أخوي خايف من زوجته ويضعني كبش فداء له !!!!!!

السلام عليكم ورحمة الله وبركاته



اسفه بس حابه افضفض عن اللي حصلي اليوم .. عشان اروح عن نفسي شوي .. ادري بتقولون هالبنت قلق ومافيه شي عاجبها :confused:

اليوم الله يسلمكم اخوي الخواف اللي يرتعب خوف من زوجته طلع من امس اموصي أمي ان تتصل على زوجته اليوم وتقولها انه حنا جاين عندها مع خالتي ليه طبعاً هو يبي امي تقولها كذا يبغاها تقولها كذا عشان تربطها وتجلس بالبيت عشان زوجته كانت متهاوشه معاه انه تبغاه يوديها لمنطقه بالشرقيه واخوي طبعاً ماهو راضي يوديها لانه يقول تعبان طول هالاسبوع وهو بالدوام ويبغا يرتاح في يوم الخميس وتهاوشت معه طبعاً وصرخت عليه على فكره هو اللي يعلمنا انهم تهاوشو وجلست تصارخ معه فجا وقال لأمي انا عشان بس مابي وجع الراس قلت لها خلاص بوديك مع اني لو متجادل معاها اكثر يمكن كنت طلقتها بس عموما هو مستحيل يطلقها لان عنده منها اربع بنات وهي قالتها له يوم جاب امها عشان تقوم فيها بأحد ولاداتها قالت له ونا معه بالسياره لما جينا نوصلها للمطار قالت له انا الأول كان لي جناح الأن صار لي جناحين يعني ماتقدر تطلقني المهم عاد اخوي هاللي فارض ذراعته قدامنا اذا احد مننا تكلم ويقوم يهاوش ومدري وشو هذا الله يسلمكم مثل اللعبه بيد حرمته تقوله يمين قال انشالله تقول يسار انتي تامرين امر وهو منكتم بعد المهم طبعاً انا ما ادري عن سالفة هالخطه وامي ياقلبي طيبه وماتبيه يضيق صدره وبتسوي اللي يبغاه مع انها تقوله ليه انت تخاف منها قولها انك ماتبي يقول شسوي جننتني هالمره جابت الشيب في راسي منيب قادر عليها ابد المهم ان اليوم رن التلفون ونا ماعندي خبر بهالخطه اللي يبغانا نشترك بتنفيذها له عشان يتحرر من بطش زوجته فيه المهم وتتصل زوجته وتقولي اليوم انتو متى بتجوني مع خالتي قمت قلتلها والله انتي عارفه انا مريضه وامس رايحه للدكتور ومعطيني كومة ادويه ولافيني حيل ابداً اني اجي عندك ونا قايله لك من امس قالت اجل وش فيه اخوك يقول ان اليوم راح تجون عندنا مه خالتي قمت انا اعيد كلامها وامي جالسه بجنبي وماشفت امي الا تأشر لي قوليها ايه صح بنجيك اليوم انا عاد فهمت السالفه ان فيها شي بس انا مو قادره اقولها اني بجي لأني فعلا مريضه ولا اقدر اطلع اليوم ولو بقولها بنجيك معناها اني وعدتها وهالشي غلط اصلا قمت خربتها بصراحه وقلت لها ايه صح خالتي كانت بتجي اليوم وحنا كنا بنجي معاها بس عاد انا صرت تعبانه وخالتي انشغلت ماتقدر تجي اليوم بجد مقدر اضحك عليها صعبه بقوه يعني ..

المهم وانهينا الاتصال معاها الا ما اسمع الا رنة هذاك التلفون اللي شكله معصب وطلع مين طلع اخوي وهو يكلمني وهي جنبه وهو معصب طبعاً بس خايف مايقدر يبين لها انه معصب عشان انا افشلت خطته الغبيه فقام قالي الووووو وهو صوته كذا :mad2: وقالي اجل منتب جاين اليوم قلتله لاوالله محنا جاين اليوم :z_sorry: قام قالي ايه اجل انتو موجاين اليوم يعني حنا رايحين للشرقيه اجل هاه:mad2: قمت قلتله انا اصلا انا قايله لزوجتك من امس اني مريضه ولا اقدر اجي وش فيك انت :angry: فقالي لاخلاص رايحين للشرقيه تبين تروحين ولاشي لاحظو الكلمه اللي تحتها خط هو يقولها وهو كذا >>:mad2: يعني يقصد انتي الان تقولين ماتبين تجين عندنا واذا قلنالك للشرقيه بتقولين اكيد بروح طبعاً انا خيبت امله لاني فعلا مريضه معي انفلونزا وجسمي مره تعبان ولا فيني حيل نهائيا اطلع لأي مكان فقلت له لاطبعاً ونا قايله لزوجتك من امس اني ماراح اجي لها لاني مريضه المهم ان الأخ المحترم حملها في قلبه خلاص وصرت الان مكروهه عنده ليه كل هذا عشان انا ما أنقذته من زوجته حتى لو انا بموت عادي اهم شي نفسه وزوجته اما انا عادي اصير مريضه بموت بنتحر اييييييييييزي جداً عنده اما زوجته اللي مره قرصتها حشره يما قرصتنا راح وداها للمستشفى وخلاهم ينومونها ومره خايف عليها ويأختي تعالي جلسي معاها هي تخاف بروحها ونا كل شي سمعاص وطاعه بس انا لما اكون هلكانه من التعب مو من حقي اعترض ولا أقول لا منيب رايحه لهم ولا لأي شي يبغاه مني بالله هذول اخوان ااااااااااااخ ياقلبي بس الله يصبرني عليهم من اخوان صعب انك تحس ان واحد من اخوانك يحقد عليك على اسباب تافهه لان هو واحد جبان وخواف وماعنده شخصيه قسماص بأيات الله ماحس ولا في أي واحد من اخواني بمعنى الرجوله في كل شي من تصرفاتهم ولا فيها شي يدل على الرجوله وعلى تعاملهم كارجال كلهم يخافون من زوجاتهم ومثل الخواتم في يدهم ... ماقول الا الله يصبرني عليهم بس ...


واعذروني ادري اني طولة عليكم بس احب افضفض عن مافي نفسي هنا عشان ارتاح .... وكفايه اني حاسه ان معي اخوات بجد ماعمرهم قصرو معي لو بكلمه تواسيني ...



الف شكر لكم مقدماً على تحملكم لمواضيعي عارفه اني غثيتكم فيها :confused: