الشيب

السلام عليكم

كيف حالك حبوبة ^_^

فيه حل حلو وبدون مواد كيماوية وهو تحطين حنة في شعرج اللي فيه شيب " حنة + زبادي + نسكافية او كاكاو "
وبعده لما تغسلين يصير لج برتقالي او احمر فاتح فحطي عليه شي اسمه " كتم "
وهو مثل الحنة بالضبط اخلطيه مع ماي وحطي على الشيب ويخليه لج اسود ^_~

بس اهتمي بشعرج من ناحية حمامات الزيت او بلسم لأن الحنة شوي تجفف الشعر

أنا بعد مرة قريت طريقة تبعد الشيب للأبد " بس والله مااعرف احد جربها بس قريت ان وحده جربتها وجابت نتيجة وياها "
جرب يانتي ماانتي خسرانة شي ^.^

الطريقة : تاخذين اكليل الجبل + اوراق الريحان + مقدار من الماء وتخليه يغلي شوي
وبعدين صفيه واخذي الماي حقه كل يوم رشي على جذور الشعر
وبعدين تبان النتيجة بعد شهر ^.^

ان شا ءالله افدتج ووسعي صدرج وخفي ضغط وتوتر تراه يزيد الشيب وكلي خضار بعد ^_^

الحال من بعضو
نفس المشكله عندي ومناطق الشيب
طفشت من الحنا
بس شنو اسوي لابد منه