., زوجي وتفصيره مع اهلي .,

يا هلا فيج يا اختي

شوفي يا اختي العزيزة مشكلتج يمكن تكون في نظر البعض مشكلة صغيرة بس انا اشوف ان يحتاج لها وقت انتي تقولين ريل تغيرت اطباعه من ناحية اهلج تدريجيا .. سبحان الله كل انسان له اسلوبه و مع الناس اللي يرتاح لهم صح و الا لا يعني انتي مثلا ما تحبين شلة معينه من البنات شي طبيعي انج ما بتروحين عندهم لانج ما تحبينهم او يعني بمسمى اخر مو مرتاحه لهم .. فانتي ما تجبرين روحج و لا تقدرين تجبرين احد على هالشي صح و الا لا .. يمكن ريلج شاف شي من صوبهم او من داخله مو مرتاح و مو شغله انه شايف نفسه .. ابدي وياه بشوي شوي خطوة خطوة مو ضروري انه دوم يروح عندهم لو بالشهر مرتين او ثلاث وانتي بالكلام الحلو و المعسول تقدرين تقوليله حبيبي مثلا اهلي عازمينا على العشا شرايك نروح .. او مثلا تطلعون كلكم في مطعم او في مكان عام تتغدون فيه تغيرون الجو .. يعني يمكن يتغير و انتي ما تدرين شو السبب الاساسي هو ليش ما يحب يروح عند اهلج اعرفي السبب الحقيقي ورا هذا كله .. و لو مب بطريقة مباشرة اسحبي منه الكلام و اعرفي السبب علشان تقدرين توصلين للحل يا اختي الغالية و الامور تنحل دايما بطرق شتى و انصحج اي مشكلة تصير بينكم حلوها انتوا الاثنين من غير تدخل الاهل لان لما الاهل يتدخلون تصير المشكله اكبر و تتتعقد .. يعني انا وريلي يمكن يالشهر مرة او مرتين نروح لبيت اهلي مب دووم و ريلي لو ما صارت فرصه انه يروح يتصل فيهم تلفون و يسلم انا ما عمري غصبته او قلت له ليش ما تروح عند اهلي .. و مب كله تخلين هو يروح هم خلي اهلج يزورونج يمكن يشوفها حلووة و ينحرج و من بعدها هو من نفسه يروح صح و الا لا .. انا اقولج لا تتضايقين من هالشي يا اختي و توكلي على الله و الحل خليه بيدج و بالتفاهم و الكلام الطيب ..


والسموحه منج

{ باين ان المشكلة من الي صار .....~
الله يهديك المشاكل مفروض ماتطلع من بينكم
وتظل محصورة فقط بينكم انتوا الاثننين
الناس ماتنسى حتى لو انتوا نسيتوا السالفة وطوفتوها
خاصة الرجال مايحب ابدا اهل زوجته يمسكون عليه زلة
صحيح هو كان قليل الروحة لبيت اهلك
بس هذا ساعد جدا ف زيادة هذي الفجوة
الحين كل مايروح عندهم اكيد بيكون متذكر الي عرفوه من هذيك المشكلة
ماراح يرتاح ولا يتاقلم معاهم
وبالنهاية كل شخص له طبعه
ف بعضهم يعقدون الامور ويزيدون الرسمية بشخصيتهم
يعني مايكون مزوحي متسامح خفيف ظل ويحسن الظن
لا الا ع كل شي يتمسك للناس زلاتهم ولا يزعل ع ابسط الامور
وهذا الي يخليه يشوف ان جلساته مع اخوانك رسمية او اهلك

الله يصلح شانكم يارب
من رايي لاتضغطي عليه دامه يقوم بالواجب
بس قولي له اذا اهلك سالوا عنه او يسلمون عليه
علشان يتذكر انه ماراح لهم او مقصر ف حقهم بالسؤال

ان شاء الله مع الايام تتحسن الامور وعلاقتهم سواء
وترجع الاوضاع تصير افضل وافضل
:)

وخليه درس ان اذا صارت مشكلة بينكم حلوها لوحدكم لاتدخلون احد
حتى ماتبقى بالنفوس عتب وزعل
ولاتذمي اهلك قدامه حتى لو شي بسيط
وااذا قالوا شي عنه مايرضاه هو حتى لو تشوفينه يضحك او عادي لاتقولي له

واذا حابةتقربي زوجك من اهلك واخوانك
خلي لقاءاتهم بره البيت
حاولي تجمعي اهلك تروحون رحلة وخلي زوجك يجي معكم
الطلعات بره البيت في مكان طبيعي ومفتوح يونس
مفيييييييييييد بشكل مستحيل تخيلينه
ف تقوية روابط العلاقات الخاصة مع الاخرين وتسهلها
لانهم راح يضحكون ويسولفون سواء
وهم مرتاحين مغييرين جو

جربي وراح تدعين لي


مووووووووفقة

والله حبيبتي بكفيه انا زوجي كده عامليه نفس المعامله يعني لاتروحي لاهله كثير واتقل عليهم انا سويت زي كده والله ماهمني جاء ماجاء يعني في رجال يكون اخوانك مو من موده مثل اخواني هم تفكيرهم غير عنه مرررررررررررررررررررره عشان كده مااشيل هم الموضوع لانو حتى هم احسهم يجلسوا معاه مجامله

ياهلا خواتي .. مشكورين على ردودكم ماقصرتوا
بس حبيت أوضح إني مو من النوع اللي اطلع مشاكلي برى بس كانت مشكلة كبيرة وهوه اللي قالي ليي روحي بيت اهلج مو من نفسي .. الحمدلله انتهت واحنا سمن على عسل بس حبيت اوضح لكم الصورة وإن مو انا اللي طلعت السالفة من نفسي !
وهو ترى مثل اخواني كله ضحك وطنااازة بس وياهم غير يتعامل برسمية وهذا اللي مستغربة منه .. واجد يحاسب صوبهم حق حركاته وكلامه .. كنت متوقعة بيكونون واجد ربع وعلاقتهم حلوة لانها يتشاركون في هالنقطة مثل ما قلت لكم بس خاب ضني .. ومو شرط يكون وياهم مثل مابغيت بس عالاقل يقوم بالواجب ويزورهم حتى لوبرسمية ،،
عالعموم مشكورين اخواتي واجد فادني كلامكم ،

وبالنسبة لاهله انا ساكنة معاهم بالبيت ومايصير اثقل عليهم .. لاني كل يوم اشوفهم .. وهذا مو حل بنظري ،

سؤال انتي ليش مضايقه نفسج ليش فاتحه على نفسج باب , أنا دائما انصح كل متزوجه

بأن الزوج يخفف من روحاته لأهل زوجته وهالشئ في مصلحة الزوجة , ولاحظي أن طبايع

هلج تختلف عن طبايع زوجج , ولكن اهم شئ أنج عرفتي السبب , الموقف الي تعرض له

زوجج هو الي زرع الفجوه بين زوجج وبين اخوانج مب قادر يواجههم من الفشيلة , فإنتي

عليج الحين بعدة امور من اليوم ورايح اسرار الحياة الزوجية مهما بلغت من تعقيد لا تخبرينه

حق هلج , الجأي اولا الى الله سبحانه فهو المفرج للهموم وهو الذي يجلب لك السعاده ,

مشكلتك اطرحيها عندنا اهني وايد احسن , حنتج على زوجج ما منها فايده بل العكس

بتضرج بنفسج قلتي , أن قاعد غصبا عنه وهالشعور جدا سئ , نصيحتي من اليوم ورايح

لا تزنين عليه في هالموضوع ما تدرين يمكن خيرة لج , شلون نذوب الفجوه الي صارت

من وقت لوقت خبري زوجج بأن اخوانج يسألون عنه ويذكرونه بالخير , طبعا لا تنتظرين من

اول مره يطير لهم طيران يبي له صبر , بس تبين رايي , أنا دايما انصح بأن الزوج لما يروح

حق اهل زوجته يجلس في مجلس الرجال , الشئ الثاني يجيهم في المناسبات , يوم العيد

بمناسبة حلول شهر رمضان , يتفطر عند هلج مره في رمضان , اذا حد من اخوانج يبي يتزوج

اطلبي من زوجج وبطريقة حلوه فلان اخوي يبي يتزوج واتوقع وقفتك معاهم ضرورية , خليه

يكون معاهم عند الملاج , ويوم يروحون يخطبون خليه نفس اخوهم الي ما يستغنون عنه , في

المناسبات فقط , ولا تنسين نقطتين الي صاير في مصلحتج , نصيحه اياك والزن على الزوج

ترى الزوج ما يحب الحنه يحب يطلع الشئ من نفسه بتحصلينه مزاجه اوكيه , بس سوي الي

قلت لج عليه وبتنولين .

الاخت سيدة نفسي قالت الا كنت بقوله ...

الله يعطيج على قد نيتج خيه