♥التجمع السابع لحوامل شهر اغسطس (8) ♥

ولاء البحرين;15430820:
حاليا اني بقوم لان مابقى شي على صلاة الظهر

وعقبها على طوووووووووووووول بدخل المطببببببببببببخ

بعدين بدخل بنشوف اخر التطورااااااااااااااااااااااات وياكم يا بنات


يلااااااااااااااا بااي

شفيتيني على الطبااااااااخ لكن ممنوع

عاد اي شي تسوينه طرشي لي منه لو كفشة وحدة :)

هلا سنفورة
الحمد الله بخير
شخبارش وي الكرشة

ولاء وثلوج صادقين ...هذي ضريبة الامومة .... وضريبة تقص الظهر بعد

امس رحنا المستشفى لان كانوا يقولون لينا ان عنده الغده الدرقيه عنده مرتفعة
ويبون يعيدون التحليل بس الدكتورة امس طمنتنا تقول لازم في هالاسابيع تتطلع عنده مرتفعه لان الهرمون اللي عنده هرمون الام
فما بعيد له التحليل الحين لان بعد بتتطلع مرتفعه وعطتنا موعد لبعد العيد ان شاء الله

صباح الخير<<توها قايمه ..كيفكم بنات والشهر عليكم مبارك الله يجعلنا من صوامه وقوامه ....والف الف الف مبروووووووووووووك لأم حلا البنوته وتتربى بعزها ان شاء الله ..بنات انا اختي المفروض انها والده في 29 يوليو وللحين ماولدت ومعطينها موعد بكره لو ماولدت عطوها طلق صناعي..غريبه انا اخبر ان البكريه هي اللي تتاخر بالولاده واختي هذا المولود الثاني لها لان والاول جابته بنفس موعده بالظبط..الله يسهل علينا يارب

مرحبااا يا حلوووين

شووو الاخباااااااااااااار

تسلمووون عيونكم الحلوووة

اي كلمن قال ان هذا المفرش احلى وخلاص بعتمده للمستشفى ...

وفعلاً اللون عطاه شكل احلى وبعد القلوب المنثرة لانه الي كان في المحل مافية قلوب فية بس جم واحد صغار من تحت وبالكرستال
هذلين طلعو كبار واحلى ... :)

ولاء ززين صمتين
الله يعطيش العافية وتقدرين تواصلين ..
والله الصيام حلو
مادري شلون هذي اول سنة ما احس ان تعب او جوووع
يمكن لانه نايمة للساعه 2 خخخخ يعني اكثر من نص النهار طاف وما بقى شي ..

بنووته
هلا والله ام حمود شخباارش
ان شاء الله كل هذا هرار وحمود مافية شي

اف ضريبة الامومة متعبة
على قولة ريلي عيل تبون الجنه ببلاش خخخ ...


ها بنات شنو فطوركم اليوووم

آنه اليوم في بيت ابوي اول يوووم

والفطور صالونة لحم حق الفريد
ودجاج تحت العيش " في القاعه "
وقيمات
وسمبووسة

بنوته عسل:
هلا والله شخبارش وشخبار مودي حبيبي؟؟ مبارك عليش الشهر
افاا علييييييييييش لو صوبي قريبه جبت لش من كل شي شوي تتضوقين بس وينه وينه انتين بعيييييييييييييييييييد.. وأأأكيييد مممنوع عليش دخول المطبخ والحواسه لانش توش والده وبعملية بعد
فخلش مرتاحه ويه حمود وأكيد أمش وخواتش مابيقصرووووون

هند الرشيد:

هلا والله شخبارش؟؟ الله يسهل على اختشششششششش وتقوم بالسلامة
ويمكن تنتظررررررررررررررررررررش تولدين وياها
الله يسهلها علينا وعليييييييييييييييييكم يااارب
ومبارك عليش الشهر

نبعة الريحان:
هلا والله شخباارش؟ مبارك عليش الشهرررررررررر
وشددعوه للحين دواااااااااااااااااااااام؟؟ خلاص اطلعي اجازززززززززززززززة رمضان وتعب
وقريب بتولديييييييييييييين
الله يسهلها ان شاء الله

الظاهر الكل مشغول بالمطبخ والطبااخ

اني ما سويت شي امي سوت الصالونة والدجاج

وباقي القيمات والسمبوسة
عقب باقوم اسويهم عن امي

سم ون
هلا والله هلااااااااا

الحمدلله صمت اليوم واول ماقعدت بطني يطلع صوووت من الجوغ
بس تحملت واللحين الحمدلله لاعطش ولا جوووع الحمدلله

والوقت كللش ماحسه يمشي سريع لاني قاعده من وقت بس من الليلة بتاخر بالنوم عشان اتاخر بالقعده وبجدي يضيع النهار تقريبا

وفطورنا اليوم مجبوووس دجاج
وسلطه عاديه وسلطة روب باللبن
وقيمات وسمبوسه
ومحلبية عيش وسلطة فواكة

اني لااا اليوم سويت اشياء واجد

السلطة وسلطة الروب باللبن
وسلطة الفواكة

وعالساعه 6 وشي بسوي السمبوسة حلاااته ساخن يناكل

هنوده
اهللين شووو اخباارج
اوو النووم عجيب في رمضان علشان ما نحس بالتعب ويا هالثقل ..

