكثر مانقرا بس منو الي ينفذ

شخباركم بنات..

دايما القى عندي أوراق واايد فيها أذكار و أشياء حلوة.. ونا يالسة أشوفهم و أجلبهم فكرت
و قلت نحن وااايد انضيع وقتنا و نلتهي عن ذكر ربنا (ان شاء الله بنزل الاذكار فمواضيع ثانية)

بس اتخيلو وياي اليوم عبارة عن 24 ساعة

و الساعة 60 دقيقة

يعني كم انروم انجمع.. حتى و نحن يالسن بس جي و انفكر؟؟ او نطبخ؟؟ او فالسيارة؟؟ ان نتجلب عالفراش؟؟


ملاحظة شغله... ان دوووم لما نقرا مواضيع فيها اذكار نتشجع كمن يوم... و نرد نبرد عقب

المهم عندي لكم كمن طريقة حلوة.. اتساعدنا على ذكر ربنا دووم... و صدقوني مدة بسيطة و اتلاقون نفسكم اتعودتوا عليها

1- قبل ماتردين على الموضوع او تنتقلين لموضوع ثاني سوي كوبي و بيست حق أي أذكار محتاجنها و خليها على برنامج الوورد ... عقب عدلي الألوان و الأشكال و الخط و الحجم .... الخ

المهم بعد ماتنتهين من هالشغله ... اطبعي الورقة و حطيها في برواز حلو صغيرون و حطيها على التسريحة

صدقيني كل ماتشوفين نفسج فالمنظرة بتشوفين الادعيه و الاذكار و بتقرينهم..

أعرف وحدة مرتبه تسريحتها بطريقة حلوة و حاطة العطور و الاغراض فصوب و و حاطة براويز كيووت و داخلهم أذكار..


2- دشيت مرة غرفة وحدة و لقيتها معلقة عالجدار مقابل سريرها ورقة كبيرة و بخط كبير ( بحجم الوسيلة مال أيام المدارس حلوة و مرتبه و فيها أذكار الصباح و المساء و ما بعد الصلاة)

يعني كل ماتبي ترقد او اتقوم عينها اتطيح عالاذكار و تبدا بقرايتهم..


3- كيف اتعودين عيالج انهم يحفظون و يرددون الاذكار من صغرهم؟

يلسي وياهم عالكمبيوتر او هاتي لهم أوراق
دوريلهم على أذكار و ادعية او حتى خليهم هم يدورون لو يعرفون... خليهم يلونون الاوراق و يزينونهم و يحطون صور ورود , طبيعة, ديزاين اسلامي ... الخ
المهم يطبعون الورقة و يعلقونه المكان الي يحبونه (عند السرير, عالكبت, عالثلاجة)

صدقيني بيستانسون..

4- للي يروحون الدوامات او المدارس..
اطبعي اي ورقة أذكار و حطيها فسيارتج ... و انتي يالسة اتسخنين السيارة اقريهم

اذا راكبة مع ابوج او اخوج او اختج... استغلي الوقت و خلي الورقة وياج (بس انتبهي ماتدشين الحمام... لان فيهم اذكار)...


أتمنى اتكونون استفدتو و اي وحدة عندها طرق ثانية اتحطهم عشان اتعم الفايدة للجميع..

تراجي ام الزين كله;15429881:
مووضوووع حلووو وااااايد

تستاهلين عليه التقييم

بالنسبه لي اليوم نظفت غرفتي استعداد للشهر الفضيل شلت اللي ماحتاجه كامل:)

اختي وصلها ع البي بي جدول المسلسلات طبعا كتبناهم هههههه

ومن شوي خلصت اللفايف وجهزتهم عشان اليوم ماتعب

وبعد شوي ببتدي اقرى اول جزء والله يسر الامور ويجعلنه من خواتيمه بالشهر الفضيل

راجعه لكم بكره بالليل بعد ماينتهي يومي باذن الله تعالى

ومبارك عليكم الشهر

mss sara;15429905:
اول شعر نبارك عليكم الشهر وكل عام وانتم بصحه رسلامه طبعا احنا مستنين رمضان من شهرين وتحب هالشهر حمااااس بالنسبه لنا قبل اسبوع انا والوالده رحتا لبنده وقرشعنا المحل وابوي المسكين يحاسب خخخخخخخخخ وبهاليومين كل شوي من سبع صبع لحد ثنعش اليل وحوال وتلفون والبيبي والواتس اب وكل شي يوصوص تراحيب ورسايل عاد اتفقنا انا خواتي ان اول يوم الي هو باتسر نبدع بالطبخ اليوم الحمدالله من المغرب عند التلفيزون نشوف مكه وصلاة ومع الوالده والوالد سوالف خذتنا لحد مااذن العشا مير يومنه اذن نلبس عبينا ونروح للمسجد صلينا العشا وتراويح يالله من فضلك المهم بااسر ورانا كرف عازمين جيرانا عاد خبركم كلن يتغاير بطبخ والحمدالله هذا يووني :)

