حطتني بموقف لا احسد عليه الله يهديها ابي مشورتكم يالغاليات

السلام عليكم ..

بدخل بالموضوع على طول يالغاليات

قبل يومين رحت لعزيمه وكنت كارهه الروحه وتعبانه وما احب الجمعات والعزايم لكن اصر علي زوجي اني اروح ورحت عشانه وانا مزكمة وعلي حرارة وكنت منعفسة مرة وانا جالسه بين الحريم قالت وحده كبيرة بالسن الله يهديها عسى منتي حامل انا ارتبكت من الصدمة وش دخلها حامل ولا لا لاهي اللي تربي ولا اللي تصرف ولا اللي تتحمل التعب انا رديت لا وقدام الحريم والمجلس مليان تعطيني محاظرة انظم حملي وخطأ اجيبهم ورا بعض واتعب جسمي وانتي ولاداتك كلهن عملية ووو فتحت لي محاظرة طول بعرض اخخخ يالقهر انا ذيك اللحظه مدري وش جاني من الصدمة اهز راسي وسااااكته وما استوعبت الا بعد ما مرت السالفه وتندمت ليت اني راده عليها برد محترم يسكتها بذوق عشان ماعاد تتدخل بخصوصيات غيرها كبدي مشتبه الى الان منها ومن السالفه وضغطي مرتفع والسبب هي

لو انكم مكاني وش راح تسوون من جيت من العزيمة وانا اقرا الاوراد على بناتي خفت منها
ووش الاسلوب اللي اتبعه اذا قابلتها مرة ثانية لانها قريبه لنا ولازم اشوفها في كل اجتماع لاني مابي ابين ان الموضوع عادي بحط لها حد ماتتعداه مابيها تمون وتاخذ راحتها معي وانا اللي اكلها

انا عندي التوم ريمان وريفان( 3س 5ش) وجبت بعدهن جوان ( 1س 9ش ) يوم جبتها كان عمر التوم سنه و8 اشهر الله يحفظهن يارب