كيفكم صبايا ؟
امس عملت فته باذنجان او فته حمص مادري شو يسموها وعملت منتو كمان :p جاني النشاط
نبدا بالفته
المقادير /حبه بطاطا _حبتين باذنجان _رغيف خبز _لحم مفروم _وعلبه حمص حب مسلوق وجاهز _علبه زبادي _ملعقتين مايونيز _عصير ليمونه
اول شي نقطع رغيف خبز مربعات ونقليه بالزيت لما يتحمر مو ينحرق مثل ماصار معي ونحطه على ورق نشاف
بعدين نقطع حبه بطاطا وحبتين باذنجان مكعبات ونقليهم بالزيت لما يتحمرو ونحطهم على ورق نشاف
بعدين نحط في مقلايه ملعقتين زيت ونحط اللحم المفروم الى ان يستوي بعدين نحط معاه حبه ماجي صغيره وشوي فلفل اسود
الحين نحضر الصوص
علبه زبادي +ملعقتين مايونيز+عصير ليمونه
الحين في صنيه بايركس نحط البطاطا والباذنجان والخبز واللحم المفروم وعلبه حمص حب
بعدين نحط عليه الصوص وخلاص
الحين نجي للمنتو
نقطع بصله كبيره شرايح ونقليه مع ملعقتين زيت الى مايصير لونهم ذهبي بعدين نحط معاهم رشه ملح وشوي سماق وشوي كمون
بعدين نحطهم في صنيه بايركس
ونصف فوقهم المنتو
انا كنت لافه كميه من المنتو وحاطاهم بالفريزر بس راح اشرح لكم الطريق
1)نسلق دجاجه ونفسخها -يعني نشيل العظم ونقطع الدجاج باليد قطع صغيره -ونحط في مقلايه شو زيت ونقلي الدجاج ونحط معاه حبه ماجي صغيره وشو بهارات الي تحبيها ونقلبهم بعدين نضيف مقدار كاس بقدونس مفروم
2)نجيب رقائق السمبوسه ونقطعها من النص ونحط الحشوه ونلفها مثل السجاير وتكون مفتوحه من الاطراف
الحين نحضر الصوص
ا علبه قشطه +ثلاث ارباع علبه القشطه ماء+2 ملعقه كبيره جبنه سايله
نحط الصوص فوق المنتو
نغطي الصينه بقصدير وندخلها الفرنة من تحت علشان يستوي العجين وبعد ربع ساعه نشيل القصدير ونحمرها من فوق وكذا الشكل النهائي
وصحه وعافيه
استرو ماواجهتو انا جديده على المهنه يمكن هذي رابع مره اطبخ وعقبال ما احط الخروف المحشي :lol:ههههاي جالسه احلم
اتمنى تجربوهم وتعطوني رايكم