ملكة الغروب;15430164:
حلوو الموضوع

وننتظر الصور والاستعدادت

سوووسا;15430273:
مس احسسس عندكم وناسه
المهم موضوع حلو ومره حماسي

بك أملي;15430577:
الموضوع حلووو

رمضاان كريم ويارب ينعاد علينا اعواما عديده

بخبركن استعدادي.. مجهزين كل المقااضي قبل رمضااان ب اسبوعين (مو مصدقين خخخ)

رتبت دولابي وطقمت كل جلابيه مع (ليسو) اللي هو مثل الشيله (الجلال) اللي ما حصلت لها رحت السوق
واشتريت ... حطيت كل طقم مع بعض عشاان برمضاان اجدد والملابس تكون قباالي على طول ما اضيع وقت

خااطري ارتب جدول للطبخ عشاان ما نتم وقت واجد في المطبخ .. ونستغله اكثر في العبااده

ونصيحه يا بنااات.. خلوا عنكن المسلسلات ... الوقت اللي نقضيه ع المسلسل افضل لو نزور فيه رحم او نقرا قران او نعمل اي شي لاخرتنا...

خلوا رمضاان هذا مختلف

يحيكم ربي




بكلمك عني شو سويت اليوم طبعا صليت الفجر ... رجعت انام شوي وصحيت لدوام
غسلت اسناني بعسل وجهي بالكركم وسبحت وطلعت
طبعا دوامي ع ساعه 9 واكتشفت ان محد مداوم لووول يعني الاسبوع الجاي ببداء لان منتقلين لبناية جديده :adore:

طبعا زوجي عندي ورحنا نشوف مستشفى ونقيمة عشان ولادتي لووول
واحين بريح شوي وعقب بقوم اصلي وع طول ع المطبخ
ان شاء الله اصور لكم الاحداث ... ولي عودة بتقريري ...

حلو الموضوعلي عودة بيومياتي انشاء الله ...

شهر مبارك علينا وعليكم والله يجعله مليئ بالطاعات والخيرات ويبعدنا عن المعاصي والأثام ...ياااارب العالمين

حلو الموضوع ولي عودة بيومياتي المصورة ان شاء الله ...

روحي تحبك بإنتظار التقرير ...

:)

اعذروني لتقصير
ولذلك لوفاة جدي ربي يرحمة ويغمد روحة الجنة

يعطيك العافية غرام
عيشتينا بالجو....



يومياتي :::
سوري ما نزلت الصور

المهم البارحة طبعا كنت راجعة من البلد هي مسافة بين مسقط وبين البلد تقريبا مدة ساعة
اول ما وصلت بخرت البيت وملابسي وغسلت شعري وتشورت ع السريع ونشفت شعري شوووي وع ساعه 2ونص
وقعدنا وتسحرنا ولساعه 3 واحنا عند بابا وامي متجمعين ...
وانتظرنا لحد ما يأذن .. شقي طبعا هي ملحق من بيت الوالد فـ انا وزوجي رجعنا لشقة ننتظر لحد ما اذن قرانا قران
واذن وصليت .. ودشيت شوي النت
وتفاجاة ان الردود شوي في موضوعي ...
الموهيم رقدت وصحيت ساعة 2 وسبحت وع طول ع مطبخ ماماتي ساعدتهم جهزنا الفطور ..
ورجعت مرة وسبحت وغسلت شعري وحطيت لوشن لجين طبعا بالعود وحطيت مسك ولبست لبسة باردة تبرد ع قلبي
وقرب موعد الاذان ...
واذن وفطرنا
فطورنا كان :
سمبوسة بالدجاج
سبرنج رول
لقيمات
كفتة بطاطس
امممم نسيت شو بعد

عقب صليت وجلسنا شوي مع بعض ... وشربت لي فنجان قهوة
وع طول ع السوق اخذت لي كم شئ ... ورجعت وسشورت شعري وعطرته وبخرته
وبخرت البيت
واحين قاعدة اكتب التقرير .. واشوف التلفزيون بو كريم ..
وانتظر زوجي .. وعقب بسير بيت باباتي



لي عودة

نايممممممممممممممممممممممممممين

حياتو أنا;15443273:

