&&التجمع الثالث لحـــــوامل يناير 2012

اهو صح مثل ماقلتوا من اليوع
بس ساعات من ابتدي اكل شوي شوي يخف
لكن اول امس ماخف وماقدرت اكل احس كله بيطلع من دقات قلبي وراسي بينبط ابي اسحب شعري بقوه
مع اني لي اروح بيت امي اتفطر مايصيدني جذي
مادري متنسيه يعني على اخر اشهري على فطور بيت عمي
كلش مو وقته

وعن البنوته قالت حقي 70% بنوته وبعد 9 ايام عندي موعد بتأكد حقي

اهو ياريت على المشي
انه من امشي شوي قلبي يصير عنده عرس
طيران وصفقه وطرب والحاله حاله هههههه
والله مايتعبني الا قلبي

وعن البنت جنه ام جودي قالوا لها بنت (( الا وينها مختفيه))
انه وايد احاتي كلاسيكيه مو معقوله يعني ماتدخل خير شر تجوفنا نسأل عنها لو شي
ان شاء الله اهي بخير وماعندها نت

قلبوو

مبروك عليج البنوتة والحمدلله طلعت تحاليلج سلمية

طمنتينا الله يطمنك

ماء الكارفور

اذا خايفة على تعب المشي فانا ازيدك من شعر بيت

بعدين من تطلعين من بيتكم بتقولين ابي اروح الحمام

يعني بتصير طلعتك كل تدورون حمام هههه

بريشان

ياهلا حبوبة انا بخير فديتك

وبالعافية الفطور ولمة صديقاتك بس ها لاتستحي واكلي عدل هههه

بووو الحمام من الحين وين ما اروح حمام
كل شوي حمام صرنا ربع

قلبووو

اخر مرة كلاسيكية قالت انها ماتقدر تدخل النت من بيتهم لان تكون مو فاضية

بس قالت انها تدخل من الشغل بس الحين لاحس ولاخبر

شكلها كنسلت التجمع

قلبووووو;15450460:
بووو الحمام من الحين وين ما اروح حمام
كل شوي حمام صرنا ربع

هههههه انا بعد من اطلع اقول لزوجي اسالهم هني في حمام ههه

الله يعين بس

مره كنا طالعين ومللت زوجي من الطحنه ابي حمام
جان واحنا طايفين جفنا قيصريه مالت اليهال
ماجوف الاشايلنها يقولي بشتريها وخليها عندج وين ماتروحين اخذيها وياج عشان لاتسندرينا بالحمام ههههه

ثاني بنوتة في التجمع

شنو راح تسمينها ياقلبووو

ههههههههههههههههههههههههههههههههههه

قولي له زين القيصرية بعد يبي لها حمام

يعني مردك بتدور بعد حمام انخش فيه خخ

لا حق السياره هههه

والله مادري كل يوم اسم
يوم كوثر ويوم حوراء ولا ادري شنو اسميها
هههههه ناس ايدوا حوراء
وزوجي وجم شخص ايد كوثر
شكلي بسوي استفتاء
يلا كل وحده تدخل تسوي حقي استفتاء

الاسمين حلوين عجبوني

بس اعتقد حوراء احلى

الصراحة ماادري احترت كل شوي امسح حوراء وحطت كوثر وبالعكس ههه

هههههههه
مثلي يعني محتاره حدي مادري شسميها

ياربي شكلي بموت
قلبي كل ماله مايزيد واحس روحي وايد تعبانه
ماحس بجوع بس قلبي ذابحني ماقدر حتى اتنفس

قلبوو

روحي رتاحي شوي انسدحي وحطي يدج على قلبك

وبتخفي شوي

وماتشوفي شر

الحمام من الحين كل شوي وناطة عليه عاد ولا في الليل كل ساعة اروح

قلبووو

الله يعينج هذا يسمونه خفقان قلب وهذا شي عادي تتعرض له الحامل اني بعد اوقات يصير لي جذي واحيانا احس قلبي مرة وحدة بيوقف بس اني اعاني من هالشي قبل الحمل

وعلى طاري الأسماء حوراء احلى عاد كل شي ولا هالأسم محد يقرب منه عزيز علي

اسوووي .. ربي يعافيج خيوو

اهئ ما نجح عدل ههههه نسيت احط ملح

وصار لين ههههههه انقهرت عليه حدي :lol:

اي السلطة ترستها ليمون وملح وخليت المخلل بعد على صوب

عشان لو بان الطعم اكل منه :lol:



بيرسياان .. هلا خيوو اي والله واجد صاير خامل التجمع

وربي يبارك فيج خيو .. اي سلطة الجرجير بدون هالسوالف ما تنطاق :sick:




قلبووو .. اهلين خية الحمد لله طلع كل شي اوكي

وكنت متوقعه اني الف الحمد لله و مبرووك البنت حبيبتي

اني اعتقد اسم حوراء احلى امووت في هالاسم

مريوم بنتي كان ودي اسميها حوراء بس زوجي كان يبي مريم :D

وسلامتج من التعب خيوو ترى هذا كلش عادي خفقان القلب

واجد وااااااااااجد تصيدني خخخ لدرجة اني تعودت عليها :D




ماء الكافور .. هلا خيوو اني بخير الحمد لله

نسأل عنج انتي شخبارج يا عيوني .. والله ذكرتيني

ابي اروح اسوي لي عباية وكل انسى :|

بنات شنو الحل ويا العيش

كل مرة اسوي يصير لي لين كرهت تسوي العيش والسبب هيك ؟!

ولا اليوم قهر زيادة نسيته بدون ملح ههههه

سويته على طريقة ياسمينة البحرين وطلع حلو طعمه

بس ناقصه الملح


ترى اني ماعرف اسوي عيووش بس توني ثاني مرة ولا ينجح وياي ؟!

هلا وردة أمل

الحمدلله بخير يعافيج ربي

وما يخالف الطباخ مرة تصيب ومرة تخيب

والعباية لو زين على هالتعب فصلت لي 8o| ، عاد قلت لزوجي بروح محرق سوقي المفضل للعبايات :D ما احب افصل الا هناك

بكرة اتفقت وياه يوديني السيتي سنتر عاد قلت ليه بروح الظهر يكون اهدأ واتشرى على راحتي بس ان شأء الله السيارة تستوي ما دورت تمرض الا الحين :|

وردة

بالنسبة للعيش اذا بتسوينه مجبوس لا تحطين ماي واجد يعني يا دوب الماي يكون ارفع من العيش بإنج واحد وحطي العيش ويكون الماي يغلي وخليه يغلي شوي حوالي 5 دقايق بعدين وطي على النار وحطي حديدة من تحت الصفرية وخليه يترسى لين تطلع ريحته بعدين افتحي الصفرية وقلبيه وشوفي اذا نضج اولا اذا حسيتيه بعده زيده ماي الدجاج واذا اوكي خلاص

ماء الكافور;15450696:
هلا وردة أمل

الحمدلله بخير يعافيج ربي

وما يخالف الطباخ مرة تصيب ومرة تخيب

والعباية لو زين على هالتعب فصلت لي 8o| ، عاد قلت لزوجي بروح محرق سوقي المفضل للعبايات :D ما احب افصل الا هناك

بكرة اتفقت وياه يوديني السيتي سنتر عاد قلت ليه بروح الظهر يكون اهدأ واتشرى على راحتي بس ان شأء الله السيارة تستوي ما دورت تمرض الا الحين :|

تعالي حق اختي سوي لج عبايه
مو عشان اختي بس عباياتها حلوه واسعارها زينه:biggrin: