هل انا على صح والا غلط القلق ذبحني بليييز مساعدتكم خواتي الحبيبات

طيب مادمتي مملكين ليش ماتتكلمون ؟؟ ومعليش يعني كيف راح يحبك وانتوا مافي حوار بينكم اصلا ؟؟ طبعا بدي الطريقه عمرك ماراح تعرفين بس توكلي على الله وان شاء الله خير

moneta;15393723:
طيب مادمتي مملكين ليش ماتتكلمون ؟؟ ومعليش يعني كيف راح يحبك وانتوا مافي حوار بينكم اصلا ؟؟ طبعا بدي الطريقه عمرك ماراح تعرفين بس توكلي على الله وان شاء الله خير

ياقلبي انا قايلتكم الكلام منسي امره يعني مستحييييل وثانيا اصلا ماطلب هو لان هذي هي العاده البنت ماتكلمه الا بعد الزواج :(:(وودي اعرف :confused:كنت متأمله راح تعطوني طريقه شكل مشكلتي مالها حل:hysterical:

حبيبتي لا تهتمي لكلام النااس
الناس ماعندهم غير الكلام ولما تتطلقين بيتكلمون اكثررررر
انتي خلي اخوانك يسالونه متى وخلوه يحدد او انتي بسوالفك معه بالجوال ارسلي له مسج تسالينه عن اخباره وعن اي شي تبينه وتدرجي بالكتابه وساليه عن موعد الزواج

وبعدين هذا زوجك حلالك انتو مملكين يعني عادي حتى يشوفك ويجلس معك ويطلع معك

انا من رايي تكلمينه بالجوال ع الاقل عشان يتشجع ومو ضروري اخوانك يعرفن يكفي امك لنو مو حرام

وانتي تسولفين معه بالرسايل مره اكتبيله تعبت من الكتابه خاطري نسولف عادي واسمع صوتك او اي كلام ثاني

بس من جد لازم يصير بينكم تواصل لنو كذا ماراح يتشجع ولاراح تتعودون ع بعض وصعبه فجاه تروحين لرجال ماتعرفينه وبتعيشين معه ع طول

ربي يوفقك
ولاتزعلين من رايي

انتي غلطاااااااااااااااااااااانة
اولا لانك تسمعي كلام الناس وتأخذي برأيهم
وتانيا لانك تفكري بالطلاق قبل ما تصير مشكله
كيف بتتصرفي يوم تكوني معه ببيت واحد وصارت
مشكله بتطلبي الطلاق بدل ماتحليها
وبالنسبة للوقت اكيد بيكون في عنده ظروف ودام
انه الفترة طولت عادي مافيها شي امك تسأله
على شو ناوي عشان ترتبون عمركم وتتجهزون
وبالنسبة انه اهلك مايمنعوك تتكلمي معه اولا هو
الحين زوجك ومن حقه يتعرف عليك ولو المكالمات
ممنوعه ارسلي رسائل مثل ماقالوا الاخوات
وبهذا الرسائل بتعرفي شو مصيرك ومتى الزواج
وكمان بتقرري معاه بدل ماتسمعي اخبار حياتكم
من الغير

اعجبني رد مس سمور و راي من رايها :)
ربي يوفقك و يسهل عليكي

اللهم يسعدكم اخوااتي ويعطيكم العافيه ماقصرتو لاخلا منكم ولا عدم

الفتاه الذهبيه;15393793:
ياقلبي انا قايلتكم الكلام منسي امره يعني مستحييييل وثانيا اصلا ماطلب هو لان هذي هي العاده البنت ماتكلمه الا بعد الزواج :(:(وودي اعرف :confused:كنت متأمله راح تعطوني طريقه شكل مشكلتي مالها حل:hysterical:

ما عليك من كلام الناس
خلي امك تسال امه عشان تكوني واثقة
واللهـ يكتب اللي فيه الخير حبيبتي :)

ليش تعبين نفسج ..

و ما يحبج ما ملك عليج ..

وثاني شي خبوبة يمكن الرجال يضبط اموره ..

يمكن عنده شغلات يكملها ..


الله يوفق لكم يارب ...

يمكن رايي ما يعجبج و ماينقص ولا يزيد
لكن رايي وبقوله


الحين انتو مالجين .. يعني هو زوجج شرعا

اخوانج مو من حقهم يمنعونج تكلمين ( زوجج ) .. اوكي انتي للحين ما انتقلتي تعيشين معاه .. بس اهو زوجج .. في اي لحظة يطلبج تكونين في بيته اهلج مايصير يقولون له لا ... لأنج زوجته امام الله

تقولين ما تجوفون بعض.. ولا تكلمون بعض ... وبس مسجات .. ومسجات عادية مو سوالف .. ومن تلفون امج كأنه رقم تلفونج مايجوز يعرفه ... يعني ماقط اتصلتي بمطعم ولا اتصلتي بالبنك او باي مكان تبغين تستفسرين عن اي شي .. هذول كلهم سمعو صوتج وعرفو رقمج .. بس زوجج لا !!

وكل هلاشيا تبين تعرفين اذا يحبج او لا

الواحد لين يحب حتى لو كان حب من اول نظرة .. لازم يجوف اللي يحبه او يتواصل معاه عشان يكبر الحب .. واذا اختفى الحب الصغير مع الايام راح ينسي

محد يحب انسان ما يدري عنه اي شي

انه ما ابي احبطج بس هاي الصج !!

تعرفين هاي جنه شنو !!

هاي كأنه لما انا مثلا معجبة بممثل مشهور وحصلت رقمه .. اقول اطرش له مسجات واهو يرد علي .. واسأل روحي يحبني ؟؟؟

واهو اصلا ما جافني او يمكن جافني مرة وبس وطبعا رحت من مخه مع مرور الايام


اختي لازم اخوانج يقتنعون بضرورة التواصل بينج وبين ( زوجج )

حتى امه مالج تواصل معاها

يعني انتو ملجتو ليش؟؟ عشان تلبسين الخاتك جدام الناس بس ؟؟؟

اففففف سوري وايد انفعلت
بس اتنرفز من بعض العادات اللي ما اقدر استوعبها ولا استوعب سببها

اي والله يقولون توصل للطلاق بسبب المكالمات خلال الملكة
الرجل لو بطلق مرته بطلقها اي وقت .. وقت الملجة ولا وقت الزواج

ووقت الزواج اخس وادمر ...
الملجة فائدتها ان الاثنين يدرسون بعض ... اذا كان في توافق الحمدالله .. واذا ما تفاهمو كل واحد يروح طريجه واهو مو خسران شي

على الاقل البنت تبقى بنت مو مطلقة مثل المتزوجة

الله يوفق الجميع
والله يسر امورك خيتتو
تحياتي