&&التجمع الثالث لحـــــوامل يناير 2012

.. الجوهره ..;15488993:

بنات انا صراحه سلال اليهالو الي يسوونها المحلات ماتعجبني

احس فيها تفااااااصيل واجد ..

انا عادتي احب الشي الناااعم ..

و كل الصور الي شفتها السله من فوق لتحت طبقاات

ين القى سلة نعومية مافيها هالخرابيط ؟؟

عجبني سرير رويال بيبي دشي الموقع مالهم يمكن يعجبش
www.royalbaby.com.bh
وبعد العيد بينزلون اشياء جديدة

بيرشيان حبيبتي مبروووووووووووووك عليج البنوتة وعقبال ماتشوفيها بحضنج

روحي وروحكـ;15488834:

عسى المانع خير يارب

كلهـ ولا زعل قلبو

بيرشيان لو اتصلتي قبلي سئليها أي صوب بيتها أو محلها ومتى تكون متواجدة خلال شهر رمضان لني لازمـ أحجز قبل ماسافر

أنا شربت قلاص حليب الحين وأمي دهنت لي ايدي بفكس ولفتها وللحين الألمـ ذابحني مادري شسوي

بنات روحوا الملائكة الصغااااار عندها اشيااء حلوة ... وبعد اي فكرة تودونها تسويها وعن تجربة قالوا لي ان اسفنجاتها افضل من النجم الجميل... رحت محل النجم الجميل.. بصراحة المحل ما عجبني فيه شي والاشياء قديمة واااجد... بس ما ادري يمكن في بيتهم غير ...

.. الجوهره ..;15488874:

انا زوجي يبي يسمي سيد صادق ..

لانه يسمونه ابو صادق ..

و انا ابي سيد سجاد ..

شرايكم ؟؟

اثنينهم حلوين بس سيد صادق واااجد حلو

الا أسوي وينها .... ما تنشاف مو عوايدها

ماء الكافور;15487964:
وردة أمل

هلا فيج ، الشر ما يجيش حبيبتي

بريشان

وأخيرا تطمنتي على البيبيي وارتحتي؟:lol: الحمدلله انج تطمنتي ومبروك عليج البنت

بنات بقولكم فليمي اليوم

واني آكل قيمات مع امي الا مرة وحدة ما اسمع الا طخ :-o ويش صار ؟ الا ضرسي المصون منكسر واي ضرس ؟ العليل ، آم ما اطولك يا ليل مع هالضرس :(:(

عاد ركضت للتلفون اتصل لزوجي وزوجي اتصل للدكتور الا يقول جيبها الحين ولا تخليها لأن الضرس مكشوف واحتمال يلتهب

عاد شلت بالضعن ورحنا العيادة وبعد ما خلصنا الا اقول لزوجي شرايك توديني محل رويال بيبي :lol::lol:؟ وزوجي صار جذي :cool:

بس مسكين وافق ووداني ، وقمنا نلف وندور وندور هالمحل وين يصير >>> وحدة غشيمة بالرفاع واسواقها ، وبعد لف ودوران حصلنا المحل المصون

دخلت المحل واول صدمة كانت ان المحل صغير عكس ما مبين في الصور انه كبير، وقعدت اشوف بضاعتهم واشيل واحط فيها وبعدها سألت العامل اللي هناك عن الكاتلوج الا يقول لي ما في كاتلوج :-o وهذي صدمة ثانية ، شلون ما في كاتلوج عجل شلون اختار؟ الا يقول اختاري من المعروض هذا كل شي عندنا

طبعا سألته عدة أسئلة نشفت ريقه :lol: ، سألته عن اسفنجة المفرش اذا كانت هذي المستخدمة او بس للعرض الا يقول لي لا هذي المستخدمة وصراحة ما عجبتني كلش خفيفة ولينة ما تصلح لظهر الجاهل ، عاد اني قلت ليه يصير بس تسوي لي الكفر بدون الاسفنجة قال لي اي عادي وسعر الكفر 40 دينار

وسألته عن الاسعار الا يقول لي المفرش لحاله بدون اي شي ب 45 دينار والشنطة بروحها ب 40 دينار :$: يعني يطلع عليج ب 85 دينار >> ليش مطرز من خيوط الذهب مثلا

