موضوع محير وظالم - منتديات عروس

B

B@R

عروس جديدة

14-07-2011 | 03:38 PM

السلام عليكم

حبيت اليوم اناقشكم في موضوع ممكن نكون ظالمين فيه الناس بس لو سمحتوا بدون حساسيه

الموضوع هو الزوجه الثانيه

انا متزوجه ( مالج علي ) من رجل متزوج وعنده اولاد وبصراحه انا خذيته عن حب عقب ماتأكدت من الاسباب الي خلته يفكر يتزوج مره ثانيه

بصراحه انا قبل كنت رافضه فكرة الزوجه الثانيه وان هي ظالمه وماتخاف ربها خذت الرجال من مرته واولاده

موضوع الله يسلمكم ان مرته الاولى ماتهتم فيه ابدا ودايما تعايره باهلها وفلوسها وحتى لما قالها بيتزوج عليها ماهتمت وعادي عندها حتى لدرجه انها كلمتني وباركتلي ع الزواج وهي مستانسه وبخصوص اليهال انا وايد احبهم وعمري ماخليتهم يحسون اني مرت ابوهم

الي خلاني اتكلم ع هالموضوع ان فعلا احنا ظالمين الزوجه الثانيه
واتمنى انكم تناقشوني بهدوء وبدون عصبيه وتحسس

ل

لينووو

عروس مشرقة

14-07-2011 | 03:57 PM

والله ياقلبي كل ناس وظروفها
يعني في حريم مايستاهلو ازواجهم يتزوجو عليهم لانهم سنعات لكن الرجال تكون عينه زايغه
وفي حريم يستاهلون مثل زوجة زوجك مثلا ولا ماكان ربي حلل 4
يلا الله يوفقك ويبعد عنك المشاكل وتاكدي سبب انه زوجته فرحانه انه بيتزوج وتباركلك بعد
اخاف انه هو الي مبهدلها وتبغى ترتاح منه

أ

أحلى خجل

عروس مشرقة

14-07-2011 | 04:12 PM

الله حلل بدل الزوجه 4
و مدآم مثل ما قلتين اهي مستانسه و لا عندها فيها شيىء
لا تحطين في بالش و خلش وياها زينه لا تصير مشآكل .
و عجبني موضوعش و تفكيرش هذا دليل على أنه عندش ضمير و ذمه

s

souhila35

عروس مشاركة

14-07-2011 | 04:58 PM

اختي بعض ال رجال اكبر الكذابين
على مافهمت وصل لهدفه وانت الضحية
ربما هو لقللها اكذبي والا ومهددة لقول هذا ومجبرة هو الظالم
ستكتشفين زوجته امراءة صالحة وتقوم بواجبتها وا نها تزوجته عن حب وولت له اجمل ذرية
تربية واخلاق وتصل درجة الكذب عند الرجل الى يقول عزوجته انها في فراش الموت وما تعرف شئ وظالمة تعرفين تاكدي اولا مع صديقتك او من اهلك وقد تكون زعلا نة تكون عرفت بوجودك هل تعرفين الخيانة الزوجية

ب

بنت الاهرامات

عروس نشيطة

14-07-2011 | 05:04 PM

كل قصة تختلف عن التانية
في الكويس وفي الوحش
وربنا يسعدك

n

nooralhidayah

عروس مشاركة

14-07-2011 | 06:01 PM

شوفي اختي الغالية انا شخصيا ضد فكرة زواج زوجي من ثانية وليس اعتراض على شرع الله لكن لأني ابذل جهدي وكل مافي وسعي لأرضي الله في زوجي وبيتي واولادي فمن غير المعقول ان يكافأني زوجي بهذه الحركة السخيفة, وكل امرأة مخلصة لزوجها وبيتها سترين منها رفضا قاطعا لهذة الفكرة! اما الزوجة الأنانية والمتكبرة والتي لاتهتم بزوجها او بيتها فمن حق زوجها الزواج من اخرى تلتفت له و تعطيه حقوقه وهذا من رحمة الله بالرجل المسلم ان حلل له مثنى وثلاث ورباع واشترط سبحانه و تعال العــــــــــدل ثم قال في معنى الآية ولن تعدلوا بين النساء وان حرصتم , وبالنسبة لكي اختي اقول لك مبروك وان شاء الله ترتاحي في حياتك لأن اكثر من امرأة في حياة الرجل يتعبها ويتعبه اعانك الله و وفقك وتقبلي نصحي لكي في اولاده ولا تعامليهم بقسوة مهما صار وتذكري سيصير عندك اولاد فعامليهم بالحسنى ارضاء لله وليس لزوجك , ومرة اخرى بارك الله لكما وبارك عليكما وجمعكما على خير!

غ

غربة الرّوح

عروس رائعة

14-07-2011 | 06:12 PM

مبارك عليكِ أختي ، وأسأل الله يبارك لكما ويجمعكما في خير..

وأنتِ أعرف الناس بنفسكِ

ولن نقول أنكِ ظالمة .. فاثبتي

وأتمنى من الأخوات التي ترد على الأخت أن تنتقي كلماتها

فكل كلمة محسوبة علينا يوم القيامة ، فلا نتهم أحدًا باطلاً

ولسنا ضد شرع الله

[

مشرفة سابقة

14-07-2011 | 07:19 PM

لينووو;15367506:
والله ياقلبي كل ناس وظروفها
يعني في حريم مايستاهلو ازواجهم يتزوجو عليهم لانهم سنعات لكن الرجال تكون عينه زايغه
وفي حريم يستاهلون مثل زوجة زوجك مثلا ولا ماكان ربي حلل 4
يلا الله يوفقك ويبعد عنك المشاكل وتاكدي سبب انه زوجته فرحانه انه بيتزوج وتباركلك بعد
اخاف انه هو الي مبهدلها وتبغى ترتاح منه

{ فعلا مو كل الناس مثل بعض..~
ف قصص وظروف تختلف عن غيرها
وكل شي قسمة ونصيب
والمكتوب مامنه مهرب
الله بس يهدي النفوس

ح

حياة جدة

عروس ذهبية

14-07-2011 | 07:24 PM

لا ان شاء الله ما تكوني ظالمة

بس يا اختي اتاكدي من الموضوع وحاولي تسألي عنه وعن زوجته ممكن تكون هي مقصرة وممكن لا والله اعلم

الله يوفقك ويقدم لك اللي فيه الخير

!

!سموي خلقي!

عروس رائعة

14-07-2011 | 07:37 PM

حبيبتي انتي عليج بنفسج وما لج شغل فيها
ومافيها شي الواحد يتزوج على مرته اذا كانت ما تستاهل ومقصرة
بس اذا كانت شايلته وصاينته ومسويته يا دهينة لا تنكتين صراحة شي يقهر ويعور القلب اذا تزوج عليها
وشكله اهوا تحملها وايد عشان اليهال وبعد عمر يبي يشوف سعادته ووناسته وراحته مع غيرها ومن حقه دام انها مو موفرتله جو الراحة
بس انتبهي وتاكدي من نواياها وحطي احتياطاتج وموقفها لما باركتلج ما يبشر بالخيل<<<كانها قعد تقول هين انا اعلمج((( والله اعلم)))
على العموم الف مبروك والله يتمم عليج هالزواجه

س

سكّرهـ

عروس نشيطة

14-07-2011 | 09:02 PM

الله يسسستر لان مافيه زوجة ترضاهاا ع نفسسها انتبهي منهااا ودوم حصني نفسسك الله يوفقك !

