♥التجمع السابع لحوامل شهر اغسطس (8) ♥

Z A H R A;15425552:
قوةةة بنآآت شخبااركم ؟؟ صرت هالفترة اللي راحت مااشبك مشغولة وصيام وسوق ووو
وأهلي مسافرين مشتااقة لهم وصاير مالي خلق شيي ...
قلت اليوم اطل عليكم اسأل عنكم .. منهي اللي ولدت فيكم؟؟؟ ^_^
اني بكرة بروح موعدي وبشوف وش تقول الدكتورة نزل الراس لو بعده بس ادعوا لي يكون نزل
اشووفكم على خييررر

الله يقويك يااختي وان شاء الله يكون الراس نزل والله ييسر لك ولنا الولاده ويقومنا بالسلامه امين يارب العالمين

رجعت للصفحاات اللي ورى
الحمدلله على السلامة كل اللي ولدووا
الله يحفظ لكم البيبي يااارب
وعقبالنا نقوم ونشوفهم بالسلامة

سلام شخباركم
ها لحين صامدون

مافي احد ولد

شمعة الف مبروووووووووك
والله واحتليتين المركز الرابع والمركز الاول في البنوتات

الله يخليها لش ويرزقنا ولادة سهلة

سم ون الله يسلمش هالتنظيفات ما تخلص
سنفورة الله يسمع منش انشالله واولد
ولاء اتوقع المركز الخامس بيكون من نصيبش

ورود شكل هالصور ما بتنزل

طائر شخبارش

اني اليوم صايمة وانشالله بكرة بعد واول دعائي بتساهيل من رب العالمين علينا

ام حلا انشالله نسمع اخبار عنش

بنات انا من دشيت التاسع احس حركة البيبي صارت ابطء توصل عشر حركات بس مو مثل قبل

السلام عليكم
أبلغكم أني ولدت يوم الثلاثاء تاريخ ٢٦-٧-٢٠١١
الساعة ١١ وربع مساءا
الحمد لله كل الامور تمام ما عدا ابو صفار اللي مغربل صغيري "حسين"
وان شاء الله كلكم تولدون بالسلامة

وشخباركم وكل عام وانتم بخير ادعولي يوم الاثنين موعد التنويم للاولاده انا موعدي 1-8

ام حسين حمد لله عالسلامة ويتربى بعزش حسووون وان شاء الله بروح ابو صفار

النور الساطع الله بيسر ليش وبتولدين طبيعي بادنه يارب

ببركة االشهر الفضيل

الحمدلله على السلامه ام حسين ويتربى حسين في عزكم.

انا باجر ان شاء الله عندي موعد واتمنى ان الدكتوره لين افحصت علي اتقولي ان الرحم فاتح

قطراويه الله يسهل عليشوان شاء الله يفتح وتولدين بالسلامة

الف مبروك اللي ولدوا وعقبال ام خوخه
صراحه اليوم دشيت واستانست يوم جفت توقيعي احس ما بقى شي
ياريت احد يكتب لنا شنطة البيبي شنو نحط فيها لانه اخاف انسى شي
وشنطتنا بعد ابي احط وافتك

باجر بروح لسعوديه بخذ اغراض حق قرقاعون ولدي و باخذ لي بجامات
تخيلووووووووو اولد هناك

مرحبا حبايب
مبارك عليكم الشهر
اني من تجمع ديسمبر
حبيت ابارك للي ولدوا والله يسهل على باقي البنات

ءه ءه ءه .... هذا حمود يعني قومي تعالي لي

ايه شخبااااااااااااركم وشخبار الكروووشااااااااات يالله بسكم عاد مصختونها ولدوا خلنا نفتح تجمع امهات اغسطس
ونقول عن مغامراتنا ويا الاطفال

الحمد الله طمنتوني عن الاسهال


ايه بقول ليكم قصة الولادة على السريع قبل لا يقعد صدق
الله يسلمكم اني من دشيت التاسع كان يجيني طلق في الليل شوووووووي ويروح

