السلام عليكم ياحوامل يا رغياااااااااااااااااااااااااااااااات
ماشاء الله ادخل ألاقى عشرين صفحة عليا وأنا أصلا فاتحة عنيا بالعافية
يلا أنا كروت فى القراية
احكى لكم بقى اللى حصل معايا
يوم ما رحت موعدى مع الدكتورة
أعوذ بالله من الزحام فى الشارع
اخدت ساعة إلا ربع فى طريق قصير ما يستاهل بس علشان شارع عمومى
كان زحمة جدا
وعلى حظى رحت العيادة وبعدها إزدحمت قوى
الناس كلها عايزة تلحق تكشف قبل رمضان
وماشاء الله 7 ستات كانوا والدين وجايين يفكوا سلك الجرح
وماشاء الله دول مش بيستنوا بالدور دول بيدخلوا على طول قبل اى حد
نازلة الساعة 6 من بيتى راجعة الساعة 11 بالليل وضغطى عالى وهدومى
تتعصر من العرق الشديد
المهم بقى الدكتورة لقت ضغطى عالى برضه
وكتبت لى على دواء للضغط العالى وقالت لو ما نفعش كتبت لى على دواء
تانى اخد منه نص حبة قبل النوم
وإشتكيت لها من القولون عندى ومغص فظيع فيه على طول راحت كتبت لى
على دواء برضه له هو مكمل غذائى بس بيساعد على الهضم والتخلص من
الإنتفاخ وعسر الهضم
وبعدين سبع البرمبة بتاعى عملنا له السونار
إلا مش شايفة له ملامح
أقول لها يادكتورة انا مش عارفة أعرف له رأس من جسم
فقالت لى اصله نايم على بطنه :lol:
قلت الله يهديك أتاريك مش باين لك حاجة حاولت معاه كتير علشان يتقلب
مش عايز عمال يتحرك وهو نايم على بطنه ومش عايز يغير وضعيته
المهم قالت لى إن شاء الله من ضربات قلبه هيكون عمار :D
قلت ربنا يسهل
بس امس برضه ما عرفتش ادخل لان النت كان فاصل عندى وعلى ما رجع
بالليل كنت تعبانة جدا من ترتيب المطبخ طول النهار ونفسى أنام علشان أقدر
أقوم للسحور
وكل سنة وإنتم طيبين وبصحة وعافية
اسمى فى دقات قلبه ما تزعليش ياقلبى اديكى شايفة البنات بير غوا إزاى
والصفحات كتير وممكن ما ناخدش بالنا مين اللى له فترة مش بيدخل
أنفال وماء الكافور عاملين إيه دلوقتى ربنا يطمنا عليكم
بريشيان وأسى ربنا يجبر بخاطركم انا باعرف اأطبخ الحمد لله
بس لما يكون ليا مزاج بس ممكن أبدع فى الاكلات
لكن لما يكون المزاج مقفل أعمل أكل تقليدى عادى
وسبحان الله أنجح فى الطبخ لكن الحلويات فاشلة فيها بدرجة إمتياز ولو نجحت
حاجة أحمد ربنا وأبوس إيدى وش وظهر :lol:
بريشيان معلش ياقلبى جربى تأخدى حباية لو تعبتى يبقى خلاص ما
تأخديش تانى ما تعبتيش يبقى الحمد لله ويبقى افضل لك
الموضوع فى الحبوب دى علشان خاطر الام فى المقام الاول
لان الجنين هيأخد إحتياجاته هياخدها بس هو بيسحب من الرصيد الإحتياطى
للام ولما يخلص الإحتياطى يجر من الأساسى وده طبعا هيأدى لحاجتين
انيميا حادة زى ما حصل مع ماء الكافور وهشاشة عظام وضعف فى الاسنان زى
ما حصل معايا
فالأفضل أخذ الحبوب علشان يفضل دايما فى إحتياطى يسحب منه الجنين
إحتياجاته من غير ما يضر الأم
الام الحنون وقلبو وزوزو وأروى وروحى روحك وفلة ومارو وأم دانيال وأم جودى وأم
الهواشم عاملين إيه ياحلوين :D(يارب ما اكونش نسيت حد:hysterical:)