قلتله كيف حرام عليك هدولا ما شاء الله قبيله ايش بدي اعمل لاعمل يعني رح اعمل لاربع عيلات وازا حسبت انه انا وزجي عيله هي 5 رح اموت قبل ما اخلص بس هو خلص احرجني والي صار صار
المهم :-#وقلت يا بنت عيب خلص صار حاكي وقلت ما شاء الله مهمه البنات كتار بيساعدوني بس ما كنت بعرف انهم رح يقعدوا يتفرجوا ويحكوا ما بنعرف نعمل حكت كتير صح وانتوا :mad:خلص بيكفيني برم
نبدا بالمقادير طبعا ما رح احكي المقادير الي عملتها بلاش تخافوا رح اقلكم المقادير بكيس طحين واحد
1-كيس طحين
2-كاسه زيت
3- 3 بيضات
4- معلقتين كبار بيكنج باودر
5- 4ملاعق كبار حليب بودره
6-معلقتين ملح وملعقه سكر
7- ملعقتين ونصف خميره
نخلط جميع المقادير الجافه مع بعض ما عدا الخميره الخميره نضعها في كاسه كبيره مع نصف ملعقه سكر وماء فاتر وبتركها تفور
نضع البيض على المقادير الجافه ونفركه جيدا
ثم نضع الزيت ونفركه جيدا ثم نضع الخميره ونخلط ثم نعجنها بالماء جيدا حتى تصبح لا تلتصق باليد
معلش ما في صور ما كنت ناويه اصور بالاخير اتزكرت
نغطى العجينه بورق نايلون نترك العجينه تخمر لمده ساعه
بعد ما تخمر العجينه نقطعها الي دوائر بالحجم الذي نريد العمل به ونتركها لكي ترتاح
طبعا بس ترتاح العجينه بنبلش الشغل فيها
الحشوات الي انا عملتها بطاطا ولحمه وجنبه بيضا وجبنه مثلثات لزوجي طبعا
كان نفسي في سبانخ بس قلبنا المنطقه عندهم ما لقينا
برضه معلش ما صورت الحشوات
هلا نبدا بالتشكيل
البطاطا شكلتها بهذا الشكل
هون دهنت الوجه بخليط الحليب والسكر والماء
طبعا حسب الكميه معلقتين كبار حليب مع نصف ملعقه سكر و3 ملاعق ماء وتدهن وجه المعجنات فيها ورشيت سمسم
وهي صوره بعد الخبز
شوفوا اللمعه
هلا الجبنه
طبعا بنفردها دائره كبيره وبنقطعها معلش هي الدائره مو مرتبه بس هدا الي طلع معي
وبنحط الحشو وبنلفها من القاعده لطرف
بعد الخبز
وهلا اللحمه عملتها بالشكل المعتاد القوارب
وهدا الشكل النهائي طبعا مو للكل لانه كان في سدور لسه ما اتخبزت
وبس هيك بكون خلصت قصه معجناتي
لا تنسوني من ردودكم الحلوه ودعواتكم الله يرزقني بالذريه الصالحه