وعادي تصير مو شرط بس البكرية تتأخر
ويمكن موعدها ع الدورة مو مضبوط ناس ما يصير حمل إلا مثلاً في فترة متأخرة من بعد آخر دورة
فيختلف التاريخ
والله آنه ما اشجع انها تروح لهم
اهم كلا جذي اذا الوحده طوفت موعدها قالو تعالي طلق صناعي
آنه بمريوم طوفت موعدي ولا رحت لهم ولا شي
خليتها على الله
خل تنطر يجيها الطلق الطبيعي احسن

بدل ما تروح لهم ويغربلونها كل شوي كشف ومادري شنووو
وحلوو تولدون مع بعض عاد قعدو في غرفة وحده علشان تسلون بعض خخخ وكل ياهل يقعد ويقعد الثاني خخخخ

الدنيا2005 صار ليها جم يوم مابينت؟؟

ان شاء الله ولللللللللللللللللللللدت

يلاا بنات برب بطالع التلفزيوووووووووووووووووووووووووووون

هلا والله ولوووووووية

اني بعد سويت سلطه خخخ
وعلى قولتش القيمات والمسبوسة حلاته صاخن ع الساعه 6 نبدي فية ..

اي نامي متأخر احسن علشان تسمتينها نوومه للظهر

اني البارحه صليت ونمت وما قعدت إلا الساعه 2 الظهرر

الواحد لين قعد من وقت صدق يتعب وما بتجي العصر إلا جعتين وتحسين الوقت ما بيمشي بسررعه

واحنا ما سوينا حلاوة ولا شي
لانه مافي احد ياكل من نقوم من الفطور خلاص نفوول
وتوة اول يوم
وخوب امي مسكينه ولبها ع الطباخ وين تسوي حلاوة
اذا بتسوي تسوي جلي او كريم كرميل
لانه محد ياكل يظل في الثلاجه محد يجيسة
بس يوم الجمعه نسوي حلاوة
لانه اختي واخواني كلهم يجون يجمعون فعقب الفطور لازم نحط الحلاوة ....

وصار خاطري في سلطة فوااكة خخ
بكرة بمر الخضار بشتري فواكة من كل نوع شوية وبسوووي

هلا كروشات ....مبرووووووك ام حلا وتتربى البنوته في عزكم والفال لنا لاني احس خلاااااااااص تعبببببببت جسمي ايعورني من الثقل ابي اولد ان شاء الله الاسبوع الياي اكون ولدت يااااااااااارب

الدنيااا

كأنها امس لو اول امس كانت موجوده

والحين بعد رمضاان وهي يمكن بروحها وجهال اكيد مغفووصة ...

ويمكن بعد سوتها وولدت كل شي جايزز

بس احنا من حنتنا ع الولاده ما ادري متى بنوولد ...
ما بقى شي اليوم تاريخ 1 وموعدي 5
ما يندرى اولد في موعدي هالمرة او أتاخر بعد

انا الصراحه ماسويت ولااااااشي حق الفطور ولا راح اسوي شي اصلا الله يخلي بيت اهل ريلي بيطرشون لنا كل يوم وساعات بروح بيت هلي افطر عندهم لين اولد

بييييييييييييه بنات حدددددددددددددي تعبانه من عقب الفطور للحين

ريحت لي ساعه ونص تقريبا وقعدت نفس الحاله

احس ايدي ورجليني فيهم حرارة مو طبيعية

وثاني شي ظغطي ناااااااااااااااازل ومللني ودقات قلبيه احسها ثقييييييييييييله

انتظر زوجي بروح المستشفى عقب شوي لاني تعبت تحملت واااجد اووووووووووووف

ابغي بس اطمن انه كل شي اوكي والبيبي اوكي

ولاء خلف جبدي القمر مافيش الا كل خير ان شاء الله

يارب يكون فيش طلق

هلا بنوتات اليوم الفطور ماسويت الا شاورما وميني كيش وحطيته بصياني ووديته لأهل زوجي لان اصلا لازم نفطر عندهم...واستحي صراحه انزل لهم ومابيدي شي لازم اسوي لو حاجه بسيطه...بس احس اني تعبانه بقوووه مااقدر تعب وثقل ببطني يارب يسر

هلا هلا بالبنات

يومين اختفيت ولدتوا اللهم صل على محمد اللهم زيد وبارك

ولاء مشكورة على السؤال لا للحين صامدة معاكم وانشالله نسمع اخبار حليوة عنش

ام حسين وام حلا الله يخلي اولادكم ويبارك ليكم وعقبال الباقي

سم ون ما شاء الله كلش حليو المفرش

اما ليش ما ادش فاسمعوا قصتي

اسهر الى 1 او 2 احيانا اولادي ما يرضون ينامون
واحنا صار لينا صايمين كم يوم وبالعادة كل سنة الكل في البيت يتفطر تحت ويا عمتي يعني احنا وبيت حمياني اثنيناتهم واني ومرت حميي علينا الطباخ
فتخيلوا اني اللي اروح ادور ايدام وارجع تنظيف وترتيب واولادي كل شوي يبي ليهم شي ومن الساعة 4 اني في المطبخ وبعدين اسبح واصلي وننزل تحت وبعد ساعة ارد ارجع انظف المطبخفحالتي حالة احس روحي مرهقة وتعبانة ما دري جيفة بولد