بيت الايمان.. بيـــ السادس عشر ـــتنا.. لشهر رمضان المبارك..

دايم اسمع بعجنة العشر دقايق..

ولا عمري فكرت اسويها.. اصلا انا والفطائر مش اصحاب..

لأني ما احب انتظرها تخمر.. يطفي نشاطي وهي توها..

فقلت اجرب ام عشر دقايق..

واثناء بحثي ودراستي لها.. لقيت هالدورة..مرررة حلوة..

قلت اسدحها لكم..

http://forum.hawaaworld.com/showthread.php?t=2825697

بس مشكلة هالعجينة كميتها الكبيييييييييرة.. انا مرةٍ ملول واطفش بسرعة..

عاد لقيت تو وحدةحاطة مقاديرها بكوبين طحين فقط..بدل الخمس<<فرق

قلت اجرب والله يوفقني وتظبط..


طبعا ماراح اسويها الا الساعة ست.. الحين الساعة وحدة..

اليوم الشمس طلعت اخيرا.. قلت فرصة اغسل سجادتي وجلالي..

لي اسبوع وانا ابي اغسلهن..بس اخاف ما تنشف السجادة بسرعة..

ولا اقدر انشرها برا لأن الاجواء ممطرة..

شغلت الغسالة وهي فاظية وحطيت ديتول..

وتوني حاطه سجادتي وجلالي.. واذا طلعتهن ببخرهن بالعود ان شاء الله..

و تو فركت باتجاه واحد (يعني كنست) موكيت الكونسيرفتي والمقلط..

كله ثيل مقطع الله يصلحهن..عقب امس يوم يلعبون مع لورن..

بقوم ارتب طاولة الطعام استعداد للدراسة..واغير بجامتي..

وقطو..

السلام عليكم ،،،

جاني اتصال من جيراننا وماصدقت دخلت / فتنه هالنت

امل / الله يعطيك العافيه ماقصرتي وخلاص اصلا انا ماسويت جريمه عشان كل هالزعل

وبعدين اليوم عرفت وش اللي وهقني ، انا محمله برنامجين اذاعة القران والقطامي

ومن قبل امس وهي تدهر الاذاعه مشغلتها في جوالي

والباقه مابعد حدثت لي ، وصار الرادو ع النت

وهو اللي ضرب بالفاتوره ، / وعلى قولتك خلاص شي صار وانتهينا

،،،،،،،،،،،،

اليوم فطوري جبنيه وبسبوسه ، وصينيه كرات البطاطس ، وورق عنب وشوربه شوفان

وعصير فراوله وقمر الدين ،

مساكم ورد
اليوم قمت ومالي خلق ابشركم صمت اخيرا

عملت ايسكريم التوفي بس صار سايل شوي

ولقيمات تهببببببل اسمها لقيمات حروفي انصحكم فيها تقرمش من برا ومن جوا فاضيه وليييييييينه
ولا تشرب زيت ابد ابد زوجب انهبل عليها وخلصنا الصحن كله


وطلعت كيس سمبوسه دجاج وحمرتها على صاجه بزيت زيتون وفرشت الصحن بقدونس وحلقات ليمون

وسمبوسه الحاشي مفرزه كثير منها بس سمبوسه الحاشي بعجينه البف

وعشان عيالي سويت سموبسه بيض
وبيتزا
وسلطه الجزر والملفوف ماحد لمسها الا انا خخخخخخخخ
مع العصاير والمويه
والتمر والقشطه
الله يديمها من نعمه ويحفضها من الزوال
وارسلت لجراننا من اطباقي

الحين عيالي طلعوا للمسجد مع ابوهم والصغير يتابع براعم ادماااان عليها ياحبي له

مساء الخير..

عجنت العجينة وسويت مني بيزا وخلية نحل<< اول مرة بحيااااااتي اسوي خلية نحل..

والباقي من العجين سويت فطاير بحشوة السمبوسة..

والطعم الله اعلم عنه ما بعد افطرنا.. بقى ربع ساعة..

اول مرة اسوي عجينة وما أعصب خخخخخخ

وشكلي بسويها بكرة افتكيت من الزيت والقلي..

بالعادة الحين اكون مرتزة عالفرن.. لكن الحين شغلي كله جاهز..بس ننتظر الوقت يدخل..