ويوم 17 /7 ف الليل جاني امسااااااااك فظيييييييع
دخلت الحمام وتمييت ساعة الاا ربع اني قاعدة وفي الاخير تمللت وقمت ويوم جيت انشف الا دم في لكلينكس
عاد زوجي قاعد على الاب توب وطلعت اقول ليه العاب ناريه بره الا يقول هاااا وقام قلت ليه تعال ينزل علي دم الا يقول بعد...
وقام يسئل من شنو ولييش وبتروحين المستشفى وووو؟؟؟؟
الموهيم وحطيت كوتيكس بس تمت نظيفه مانزل فيها شي ليوم ثاني
ويوم 18/7 الصبح حسيت بالااااااااام بس مو عارفة هذي شنو هل هي طلق او مغص او جووووع او لوعة ما ادري صراحة شعور مختلط وخبرت زوجي وفي نفس الوقت اقول له مو ولادة شكلها جذب
قعدنا من النوم على الساعة تسع رحنا المركز اجيك نسبة الدم لان يوم 19 عندي موعد مع الدكتورة ولازم اخذ نسبة الدم قبل لا اروح
ورحنا المركز وخلصنا طلعنا نشتري ريوق وتريقنا رجعتنا البيت قلت له وصلني الصالون بحف وصلني وقبل لا انزل قلت له بجي لي لو ارجع مشيا على الاقدام
قال ما ادري بروح ادخل السيارة الكراج تصليح بس انتي اتصلي وشوفي اقدر اجيش او لا
عاد يوم خلصت ما اتصلت قلت خلني امشي لان صار لي يومين ما مشيت
ورجعت البيت مشي وصلت الا زوجي بعد وصل وياي في نفس الوقت بس كان صديقه موصلنه
دخلت بيت عمي وخبرتهم اني بتغدى معاهم لان زوجي بيروح الشغل ومايبي غدا
رحت الشقة واني احس بالم الطلق اقول لزوجي ياساتر عندي طلق يمكن ولادة لا تروح الشغل
الا يقول لي انتي جدابة الحين ولادة الحين مو ولادة انا ما اصدقش
قمت اضحك قال انا باروح الشغل واذا طلعت ولادة صدق خلي اختش توديش (حسيته انه مايبي يعيش هاللحظة خايف من الخبر ... خبركم عندي سوابق ومايقدر على الصدمااات )

الموهيييييم قمت جهزت الشنطة المستشفى ووصيته على كم وصية ورحت بيت عمي
قبل لا يروح الشغل قال لي بخبر امي قلت له لا تقول لها وهي كانت صايمة وقالت لبنت حماي تقولي
اعجن لها قيماات
واني كنت اعاني من الالم بس بصمت وكنت قاعدة وي الجهال وكلما تجيني الطلقة اخذ نفس شهيق وزفير

والشغالة تسالني شفيش مريضة اقول لها ايه تعبانة وتحملت الالم اليييييين الساعة اربع ونص رجعت الشقة
سويت لي ماي ورد وزعفران بس ماشربته خفت يزيد الطلق وكملت باقي اغراض الشنطة وصكيتها وكانت وياي بت حمااي بس ماتدري انها وقت الولادة
اتصلت في زوجي اشوفه يمكن خلص شغل بنتظر الين يرجع بس طلع عليهم شغل واجد
قلت له خلاص اوكي عاد هو الحين جن جنونه وتم يسوي اتصالااات في اخوانه واخته يبي احد يوديني المستشفى وعصبب
واني اتصلت في اختي واتفقت وياها انها توديني بس قلت لها انتظري لين الساعة خمس اخاف اروح ويقولون لي توج
واحد سانتي
ورحت بيت عمي اخبر عمتي قلت لها عندي طلق ونفس الوقت اتصل زوجي فيها وعصب على اخوانه اذا احتاجهم محد يعطيه وجه
وعصبت عمتي على كلامه وهي تقول له انت ليش الحين معصب هي توها ليش مستعجل اصبر عليها
تفكر الطلق توه بادي تشوفني ساكته وهاديه
رجعت اتصلت فيه قلت له اختي بتوديني خلاص لا تتصل في احد وما اقتنع اتصل في اخته
عاد اني يوم جاتني الطلقه قمت اتمشى بالصالة واتنفس واتالم بهدووء في ذا الوقت عمتي اقتنعت انه خلاص
ولادة فقالت خلاص روحي الحين والاطفال يطالعوني شفيها ذي والشغالة تقول لي تعبانة نامي لا اقول لها ابي انام واني واقفة وتميت امشي وزاد الطلق وماتحملت كانت الساعة خمس الا خمس دقايق العصر قلت لبنت حماي يالله قومي وبرزي الكاميرا ابيش تصورين كل اللحظاااات ورجعت الشقة انتظر اختي والا حماتي جايه اقول لها ها قال ليش اخوش قالت ايه اقول لها هذا مايعرف يسكت لازم يتصل للكل وكنت مفكرتها بتوديني المستشفى بسيارتها بس طلعت بجي ويانا
ووصلت اختي وتيسرنا في الطريق كنت اقرا سورة مريم واشرب ماي ورد وزعفران واذا جتني الطلقة اخذ نفس واصلي على النبي
ووصلنا المستشفى واخذوا ضغط ووزن ووو ... جيكت طلعت اربعة سانتي وكنت اتالم موووت من الفحص لان كنت متحاصرة فصرخت عليها بروح الحماام
ورحت الحمام وطلعت بدلوا ثيابي واخذوني على غرفة الولادة
وحطوا اجهزة التخطيط والدكتورة تسال فيني ويوم عرفت بعد اني ماتابعت في السلمانية في خاص جن جنونها
تمت سين وجيم
وجت تشيك علي وتمت يدها داخل تحووووووووووووس تحوووس واني اتالم فتحت كيس الماي
وما ادري شنو سوت زوود ماشفتها الا تقول لي قيصرية الحين انتي موافقة اكيد لا
اني بطلت عيوني لييييييييييييش (اسمع دقات البيبي طبيعيه) وهي تقول لي البيبي دقاته ضعيفه وانفصال في المشيمه وموصخ وشارب وصخ ولازم قيصرية الحين قلت لها بس زوجي في الشغل الا هي معصبة علي
تقول لي شنو تنطرين زوجش اقول لش البيبي تعبان لازم قيصرية ووقعت حتى توقيعي كانه طفله كاتبته