(

((حلاوتي بشقاوتي))

عروس ماسية

14-07-2011 | 09:08 PM

ماشاء الله مبروك حبيبتي
الله يتمم لك على خير

حبي هو على حسب الناس فيهم الطيب
وفيهم السيئ

وموفقه حبيبتي

ا

احلى~حلوه

عروس رائعة

14-07-2011 | 09:28 PM

انا صراحه مااني ضدها اثنين من خالاتي زوجات ثانيات! وحده زوجها ماشاء الله مزواج يحب العيال عشان كذا متزوج 4
والثانيه توها مملكه وهي الثانيه وزوجته الاولى مرررررررررررررررررره مهمله نفسها وزوجها اخر همها ونفس الشي كلمت خالتي وباركلتها! بكل برود
اذا الاسباب صحيحه وموجوده اكيد الشرع ماحلل 4 للرجل من فراغ! لان سبحان الله في حريم اصلا يكرهون الزواج! من عقده او شي او خلاااص يصير همهم عيالهم وبسس! والنصيب مايوقفه احد

د

دلع أنوثه

عروس ماسية

15-07-2011 | 02:59 AM

غربة الرّوح;15367827:
مبارك عليكِ أختي ، وأسأل الله يبارك لكما ويجمعكما في خير..

وأنتِ أعرف الناس بنفسكِ

ولن نقول أنكِ ظالمة .. فاثبتي

وأتمنى من الأخوات التي ترد على الأخت أن تنتقي كلماتها

فكل كلمة محسوبة علينا يوم القيامة ، فلا نتهم أحدًا باطلاً

ولسنا ضد شرع الله

فعلا كلامك بمحله مو شرط تكون الزوجه الثانيه ظالمه اوسئيه لسبب انها زوجه ثانيه

وليس شرط ان تكون المراه الاولى سئيه ومهمله لكون زوجها تزوج عليها الثانيه

فبالنهايه كل هذا نصيب وقدر والواحد ماياخذ من الدنيا الا نصيبه

موضوعك رائع اختي :thumbs_up:

B

B@R

عروس جديدة

16-07-2011 | 04:40 PM

انا تأكدت من موضوعها وماخليت احد وسألته انا لي رفيجة تسكن معاهم في الفريج وقالت لي انها فعلا مقصره معاه وتكلم عنه قدام الناس وحتى اهله والله انهم شايليني ع راسهم ومايقصرون معاي
بصراحه انا فالبدايه استغربت انها متصله ومستانسه وحتى قالت لي انه قالها بيتزوج عليها وكان جوابها عادي روح الله يوفقك .

الله يوفق ويسر لي امري ويبعد عني المشاكل وان شاءالله ماكون ظالمه احد

ح

حبيبة زين

عروس ماسية

17-07-2011 | 02:24 AM

الزوجه الثانيه تعتبر شخص يهد كيان اسري

بس اذا الزوجه الاولى مو مقهوره ولا زعلانه ورااااضيه كل الرضا

يصير الامر عادي وربي يوفق الجميع

o

oas

عروس مشاركة

17-07-2011 | 04:35 PM

والله كل انسان وحسب ظروفه واسبابه واغلب الرجال اسبابهم واهيه صراحه وحجج فاضيه.. الله لايكتب علينا الموضوع.. بس باين بحالتك صراحه انه الزوجه ولا على بالها.. لانو كل وحده فينا ليها رد معين في هاذي الحالات..
بس بدي اعرف لو بيوم زوجك فكر ياخد ثالثه عليكي رح ترضي؟؟

والله بالنسبالي اظن لو صار لي هالشي ممكن انجن او اموت حسره بس طبعااا مارح اتشاركه مع اي انسانه.. ولو كنت برضو في موقفك ولو حتى لو فضلت طول عمري بلا زواج مستحيل اتشارك معاه مع زوجه ثانيه الا لو موضوع الزواج ماكان فارق معايا اكثر من الخلفه والزواااااااااااااااج..

بالنهايه الله يوفققققققققك بكل الاحوال