سلامي للجميع..

جداويا يا ابويا;15440636:

صباح الخير

خوخه
حطي حد ائتماني ينقطع جوالك و لا تدفعي فواتير كذا




البقيه تقبل الله منكم جميعا

مساء الخير ،،،

جداويا ،

انتظر سوالفك ، لاتطولين ،

وحطيت حد &#1635;&#1632;&#1632; ريال ،

هموس اشوفك تحت ، اخبارك ،،

،،،،،،،،،،،،،

مضغووووووطه اليوم مررره ، بعد صلاة

التراويح بنروح لملكة خوات زوجي / الله يهديهم استعجلوا ، لو خلوها ايام العيد احسن

بس اشوى كانت في ديرتهم بس خلوها في استراحه في حدود الرياض خفت علينا المسافه

وبآخذ معي صينية حلى جاهز ونوع سلطه ، امس كلمت ام زوجي وسالتها وش يبون ،

اليوم فطوري بواقي من امس ، بسبوسه وصينية كرات البطاطس ، ورز ولحم عقب السحور ،

بصلح العصير بس ،،،

خلود انا حدي 300 ريال

سلااااام..

امس غسلت سجادتي وجلالي وبخرتهم ونشرتهم برا..فرحانه بالشمس..

شوي الا امطرت!!!!!

دخلتهن و رتبت المقلط وجت التيتشر.. وما طولت..مدري وش جاها تعبت فجأة!!

و اعتذرت وطلعت ثلاث..بالعادة تطلع خمس..

سخنت لبناتي مكرونة.. وقريت قران..

ثم عجنت وخبزت وكنت مبسوطه من النتيجة..

زي ما قلت لكم قبل..انا والفطاير مش اصحاب ابدا ابدا..

ودايم اذا عجنت اعصب واتحسف اني عجنت واقول توبة.. واقعد عقبها سنة ما عدت المحاولة<<من جد ترا ما ابالغ..

لكن من اليوم ان شاء الله راح يتغير الوضع..

شوفو ماي ميني بيزا.. وحطو في بالكم اني مو متعوده عالعجن..

يعني بركه مني اللي تشوفونه..ماشاء الله علي..



وهذي الخلية صبيت على نصها عسل..ونص خليتها بدون..

تمنيت عندي سمسم والا حبة سودا ازين وجهها فيه..



والباقي من العجين سويت فيه فطيرة بحشوة السمبوسة وخمرت وانتفخت وهي تنتظر دورها للفرن..

وهذي صورة جماعية تبينها وتبين سنبوسة الفرن..



وطول الليل احس اني خفيفة.. مو حايمة كبدي زي الايام اللي قبل..

وبالليل سحورنا لحم بالخضار مع الباقي من البيزا.. وانا داااااايخة..

يا دوب رصيت المواعين بالغسالة وشغلتها.. صليت ونمممممممت ما اشوف الدرب<<كنت قايمة عشر

واليوم.. قمت من حدعش..

ولا بعد سويت اي شي.. وما عندي مُدرسة اليوم..

يعني فري تاااايم..شكلي بغسل ملابس بناتي..

وبسوي مع بناتي كب كية توم & جيري << خليط جاهز

قطو..

مساء الخير

اخباركم ليش الملف نايم :hysterical:
امس فكينا الشاش حق تطهير فارس:confused:
ولازم 7 ايام احط مطهر وكريم 3 مرات
وصلحت غسالتى وماعندى جديد

روز يعطيكي العافيه شكلها يشهي

روز ،،

تسلم هاليدين ، شكلها لزيزه ، انا كنت مثلك داااااجه في

الفطاير ، بس الحمد لله تسنعت من سنتين .

جوجو .

الله يعينا وياك ع الطاعه ، انا ادخل ملفنا بس

واحيانا مطبخ حواء ، اجاهد عمري مجاهد .