انزين سألته عن الديزاينات قال لي اذا بتاخذين ديزان من عندنا نسوي لج حتى لو شي واحد لكن اذا بتجيبين ديزاين جديد لازم الأورد يوصل سعره 150 دينار وهو طالع >> احكام قرقاوش

والسؤال الثالث سألته كم ياخذ الطلب لين يجهز قال لي شهر تقريبا بس اذا مستعجلة عليه عادي نجهز لج في اسبوعين

اي وسألته عن القماش اللي يستخدمونه في المفارش قال ما يستخدمون الا القماش الا عندهم وما عجبني كلش كأنه حرام مال الحج وبس لونين عندهم البيج والأبيض على قولته انه التطريز يطلع احلى مع هالألوان

آخر شي سألته عن القبعات والأفرولات اللي يطرزون عليها اسم البيبي الا يقول لازم من عندهم ما يصير نجيب من عندنا وما عجبوني

الزبدة ان فكرتهم قايمة على انج تختارين اي شخصية كارتونية وتختارين اللون تبغينه وهم يطرزون لج على قماش ابيض او بيج ، يعني عادي اقدر اشتري لي قماش ابيض واوديه لخياط شاطر في التطريز وبيسويه لي بسعر معقول

الصراحة ما عجبني المحل لأن اسعاره مبالغ فيها على شي بسيط وافكار مكررة وحطيت عليه اكس،

هذا تقريري عن هالمحل وانتوا بعد روحوا وشوفوا يمكن يعجبكم تظل الناس اذواق

بينزلون اشياء جديدة بعد العيد .... وشفت محلات مسوين نفس الطريقة بس مو بحلاوته ... اني عجبني بصراحة و اللي حوالي قاعدين يقنعوني ان ما اسوي لأن غالي... بس بصراحة عجبني لأن أحب الأشياء الناعمة... وقلت باخذ الفراش والقبعة والقفازات والمشبوكة والسرير... أنا معاج أن السعر مبالغ فيه

سلام عليكم بنات شخباركم ان شاالله تمام، بنات باركوا لي امس كان عندي موعد و يا دكتورتي وطلع جنس البيبي بنووووووووووووووووووته حبيبتي كل كانت تتنطط ههههههههه، عقبال البقية تعرفون جنس البيبي وسيده حطينا لها اسم على ذوقي هههههههه...... واااااااااااااااااااااااااااااااااايد مستانسه.....

هلا بنات شخباركم

بريشان اي هذا رقم ام منذر :lol: مو تغلطين وتتصلين وتكلمينها على انها ام محمد;)

ام الهواشم

انا لما رحت محل رويال ما كان همي الاسعار لأن ادري انه محل غالي، بس لما شفت المتريال مالهم انصدمت يعني سعرهم كله في التطريز بس ، الاقمشة المستخدمة جيب وما تصلح للجهال لأن خبرش الجاهل مع الترجيع لازم كل غسال والاسفنجة بعد كلش لينة تقولين قطن مو اسفنج

وثاني شي ما عندهم افكار واجد فكرتهم بس وحدة انج تختارين اي ديزاين واللون واي عبارة ويطبقونها ، يعني معقولة ادفع 45 دينار على شوية تطريز وكلها كم شهر يعني مو على طول استخدامه

اللي ابغي اوصله لج انه ما يهمني الشكل كثر ما يهمني جودة الشي ، وثاني شي شرطهم اذا بتجيبين ديزاين من عندج لازم طلبج 150 فما فوق انزين واذا ابغي بس مفرش؟

وربعج اللي نصحوج لا تاخذين غالي يبغون مصلحتج لأن التجهيز يكلف والجاهل يحتاج لأشياء واجد ، بس القرار الأخير يرجع لج وانتي حرة والناس اذواق:)

بالنسبة لأم محمد اني قلت من قبل محلها ما فيه شي وكل شي عندها بالبيت ، وبالنسبة لمحل الملائكة الصغار سمعت عنه وقلت بروحه ونشوف شنهو نقرر بالآخر

أم دانيال

مبروك عليج البنت وان شاء الله تشوفينها بحضنج

ام دانيال .. الللللللف مبروك البنوته F:

