&&التجمع الثالث لحـــــوامل يناير 2012

سلام بنات شخباركم؟

بريشان

ما تشوفين شر يمكن يكون شد لأن منطقة الحوض قاعدة تتوسع ، فتوقعي أي الم يجيج في هذي المنطقة ، انا بعد تجيني آلام غريبة بس احقرها لأن صراحة لو نحط بالنا اليها نتعب المشوار بعده قدامنا ;)

وردة أمل

سلامات حبيبيتي والحمدلله على سلامتج وسلامة البيبي وحاسبي ترى هالغاز واجد سام وكثير حوامل اجهضوا بسببه، الله يعدينا الشر وياكم ونكمل حملنا على خير

وعلى سالفة الثياب الشتوية سكتي من الحين نزلوهم حتى امس ويا زوجي اراويه اقوله شوف كل شتوي لازم نلحق على روحنا ونجهز

أسى الأيام

قصدج أطلب أكل من برى؟ يووووووووووو انسي :badly: ممنوع علي اكل المطاعم من حملت للحين يمكن اكلت بس مرتين ومنها نسيت اكل المطاعم بيت ابوي مسوين علي عسكري يحاسبون على اكلي :cool::cool:

الجوهرة

شخبارج؟ والحمدلله انج تطمنتي على البيبي ولا تحاتين سالفة المشيمة ترى فيه بنات مثلج والحين الحمدلله مع الراحة تحسنت صحتهم

أم سلمى

شخبارج ؟ والحمدلله على سلامة زوجش وقرة عينج :) وخوش مفاجأة ويش تبغين بعد
الله يخلي لج زوجش :L:

بنات بكرة لي موعد في السلمانية :-# الله يعين انجان بعد ما يطلعون لي سالفة خب سوالفهم ما تخلص عن يا زعم بكرة بيسوون لي التراساوند علشان يشوفون قياسات البيبي

مرحبا اخواتي

بريشان

اذا رحتين موعدج خبري الدكتورة عنه ، وان شاء الله خير

الأم الحنون

هلا فيج ، شفيج علينا ما تسولفين مثل قبل خير زعلانة منا؟

هلا أم سلمى

مبروك وصولج نص مرحلة الحمل والله يتمم لج على خير والفال لنا ما بقى علي شي كلها 6 ايام وادخل الاسبوع العشرين

بريشان

اي اقول لأمي احنا الحوامل في جهاد على هالتعب اللي نتعبه

وشكله الام الحنون زعلانة

ام سلمى

قرة عيونك في شوفة زوجك وحمدلله على سلامته

وان شاء الله تكونون مبسوطين على طول يارب

ومبروك دخولك الاسبوع العشرين فديتك وعقبال الولادة يارب

اسى الايام;15454469:
انا وحدة انتظركم تتكلمون ههه

قلبوو شخبار نفسيتك الحين عساج صرتي احسن من بعد هالخرعة

والله الحمدلله على كل شي انتظر موعدي سبوع الياي يوم الاربعه
وان شاء الله خير يارب

اسى الايام;15454490:
زوزا اشبلاج تدخلين تقرين وتطلعين بدون ماتسلمين

والله اشتقنا لسوالفك الحلوة ...

الا بقول شنو سحوركم اليوم انا احس نفسي شبعانة

وبطني منتفخ ..

كان سحوري كباب الوو امي مسويته
وانه قليته حقي

persian_moi;15454818:

بنات أحس بألم أسفل بطني جهة اليمين هو نغزات قوية اكثر من ألم
خصوصا مع بداية الصيام وساعات حتى ماقدر امشي لين يصيدني
انا كان يصير لي جذي وانا بنت بس مو بهالدرجة وبعد فترة راح مني ونسيت سالفته
بس الحين زاد علي وخصوصا لما اعطس او اكح اموت من الالم اظل مكاني

مو عارفة اراجع دكتورتي او انتظر لي موعدي

انه يصيدني هالشي في حاله وحده
اني كنت نايمه ومثانتي مشحونه
ولا تييني البوله وانتوا بكرامه واتأخر عليها شوي
وسالفه الالم وصل لفخوذج انه يصيدني لين ايود روحي شوي
وتوه اول امس ساعات مثانتي مو مشحونه عدل بس اتأخر شوي يصيدني الم وادخل الحمام مافيني وايد طشونه
بس شسوي
انه اتوقع من هذا الشي لان يصيدني انه بعد بس لو تبين تطمنين روحي المستشفى

ولا تحاتين حركه البيبي ان شاء الله مافيه الا العافيه
امي وعمتي يقولون ساعات الحركه تتأخر لنص الخامس وخاصه البنت
تكون خايبه
يمكن بنوته وخايبه فيج ههه
عكس بنوتي شيطونه ماشاء الله عليها

اسى شفيج ساكته تكلمني يلا ههه

شنو سويتي فطور
اليوم فطوري في بيت عمي << سنتدرت الناس حفظوا متى اكون في بيت عمي وبيت اهلي هههه
مادري شنو الفطور بصراحه

بنات باركوولي دخلت الخامس
:o

توني شايفة توقيعي وفتحت عيوني من الصدمة :woo:


فديت روحي:p

اهلين قلبوو انا مو ساكتة كاني اتكلم

وفطوري اليوم سويت ثريد صار خاطري فيه وبيتزا وبلاليط

وعليج بالعافية مقدما

هلا قلبو

شخبارج وشخبار بنوتتج؟ للحين شيطونة >> الله يخليها وتشوفينها بحضنج

أسى

هلا فيج وعليج بالعافية فطوركم عاد لو قريب مني انجان قلت ليش طرشي لي صحن بلاليط

مبروك دخولج الخامس
عقبال التاسع والولاده
وعليج بالعافيه الثريد
بصراحه محتاره في ثياب العيد مادري شنو اشتري ومن وين
مسكين زوجي هالشهر بينفقر
بيمه السياره والمخالفات ههه
والقرقاعون وثياب العيد غير العبايتين مسويتهم ههه
يلا الحمدلله على كل حال
سؤال يمكن يكون خاص بس ماعليه الي تبي تجاوب تجاوب
ثيابكم العيد جم تكلفكم؟

صار خاطرج في بلاليط
روحي اكلي لا يصير فيه بلاليطه

ماء الكارفور

اللهع يعافيج حبوبة

انتي من وين ؟؟هه

قلبووو

الله يبارك في حياتج حبوبة وعقبال ولادتنا يارب

وانا للحين ماشريت لي ملابس العيد

خذيت لبنوتي كم بدلة وحق ولدي بس اقول بعد باخذ لهم حق اول يوم العيد

وكلفني ملابسهم 100 دينار وانا ماخذيت شي

بس انا محتارة اصلا شنو اشتري ؟؟شنو بتلبسون عادي نلبس جينس ؟؟ ههه

قلبو

امس طلعت مع زوجي رحت السيتي اخذت لي كم قطعة يعني توبات وتي شيرت مال حوامل وبنطلون وكم شي من المكياج

عاد سألت زوجي كم كلفت يقول ما ادري يمكن 70 دينار >> مسكين زوجي يدفع ولا يدري

يوم رجعت البيت الا حد المكياج 40 دينار والبنطلون بروحه 20 غير باقي الأشياء

انا للعيد أخذت لي فستان من 1002 عجبني ناعم وخفيف ، باقي علي العباية ونعال وشنطة واكمل اغراض العيد

اسى

اني بعيد عنكم >>> في سترة بتجيبن لي؟

ويصير تلبسين بنطلونات جينز في خاص للحوامل امس اخذت لي من H & M