وكنت خايفه وفيني الصيحه بس توكلت على الله وصليت على النبي ودخلت العمليات واني اقول يالله الم الطلق وعمليه الا تقول الدكتورة الحين نعطيش مهدئ ثواني بس وتخدرت (سووني بنج كامل) صحيت على بوسة زوجي على راسي واصوات حماتي واختي والجماعة اللي جوني كنت اسمع اصواتهم واصيييييييييييييح وهم يهدووني ويقولون لي لا تصيحين البيبي زين وانتي زينه الحمد الله (واني اصلا ما ادري اني ولدت )
وطلعوهم وانتظروني بره الين صحيت عدل من البنج وودوني الجناح وماشفت حمود الا يوم ثاني المغرب بالشيشة
وعليه الاجهزة كسر خاطري وصرت ما اروح له الا باليوم مرة وكنت دايما خايفه لاني مو حاسه بشعور الامومة
الى يوم خامس اعتقد خلوني ارضعه وحسيت نفسي دايما ابي اقعد عنده وكل شوي انط عنده

وطبعا ترقدت معاه 8 ايام وكل يوم يضبطون له شي ويطلع عنده شي ثاني
والحمد الله ماترخصت الا كل شي عنده صار اوكي وتمااااااااااااام الحمد الله رب العالمين

والحين يالله الم العملية والم الهوز اللي حطوه تكرمون للابوااااااااااال والظهر
يالله كله يهووون بشوفة ولدنا


ولا ازيدكم بعد قبل شوي شرق فطس حمود وعلى طول وقف قلبي ناديت امي وكان فاطس عدل خفت عليه مووووووووت ماظنيت عليه يرجع الحمد الله

على فكرة هذي القصة مختصرة هااااا خخخخخخخخ

الف مبروووووووووووووووك ام حسيييييييييييييييييييين

ويتربى بعزكم حسين الصغيررر

وتستاهلين السلامة

وماعليه شر ان شاء الله

بنوته عسل القصه حدهااا احليوووة وماتخوف شجعتيني لو جه الم الطلق الحقيقي أصبرررررر

والله يصبرني فعلا

والحمدلله على كل حال أهم شي جه حمود حبيبي وصار بحضنش وصرتين احللللللللللللى ام بالدنياااااااااااا

الله يخليه وتشوفينه معررررررررررررررس

عقبال ولاداتناااااااااااااااااا أدعي لييييييييييينه

سنفورة هلا فيش

حتى لو اخذت نفس ورجعت بعد ماتسوووى عليييييييييي

لان الحجره فطسسسسسسسسسسسسه نار جهنم

والمكيف بيوصل عالساعه12 او 1 الظهر وهالحزة ان شاء الله اقدر ادخل واسولف وياكم اي وقت ابغي

الدنيا2005

ان شاء الله مثل ماقلتين احتل المركز الخامس

بس غلبتني ام حسين وجابت حسووني

فان شاء الله احتل المركز الساددددددددددددددددددس واولد بالسلامة