دلوعة س .. االلللللف مبروك الولد


باقي البنات شخباااااااااركم



اني صار علي يومين مرة استنيت في الاكل وماوتعيت الا يأذن :o

والمرة الثانية الا اهي اليوم :'(


دقت علي معدتي وقعدت اصيح من الالم كأني حاسة امس

اقول شكلي ما بنام وعن جد لين الساعه 9 واني اتقلب

ذبحتني وقمت رحت ركيض الحمام بعد المعاناة

ورجعت اللي ف جبدي وجتني ذيك المغصات :(

بعدين خبرت زوجي ان خلاص بفطر ماقدر وشربت لبن وعليه ماي

وانسدحت لين حسيت روحي ارتحت شوي بعدين نمت :'(

اللي ف تاريخ 6 - 1 كلهم عرفو الجنس

باقي ام مطهري عقبااالج و تطلع بنوته عشان نصير فريق

ههههه ولدين وبنتين خخخ


توني انتبهت لتوقيعي اللي بالازرق

مكتوب اوقض امي بالليل هههههههههه عن جد هالايام واجد يقعدني بااليل

persian_moi;15491037:

اسوي مادري وينها اختفت مرة وحدة

روحي و روحك الله يقطع سوالفج ذكرتيني في سوالف الحمل اللي لين بيولدون يطيحون ضرب في الريل وتفرص فيه يقولون كله منك :lol:

هلا جميعا شخباركم
ترى انه مو زعلانه كلش مو من صوبي الزعل هههه
بس كنت شوي هالايام مشغوله الله يعودها علينا

في بنات سألوا عن السله من غير تلبيسه
مره كنت ماره في سوق المنامه في محل اسمه رياض المحروس يبيع واذا ماتبين فيهم التلبيسه جنه ب16 ومع التلبيسه 22
واذا عندج موديل تودينه له بعد يسويه
بس انه مابي سله لان صغار ابي مثل الي بسنتر بوينت على الاقل يشيله لمده سنه

مبروك ام دانيا وبيرشيان على البنوته
ومثل ماقلت لج كل الي فيج مثل اعراض البنوته
الله يقر عينج بشوفتها

وعن سالفه الفراشات بصراحه مفتر راسي ولا ادري اروح لمن واخلي من
وتخيلوا ان الشنطه والفراش ب 30
ويقولون ام منذر او ام محمد لازم تاخذون الشنطه مايصير من غيرها
يعني مع الاغراض الباقيه بيوصل فوووق
وبعد يبيلنا فراش غيره وشنطه كبيره والمهادات والبساطات
يعني 100 دينار بس حق الفراشات وتوابعها

الله يعين احس وااايد قاعده ترتفع الاسعار في الفراشات
مع ان الخلق مثل ما اهو ماتغير الا جم روبيه يمكن هذا اذا تغير
وبعضهم التطريزات تكون جاهزه اللهم يخيطونها
واغلبهم ماتستاهل الاسعار الي فوق

بس شنسوي عشان احبابنا لو عيونا نسويها فراش

المهم اخباركم؟؟

انه ماحب ام تسب زوجها
عيب بصراحه شلون تبين تربين عيالج احسن تربيه وانتي تسبين قدوتهم وتاج راسهم
مايهون علي بصراحه
ولا عاد لي يتنرفزون من عيالهم قالوا لهم العن ابوكم
انقهر بصراحه
اسب روحي ولا اسب ريلي فديته

وعن الم الظهر عندنا وعندكم خير
وخاصه اذا اكون تحت وابي ادخل الحمام وبيت عمي حمامهم عربي لان عمي مايحب انجليزي
وانه ماتعودت على العربي من الاساس فمابال احين حامل
واذا ادخل اصرخ لي بقوم
ولا اقدر اركب وارد احول ولا اقدر ايود روحي
وساعات اشير حتى زوجي يقولي لا تقفلين الباب خوفه ماتقدرين تفتحين الباب (( اتخيل الموقف ههه))
لان امرار بالغصب بس افتح الباب وافتلت على ريلي مسكين يحملني ماقدر امشي
غربال هالظهر