&&التجمع الثالث لحـــــوامل يناير 2012

هلا بريشان

اني اتصلت احجز موعد عندها عطوني بكرة الساعة 8.30 الليل

قلبوو

تصدقين من قلتين انج كملتين معظم الأغراض اقول شفيها قلبوو اخذتهم كلهم من محل واحد، بس مدام اخذتينهم خلاص وحتى لو نزلوا بضاعة جديدة ما راح ينزلون شي مختلف

بالنسبة للطلب من مواقع اني تغاضيت عن هالفكرة، لأن كنت بطلب من موقع مذركير وقعدت اشوف الاشياء اللي بطلبها ويوم الجمعة كنت رايحة محلهم في سيتي سنتر علشان اشوف السايزات قبل لا اطلب الا الصدمة انه معظم الاشياء كانوا منزلينها وكان شكلها غير في النت تغري الواحد بس على الطبيعة كلش مو حليوين وفوق هذا متان واجد ، فقال لي زوجي بس لا تطلبين اي شي واشتري كل من المحلات اللي بالبحرين حتى لو غالي

قلبووووو;15511294:
اهو افضل صابون هؤا الكارتونه الورديه الي عليها بيبي صبي عليه كبوس
بس اسمه مادري نسيت هههه
وعن سالفه الكندي حتى وحده من الفريج سووها عمليه وكان فيها توم وتعبت وتورطوا ونقلوها السلمانيه
اهو الكندي حق متابعه زين بس ولاده مانصح لان مو متأهل ولا عنده كل الاجهزه وتوه مفتوح من 3 سنين
وخاصه احنا بجر ماعندنا خبره يبيلنا ناس عندهم خبره ويصبرون علينا مو سيده يشقونا

انه لحين ماخلصت ثياب العيد ابي نعال وشنطه ناقصيني
منو جافت نعال وشنطه لونهم فيروزي ( ماعرف الالوان سامحوني اهو لون الاخضر المايل على الازرق مادري شلون صاير شسمونه)

بيرشيان عادة الام تميل للولد اكثر من البنت عشان جذي
احين لي رحتي تتشرين بصير خاطرج في البنت اكثر لان الاشياء الي للبنت متوفره اكثر حتى اخوي يقول يابختش
تعب اهو وزوجته يقول مافي شي متوفر عدل للصبيان كثر البنات يفرون الراس من حلاوتهم ههه
حتى تقول حقي مرت اخوي انتي تبين صبي وانه ابي بنت خل نتبادل قلت لها لا يمه ضناي ماقدر ههههه
والحلو ان انه واختي واخوي كلنا بجرنا ببنات ههه

وعن روحي انه بعد احاتيها مادري شفيها قطت هالكلمه خرعتنا
صرت احس فيكم وايد من الي صادني ووقفوا قلبي الله لايراويكم


جني هذرت وايد يلا ردوا على كل كلامي ههههه كل فقره ههه

انه يوم رحت وراوتني حجم بنتي على الرسم البياني قالت لي ان حجمها صغير
انه بصراحه شريت 7 قطع نيو بورن
وبشتري 6 قطع من 0-3
طبعا هذي اللباس الخارجي
الداخلي الي يكون حفره للنيوبورن بشتري 6 طبعا الاطقم موجوده فيها لباس داخلي فبكون ازيد من 6 كفايه
ومن 0-3 اشتريت 7 داخلي وبعد لي شريت بكون بعضهم اطقم وبزيدون

انه من 3-6 قلت مابشتري الا عقب
لان بكون عمر بنتي 3 اشهر او 4 اشهر بقدر اطلع فيها وبشتري مابي اجمع ثياب واكيد عقب بتنزل مودلات احلى
هذا رايي خيه وانتي جوفي اذا يناسبج

بريشان

السايزات اخذي كم قطعة نيو بورن لا تكثرين والباقي كله من 0 -3 لأن من 3- 6 كبير ، هو بعد يعتمد على الشركات يعني مال سنتر بوينت النيوبورن صغار بينما مال مذركير الاصلي يكونون كبار

ماء الكافور
ماخذت كل شي
اخذت ثياب النيوبورن مع اللباس التحتي ولحافين وباقي لحاف كشخه واخذت المرضعه مالت الدوا والمصاصه الي يحطون فيها الاكل حق الياهل الي مافيه اسنان
وقبعات ومريلات وقفازين
واخذت دواليغ جم واحد وجوتي مال ضحك الي يكون فوق دب طالعه مدري حشره شي جذي ههه
وجفت مال قياس الحراره اهو ثرمومتر وومعاه مصاصه اهي ثرمومتر بعد حق اليهال عجبتني بس ماخذتها قلت عقب باخذها
واخذت البانيو
ومالت مراضع 2
واخذت حقي صداري 2 دام مخفضين مال رضاعه
فيعني مو كل شي خذته باقي علي وايد ههه من 0-3 ماخذت
وبدلات طلعه وجواتيها ماخذت لحين
ازمتيني ههه مع اني ماخذت كل الاراض ام الهواشم الي خلصت الاغراض ههه
كارترز ماجفت اشياء حلوه في الستي
ونيوبورن في القماط محد يجوف ثيابه ههههه


بيرشيان شلون الصداري على منظره مافهمت ههههه
عشان لي رحت السعوديه اعرفهم

تأزمت بيرشيان بصيييييح
لاتخلوني اتهور اروح اقطهم واشتري غيرهم هههه

في ناس بيفطرون الثلاثه وناس بيفطرون الاربعه
البحرين باجر بيجتمعون عشان متى العيد
وفي امل ناس الخميس ههههه

انه بعد فطوري في بيت عمي
مسوين برياني لحم
انه ما اكله
زوجي راح يشتري لي جيلو كباب وتبوله من الابراج هههه
تفضلوا وياي

ماشاء الله 5 بنات
3 مختفين
اعترفوا من انتوا؟؟؟
اظهروا وبان الامان عليكم؟؟؟

ان شاء الله ماعليج شر حبابه
ببركه هالشهر الفضيل
وان شاء الله الفحوصات تطلع كلها سليمه
وياكثر مايشكون فينا اشياء هه
عيل انه فيني مرض قطاوه ههههه
ادعي ربج هالايام اخر اليالي وماعليج شر لاتفكرين وايد قومي رقدي او نطري اكلي شي وفطري
وماعليج الا العافيه
وتيين تبشرينا مافيج الا كل خير ونصافق فيج على الي سويتيه فينا

الله يخلي لج هالبصله الحلوه ولابصير فيه الا العافيه

روحي وروحك

الحمدلله انه البيبي ما فيه شي، وان شاء الله انتي بعد تطلع فحوصاتج زينة

بس شلون يعني عندج مشكلة بالقلب؟ انتي ما تحسين بشي؟

ماء الكافور شنو فطوركم؟؟
انتي قريبه مني عشان اييج اتفطر وياج

حياج الله قلبوو

فطوري اليوم مكعرونة بالباشميل وتبولة وسمج صافي مقلي وسيدة الأطباق الرمضانية الصالونة

والسويت كنافة ولقيمات

بما اني ما اكل سمج في رمضان
باكل معكرونه شوي وصالونه
بس اذا صالونكم فيها خضره وايد مابي لان انه من النوع المعوبل على قوله امي ما اكل اي شي ههههه
معكرونه وتبوله وكنافه
يلا مسافه الطريق
مافي شي عندكم؟؟
الطريق سالك؟؟

بصراحه اسوي لها وحشه بالمنتدى
الله يواليهم العافيه وان شاء الله اخر الاحزان


يلا تحركوا خلصوا التجمع نبي للعيد تجمع يديد باقي 6 صفحات
انه تعبت وانه اكتب ههههه