،،،،،،،،،،،،.،،،،

مساكم رضا وعباده ..
:)

الاربعاء

سويت لقيمات بالجبن روووووعه واعجبت زوجي وتورتيلا وسبرنق

ونزلت عند خالتي تحت بعد التراويح لين الساعه2 ورقيت انا والشله

الخميس

جاء لزوجي كم رجال

وسويت لقيمات الجبن وتورتيلا وسبرنق رول

ونزلت افطرت مع خالتي وبناتهاا

ورقيت صليت وشطبت المطبخ وتجهزت ورحت لهلي وسهرت عندهم للفجر

الجمعه

سويت لقيمات وقوارب الجبنه البيضاء ((لمدري مدري )) رووعه وضبطت من اول مره وحلوه بالتقديم بس نسيت اصورهاا :(

وقليت سمبوسا منوعه بـ خلطة اللبن + دقيق وطلعة مقرمشه ولذيذه

ورحت افطرت عند اهلي وجلست عندهم لين 3

ونمناا بعد صلاة الفجر
...

اليوم

قمت الساعه 2 طلعت صدور دجاج ابسوي تورتيلا لزوجي ادمنهااا

وفيه باقي من عجينة اللقيمات حقت امس

ونقعت الفرن بمنظف الافران مووبي وجيتكم

وفيه شوية مواعين ابقوم اغسلهاا

ووبس

دفا لقيمات الجبن كيف تسوونها
صديق زوجي قال له عنها ومسكها لي سويها :)

امل

اعجني ( قشطه + بيضه + فنجال سكر + ذرة ملح + كاس مويه وملعقة خميرة فوريه + كاسين دقيق بس انا ازيد علشان ماتصير العجينه سايله ويسهل حشوهاا بالجبن )) اخليها زينه لاهي قاسيه ولا سايله مثل اللقيمات العاديه اللي تلقم بالملعقه

اخليهاا تخمر سسسساعه

بعدها احمي الزيت ودامه يحتمي اجيب العجينه والجبن انا استخدم كيري او ممكن تستخدمين مثلثات

وابد اكور العجينه كور صغيره واحطها على جهه بصحن كبير وابدا اخذ كوره كوره واحشيها جبن وارجع اكورها واحط بالجهه الثانيه من الصحه اذا سويت كميه احطها بالزيت واقلبها بالزيت لين تنضج ويصير لونها واحد مايصير لها لون من جهه والجهه الثانيه فاتحه لا اخليها تكون كلها بني

واحط دفعه ثانيه وهكذا لين اخلص

واسقيها شيره او عسل وارش عليها جوز هند مبشور وامممممم واتمتعوو بالطعم .. < تسمع بالدعايات خخخ

وميزتها انها مقرمشه من برا ومن جوا ناضجه وجبن محليهاا اكثر

واي سؤال انا حاظره

يومياتي

بعد ماصليت العصر قريت قران اشوي

ودخلت المطبخ مسحت الفرن وفركته لين صار يلق ويفتح النفس

وغسلت مواعيني

وبديت بحشوة التورتيلا وصلحت قهوه

وحشيت التورتيلا وقسمتها لنا ولاهل زوجي ارسلت صحن لاهل زوجي مع ريان ( الله يصلحه مادخله عندهم حطه عند الباب وزوجي لقاه يوم راح يصلي المغرب انقهرت منه )

والباقي حطيته بالمكرويف لنا

جهزت السفره ( قهوه وقشطه وتمر نوعين وتورتيلا وزبادي وموية وفيمتوو ) ووبس الله يديمها من نعمه

قلت اليوم راحه من كثرة الاصناااااااااف

وباقي عجينة اللقيمات ابكبهاا مالي خلق القمها مليت من القلي استغفر الله

انكتم واتعب وعلشان ما نمل منهااا

افطرنا وشلت السفره

وصليت وجاء زوجي بعد الصلاة حطيت شاهي احمر وقهوه وكليجا

وووبس

بنات..

امس نسيت احط صحن الفطاير بالثلاجة..

امسى بالفرن!!! وش رايكم..خربت والا تنوكل؟!!!

مع العلم ان درجة الحرارة 24.. والحشوة جبن تشيدر مع جزر..وبيزا..يعني مافيها لحوم..

انا ناوية احطها عالفطور..بس قلت اسألكم اذا عندكم تجربة مسبقة..

وكلتوها وحلتكم بطونكم..خخخخ

روز
عادي يا قلبي ما تخرب و عشان تتأكدي شمي ريحتها
فيها حموضه؟ اذا فيها لا تاكلوها و اذا مافي بالعافيه عليكم