السلام عليكم يابنات
عاملين إيه
يارب تكونوا بخير
فطوم ما تشيليش هم ربك إن شاء الله هيدبرها
وتتيسر من عنده
كل البنات اللى علقوا على كلامى عن إخواننا الصوماليين بجد والله حالهم يوجع
القلب ومحتاجين مننا كل ما فى جهدنا علشان نساعدهم
عار علينا لما نكون مليارات المسلمين ومش قادرين ننقذ ملايين معدودة مننا
من الموت جوعا وعطشا
والله الواحدة مننا المفروض تقول لكل اللى تعرفهم وتنبههم علشان يقولوا هم
كمان لكل اللى يعرفوهم علشان الكل يقدم اى مساعدة لهم
وماشاء الله كل الدول العربية وغير العربية فيها جمعيات بتجمع تبرعات
ومساعدات لهم
امس كان ميعادى مع الدكتورة
الدكتورة أمس اكدت لى إن البيبى بتاعى إن شاء الله( عمار):)
بس الدكتورة هزأتنى طبعا ضغطى عالى كالمعتاد 130/90
ولما عرفت إنى بأصوم وحتى ال3 أيام اللى فطرتها كنت بأفطر على العصر لما
التعب بيشتد عليا وقالت لى يعنى يتحسب عليكى فطار من غير ما تغذى
جنينك
عملتى إيه لما تفضلى صايمة 12 ساعة وحتى لما تفطرى ما تاكليش حاجة
وكانت عايزانى افطر على طول بس أنا إترجيتها فقالت لى خلاص تصومى يوم
وتفطرى يوم واليوم اللى تفطريه تكونى مبيتة النية من اليوم اللى قبله إنك
هتفطريه وتقومى اليوم ده تفطرى وتتغدى وتتعشى ولما فكرتها باللى حصل
لى يوم ما ضغطى على وتعبت قوى قالت لى المعدل ده ما يسببش لك كل
الصداع ده لكن اللى زود الصداع عندك هو هبوط السكر عندك
وقالت لى فى الايام اللى أصومها ما أستناش لما التعب يزيد عليا
لان إحتياجات الجسم بتبدأ بعد ست ساعات من الصيام فلو بدأت احس بالتعب
من الصبح أفطر علشان ما أذيش نفسى وأدى جنينى
والحمد لله طمنتنى على نبضه ونموه
مفتاح الصبر ما تقلقيش إن شاء الله خير ربنا يحفظ لك جنينك ويبارك لك
فيه وما يصيبك سوء فيه أبدا
أم مشمش عاملة إيه ياقطة
نجمة نهار
أنا عن نفسى مش هأشترى شتوى خالص غير طقمين بس للخروج
لكن البيت هأكتفى بملابس قطن بكم طويل وعندى بقيت ملابس من أيام سلمى
مناسبة
والأفضل ما تكتريش من الشتوى لان الطفل فى أول شهرين بيكيبر ماشاء الله بسرعة
ده غير إنه بيتلف على طول فده بيوفر له دفء كافى
