ازيكوا يا بنات عاملين ايه ؟
يا رب تكونوا بخير دايما وبأحسن حال ان شاء الله F:
امبارح كنت قاعده زهقانه فقلت ازيين كشكول مذكراتي :D
وصورتلكوا الخطوات ويا رب تعجبكوا :adore:
بسم الله الرحمن الرحيم
نبدأ
الادوات المطلوبه
1- شرائط ستان + خيوط باللون الموف
ا
2-
استيكرات كيوت + 2 زرار + صوره بنوته كيوت + ورقه ملونه ( بتاع الخطابات ) + خرز ملون
علي فكره صوره البنوته دي كانت غلاف لكشكول محاضراتي وقصيتها ;)
3-
مقص ومسدس الشمع
دي صوره الادوات كلها مع الكشكول الغلباان هههههههههههههههه :D
الخطوات
هجيب الورقه والزقها علي واجهه الكشكول من الاطراف بمسدس الشمع
هجيب الخيوط الموف واساوي اطوالها من فوق
واقصها بالمقص علي مقاس طول الكشكول
والزقها علي الزراار ( كده الطريقه اسهل )
والزقه علي طرف الكشكول
وهنا لزقت الزرارين جنب بعض للكثافه
وهنا من الطرفين ووضع الشريطه الستان بينهم
وهنا لزقت الصوره الكيوت مع فيونكه
وهنا كتبت كلمه مذكرااتي
اعذروني علي الخط كنت مستعجله :thumbs_down:
ومن الاستيكر خدت الاستيكر القلب
ولزقته جنب كلمه مذكراتي
وحددته بالقلم الازرق
ودي كريستالتين لزقتهم عند الخيوط المووف ووسط الفيونكه
وده شكل الكشكول النهائي
يا رب تكون الخطوات واضحه والشكل عجبكوا
وآسفه لو طولت عليكوا ;)
ولو عجبكوا مش تنسوني من الدعاء والتقييم يا قمرات :thumbs_up:
في امان الله وحفظه