لا صاحييين حبوبه

يومياتي امس
صحيت الساعه 11
وصحيت بنوتي واكلتها بسكويت وشاي
وبعدين رحت اصلي وقريت قرأن وأذكار الحمد لله
وبعدين غديت بنوتي العسل
ورديت أنام لحد الساعه 4.30 العصر
وصليت ودخلت المطبخ وعملت ايسكريم الاوريو
وكان لذيذ بشهادة زوجي
وجهزنا الفطور وفطرنا وصلينا
وقمت انظف خزانة ملابسي
ورميت اللي ما أبيهم ورتبت اللي ابيهم
وحطيت مسك مكعبات بين قمصان النوم
وبعدين شفت تلفزيون
وبعديت تعشيت ونمت
وخلاص

مشاعر مجهولة;15443741:

مرحبا

تقبل الله صيامكم

راح اشارك معاكم اليوم
واكتب لكم يومياتي لأمس

طبعا صحيت من النوم عالساعه 12 الظهر
والحمدالله صليت وقريت الاذكار
وبعده دخلت المطبخ
وسويت المهلبية الشامية وسويت بسبوسة بالفستق

وبعد ما خلصت قريت قرأن
وبعدين قعدت عالنت شوي وبعدها طالعت مسلسل
وخلاص جا وقت الفطور
صلينا وتفطرنا
فطورنا كان سلطة، فتة دجاج، كباب، باستا
عصير وبطيخ اصفر
وبعد الفطور شربنا الشاي والقهوة وكلينا سويت
بعد الفطور نمت لي ربع ثلث ساعه
وبعدها خذيت شور وجهزت نفسي
وطلعت مع اختي السيتي سنتر
رجعنا وخذيت شور مرة ثانية غسلت شعري وسشورته
وقعدت عالنت شويه
وتابعت مسلسل وتسحرنا
وانتظرت وقت الاذان
صليت ونمت وخلاص
الله يتقبل منا ومنكم

يعطيكم العافية تم تقيمكم

لي عودة مع يومياتي ... وكلها تعب :'(

في انتظاركم ايوا كذا ابغي حمااااااااااااااااااس

قيموني اهئ اهئ

يومي الرمضاني :::

اممم بقولكم عن يومي صحيت ع س 11 وتميت ع السرير
ما عارفة شو اسوي متكسله حدي :019: يا حلات النوم..
عقب ضربني نشاط

قمت وع طول ع الباث روم فرشت اسناني القميلات :028:



طبعا الفرشاة البنكية لي والزرقة حق ريلي فديته ...
حمامنا الله يكرمكم وردي ع بني الثيم بتاعة اعطيكم نبذة تعيشوا الجو لووول

ورتبت شوي البيت وفراشي قبل لا يرجع زوجي من مشاويرة :068:
وقلت بتصل فية شوي نتغازل :053:

عقب طلعت دفتري السحري اللى فية كل الطبخات



وخترت طبخة بس اعذروني ما صورتها ...

دجاج بالمايونيز ...
صليت الساعه 2ونص وع طول ع المطبخ .. جهزت طبختي
وع ساعة 4 تقريبا خلصت
وركض ع الشور انضف نفسي من ريحة الطبخ :054:



وهذة عدة الشاور ...



كريم كاب لزوم السنفرة
وماسك الشعر بالكاكاووو ريحتة وااااااااااااااااااو :adore:



بلسم وشامبو لشعر المصبوغ وريحتة رووووعة بعد



والمقشر وماسك احطه ف جسمي وزيت الزيتون للمنطقة الحساسة وكمان
بعد الشور حطيت لاظافري ..



اغمسها كذا ع الاظافر وفعلا اظافري تغيرت بسبب زيت الزيتون

وطلعت من مملكتي التجميلية ...

وجهزت البخور ابخر البيت ومعطر الجو استخدمه للمفارش والكراسي رووووعة ...




معطر من الحرمين
والولعه والمبخرة من انفاسك دخون



ولبست هالجلابية

وتعطرت بعطر هوادة من سيد جنيد



وعقب حطيت كحل ع الخفيف من ماك وبودرة كلينك ورطبت شفايفي




وع طول رحت بيت اهلي واذن المؤذن وتفطرنا
وقمت اصلي وقرات قران

وجلست عند الاهل لحد صلاة العشاء ... وعقب رجعت لشقتي ...
ودخلت ع المنتدى وجهزت تقريري :082:

فتحت الموضوع وزبطنا الموضوع
















وحين قاعدة شوي اشوف ام بي سي درامة بنات سكر
بصراحة للحين ما تابعة مسلسل وانا من النوع اللى ما اشوف تي في وايد

وبروح ارقد بكرة وراي مستشفى من الصبح :clock::worn_out: