كل يوم هنتكلم عن موضوع جديد لصحه طفلك ..الجزء الثالث

hولا انا اسفه جدا جدا على التاخير بس كان عندى ظروف صعبه جداا جداا ربنا مايكتبها على حد يا رب

*Om Mo3az & Eyad*;15484290:
جزاكي الله خيرا يا دينا
بس لما وقت النوم بييجي بقى وكلنا ننام اللي هو 6 الصبح يعني ههههههههههههههه
هو بينام وبيصحى كل ساعه بالظبط وساعات مش بيكمل الساعه نايم كمان وبيصحى يعيط ومش بيفتح عينه اصلا
هو بالنهار ومعاذ صاحي بقى وبيعمل دوشه فاياد بيفوق

وكمان لو عاوز ينام مش بيحب ياكل بالمعلقه عاوز يرضع او ياخد البيبرونه
مافيش حاجه اديهاله ف البيبرونه ؟


وكمان المانجه كويسه دلوقتي ولالا

بصى يا ايمى انا كنت بحط السيريلاك فى الببرونه و اخففه اوى يبقى عامل زى اللبن كده
ممكن دا يساعدك اوى

بالنسبه للمانجه لا بلاشها دلوقتى لسه شويه

dandona om jou;15487401:
ازيكو يا قمرات وحشتوني جداااااااااااااااا

دوني الجميلة جزاكي الله كل خير انا يوسف حبيبي كمل ماشاء الله سنة امبارح ربنا يحميه و يبارك فيه اللهم آميييييييييييين عايزة اعرف انظمله نومه ازاي بجد تعبتن جدا من الموضوع ده و صحتي في النازل بالله عليكو عايزاكو تقولولي حل عملي لموضوع تنظيم النوم نفسي ينام بليل زي الناس و تاني حاجة كمان دلوقتي عايزة نظام غذائي لعمر السنة و لا اقدر اوكله كل حاجة

ازيك يا دندونه فينك من زمان
بالنسبه لموضوع تنظيم النوم ده حددى ساعه معينه للنوم فى كل يوم تبقى قبلها عاطياله شاور دافى و تروحى اخداه و مضلمه الاوضه و تدخلى تنيميه كل يوم فى نفس المعاد
هيدوخك شويه فى الاول بس بعد كده ان شاء الله هيبتدى يعود نفسه ان دا وقت النوم

بالنسبه للاكل بقى ياكل زيه زيك يعنى كل حاجه انتى بتاكليها اكليه منها

dandona om jou;15487639:
كمان عندي سؤال و النبي انا دلوقتي يوسف لسه بيديه بيدكال كل يوم معلقة افضل ماشية عليه و لا في حاجة ازودها او احطها مكانه

و عندي واحد صاحبتي بردو ابنها شهرين و بردو نفس مشكلة الشمس هنا صعي نعرض الاطفال ليها تبدأ تدي من امته كالسيوم و فيتامين د

ايوة استمرةى معاه شويه بالبيديكال طالما مش بتعرضيه للشمس
و بالنسبه لصاحبتك تديه فيدروب بس 4 نقط و الكالسيوم بعد ميتم 6 شهور

~OM-ADAM~;15490783:
عاملين ايه يا قمرات وحشتوني جدا.. دونا ازيك ياقمر وازي سمسمة جبتيلها لبس العيد ولا ضحكتي عليها .. آدم عنده بداية برد كده النهارده بدأت برشح أعمل ايه معاه الحق قبل ما يزيد؟ و هو له أربع أيام عنده امساك أول يومين مفيش خالص وثاني يوم بالليل فجأة قعد يصرخ جامد مش عارف يعمل حمام و عملتله لبوسة جلسرين عمل بس ناشف جدا ولحد دلوقتي بيعمل بصعوبة جدا و ناشف مش عارفه من ايه لأن هو مش اكل أي حاجة جديدة وبياكل زبادي كثير تقريبا الوجبة الأساسية عنده.. و هو طبعا كان له فترة كان عنده اسهال و بدأ يتحسن بس من أسبوعين كده.. هو مش بيأخذ غير البيديكال و الجاست ريج بتاع سوء الهضم..

ازيك يا بوسى انا الحمد لله و سما كمان جبتلها لبس العيد بعد ملفيت اسكندريه كلها بس جبتلها طقم عسل لوى هبقى اصورة و اوريهولكم اول ما النفسيه تتظبط ان شاء الله

بالنسبه للبرد بلاش تديه دوا من دلوقتى خليكى معاه بالاعشاب او لو لقيتى دوا اسمه فلوسيز اديله 5 سم و لو البرد زاد عليه اديله رينوستوب نص قطارة بس دا لو اضطريتى اوى لانى مش بحب الدوا ده بصراحه

بالنسبه للامساك شربيه ينسن و اكليه زبادى و اديله اللبوسه الجلسرين لو قعد يومين كاملين ميعملش

ساره افندي;15491012:
صباح الخيررر ازيك يادندنه كنت عايزه اسالك يوسف في شعره القشره بتعت المهد ديه
وعامله تكتر بغرق شعره زيت جنسون علشان برفين فبل مايستحما بساعه واغسله كويس اوووي ببيب جنشون الابيض ومفيش فايده بتكتر بردوه رغم اني بسرح ليه بفرشه ناعم مش خشنه غيرت الشامبوه وبردوه وخايفه تكتر تبقا زي اخوه لما كان صغيرر وكنت وحشه اووووي
انا بعمل العمليه ديه كل يوم وبردوه بتكترررر

ازيك يا سرسورة بصى القشرة دى بتروح و تيجى تانى لحد فترة معينه من 4 شهور ل 6 شهور
انتى لو عايزة تشيليها حطيله زيت جونسون و سيبيه فترة لحد ميطرى خالص و بمشط صغير شيليها بالراحه لحد متطلع معاكى هتلاقيها طلعت بسهوله
لو لقيتيها رجعت تانى سيبيها بقى لما تطلع كلها مرة و احده و تحسى انها مش بتزيد و ساعتها اعمليها

ضياء الجنه;15491837:
ام سيمو منة عندها شهرين الا تلات ايم هتبتدى تاخد فيتامين د والكالسيوم من امتى

بعد متتم شهرين يا شيمو ابداى اديها فيدروب 4 نقط كل يوم
انما الكالسيوم بعد متتم 6 شهور ان شاء الله

يعني يا دوني مجبش الهايكال عشان اساعده امتر في التسنين و لا البيديكال كفاية مفيش حاجة تانية اقدر اديهاله فيتامينات او كالسيوم او كده عشان بس بابا يلحق يجبيل من مصر قبل ما يجي ان شاء الله

دلوقتي المفروض اديله اد ايه من البيدكال معلقة و لا اد ايه كل يوم

دوني ألف سلامة علي اخوكي يا حبيبتي وربنا يتم شفاه علي خير.. آدم رجع لوحده الحمدلله الاسهال راح بس مش عارفه الامساك ده كان من ايه يلا الحمدلله.. والبرد كنت أديتلو رينوستوب مرة واحدة مش هديلو ثاني المشكلة اني مسافره آخر الاسبوع ان شاء الله وكده نفس سيناريو آخر مرة سافرت فيها كان عنده برد وسافرت عند حماتي زاد أكثر وكان دور برد بشع وخايفه السفر يتعبه أكثر لا قدر الله.. دلوقتي آدم له كام يوم شغال زن فظيع وكل ما اسيبه من أيدي يصرخ ويعيط ويتمرغ في الأرض وعاوز طول الوقت عاوز صدري حتي وهو نايم وساعات يعيط لحد ما ياخذه أول ما ياخذه نص دقيقة يسيبه و ينزل أول ما يلمس الأرض يرجع يعيط و يصرخ واللي زاد النهارده كل شوية يعيط وأرضعه ينام شوية و يصحي تقريبا طول اليوم نايم ولما يصحي يرجع للعياط أعمل معاه ايه أنا تعبت اوي.. هو طلع ما شاء الله سنتين تحت و ثلاثة فوق ممكن يكون بيطلع حاجة ثاني؟

جزاكى الله خير يا ام سيمو

بوسي ازيك ياقمر بصي تايا واخده اليومين دا دور تحدي معايا يا هي الى بتربيني يا انا الى بربيها وهي انها تطلب ترضع ف ارضعها ف تقوم تلعب ف حاجهه وعاوزانى مطلعه صدرى عادى وترجع لو ملقتهوش تفضل تشد ف التى شرت ولا البجامه وتزن انا بقي بقولها نوووو وبحزم حتى لو عيطت هى فرصه وجتلها وتشتغلها بقي يا متستغلهاش

بس فالفتره دي خللى عندك شخصيه قدامه شويه مرنه وشويه حازمه بمعني عرفيه نبره صوت او كلمه بيها يعرف انك رافضه او في حاجه غلط بيعملها انا بستخدم لتاتا كلمة نووو ونبره صوت معينه وباباها نفس الشئ ومبحاولش الخبطلها معلوماتها

يعني فوقت النوم بقولها نووووووووووووم
ف ماشاء الله عارفه كلمه نوم يعني ايه...باباها بقي يحب يشتغلها شويه واحنا قاعدين ويقولها نوووم وده طبعا مش صح لانها بتبصلو بصه انت بتهزر ولا اييه وده هيلخبطلها معلوماتها

انا قصدي انو ف الفترة دي مش كل حاجه تستجيبي ليها ولو بيزن علي طول ممكن تبقي ودانو بتوجعو لان تايا لما بتمر بالموقف ده فالغالب بتبقي ودانها

dandona om jou;15495518:
يعني يا دوني مجبش الهايكال عشان اساعده امتر في التسنين و لا البيديكال كفاية مفيش حاجة تانية اقدر اديهاله فيتامينات او كالسيوم او كده عشان بس بابا يلحق يجبيل من مصر قبل ما يجي ان شاء الله

لا يا دودو البيديكال كفايه اوى عليه

dandona om jou;15495557:
دلوقتي المفروض اديله اد ايه من البيدكال معلقة و لا اد ايه كل يوم

5سم مرة واحده يوميا

~OM-ADAM~;15495586:
دوني ألف سلامة علي اخوكي يا حبيبتي وربنا يتم شفاه علي خير.. آدم رجع لوحده الحمدلله الاسهال راح بس مش عارفه الامساك ده كان من ايه يلا الحمدلله.. والبرد كنت أديتلو رينوستوب مرة واحدة مش هديلو ثاني المشكلة اني مسافره آخر الاسبوع ان شاء الله وكده نفس سيناريو آخر مرة سافرت فيها كان عنده برد وسافرت عند حماتي زاد أكثر وكان دور برد بشع وخايفه السفر يتعبه أكثر لا قدر الله.. دلوقتي آدم له كام يوم شغال زن فظيع وكل ما اسيبه من أيدي يصرخ ويعيط ويتمرغ في الأرض وعاوز طول الوقت عاوز صدري حتي وهو نايم وساعات يعيط لحد ما ياخذه أول ما ياخذه نص دقيقة يسيبه و ينزل أول ما يلمس الأرض يرجع يعيط و يصرخ واللي زاد النهارده كل شوية يعيط وأرضعه ينام شوية و يصحي تقريبا طول اليوم نايم ولما يصحي يرجع للعياط أعمل معاه ايه أنا تعبت اوي.. هو طلع ما شاء الله سنتين تحت و ثلاثة فوق ممكن يكون بيطلع حاجة ثاني؟

الله يسلمك يا بوسى امين يا رب
ان شاء الله خير و مش هيجيله البرد بس خليكى عامله احتياطاتك ز خلى معاكى الدوا
بالنسبه للنص التانى من السؤال كنت هجاوب عليكى بنفس رد توكى كفت ووفت ما شاء الله
بس اتاكدى الاول ان عيتطه ده دلع مش حاجه واجعاه لانه لو فعلا بيطلع حاجه هيبقى هو دا السبب

ضياء الجنه;15496283:
جزاكى الله خير يا ام سيمو

جزانا و اياكى يا حبيبتى

M!ss Tuky;15497986:
بوسي ازيك ياقمر بصي تايا واخده اليومين دا دور تحدي معايا يا هي الى بتربيني يا انا الى بربيها وهي انها تطلب ترضع ف ارضعها ف تقوم تلعب ف حاجهه وعاوزانى مطلعه صدرى عادى وترجع لو ملقتهوش تفضل تشد ف التى شرت ولا البجامه وتزن انا بقي بقولها نوووو وبحزم حتى لو عيطت هى فرصه وجتلها وتشتغلها بقي يا متستغلهاش

بس فالفتره دي خللى عندك شخصيه قدامه شويه مرنه وشويه حازمه بمعني عرفيه نبره صوت او كلمه بيها يعرف انك رافضه او في حاجه غلط بيعملها انا بستخدم لتاتا كلمة نووو ونبره صوت معينه وباباها نفس الشئ ومبحاولش الخبطلها معلوماتها

يعني فوقت النوم بقولها نووووووووووووم
ف ماشاء الله عارفه كلمه نوم يعني ايه...باباها بقي يحب يشتغلها شويه واحنا قاعدين ويقولها نوووم وده طبعا مش صح لانها بتبصلو بصه انت بتهزر ولا اييه وده هيلخبطلها معلوماتها

انا قصدي انو ف الفترة دي مش كل حاجه تستجيبي ليها ولو بيزن علي طول ممكن تبقي ودانو بتوجعو لان تايا لما بتمر بالموقف ده فالغالب بتبقي ودانها

:thumbs_up::thumbs_up:

دونى
ادهم صحي النهارده سخن و درجه حرارته 38.2 و عنده اسهال من امبارح
اتصلت بدكتوره قالي اديه سيتال و شربيه عصير تفاح و جزر
بس مش عارفه السخونيه و الاسهال ده من ايه

sweetyronaaa;15501206:
دونى
ادهم صحي النهارده سخن و درجه حرارته 38.2 و عنده اسهال من امبارح
اتصلت بدكتوره قالي اديه سيتال و شربيه عصير تفاح و جزر
بس مش عارفه السخونيه و الاسهال ده من ايه

رونا الاسهال بيعمل كام مرة و سايب خالص ميه يعنى و لا ماسك نفسه شويه
و هل معاه ترجيع؟

*DONY*;15494537:
hولا انا اسفه جدا جدا على التاخير بس كان عندى ظروف صعبه جداا جداا ربنا مايكتبها على حد يا رب


بصى يا ايمى انا كنت بحط السيريلاك فى الببرونه و اخففه اوى يبقى عامل زى اللبن كده
ممكن دا يساعدك اوى

بالنسبه للمانجه لا بلاشها دلوقتى لسه شويه

دينا ربنا يفك كربكو ان شاء الله وييسر لكو الامور يارب يا حبي


جزاكي الله خيرا
هحاول احط له السيريلاك كده ف البيبرونه واجرب
انا نفسي افطمه من الرضاعه الليله بس لسه بدري اوي للاسف
هو ممكن يتفطم منها امتى ؟



وكمان هو تم ست شهور خلاص الحمدلله
ادي له كالسيوم ولا ايه بقى
واد ايه ف اليوم كمان

*Om Mo3az & Eyad*;15501715:
دينا ربنا يفك كربكو ان شاء الله وييسر لكو الامور يارب يا حبي


جزاكي الله خيرا
هحاول احط له السيريلاك كده ف البيبرونه واجرب
انا نفسي افطمه من الرضاعه الليله بس لسه بدري اوي للاسف
هو ممكن يتفطم منها امتى ؟



وكمان هو تم ست شهور خلاص الحمدلله
ادي له كالسيوم ولا ايه بقى
واد ايه ف اليوم كمان

لا مش دلوقتى خالص تفطميه بالليل يا ايمى ع الاق لما يكمل 10 شهور او سنه
بالنسبه للكالسيوم ايوة ابداى اديله بيديكال 5 سم كل يوم

*DONY*;15501633:
رونا الاسهال بيعمل كام مرة و سايب خالص ميه يعنى و لا ماسك نفسه شويه
و هل معاه ترجيع؟

الاسهال مايه خالص و عمل 6 مرات امبارح و النهارده 4 لغايه دلوقتى
ووديته للدكتور النهارده قالي ان اللثه عنده وارمه اوى و عنده كمان برد
و مرضيش يكتبلي دوا للاسهال او للبرد قالي بس امشي على الخافض و اشربه عصاير و ااكله حاجات ممسكه عشان الاسهال

sweetyronaaa;15504024:
الاسهال مايه خالص و عمل 6 مرات امبارح و النهارده 4 لغايه دلوقتى
ووديته للدكتور النهارده قالي ان اللثه عنده وارمه اوى و عنده كمان برد
و مرضيش يكتبلي دوا للاسهال او للبرد قالي بس امشي على الخافض و اشربه عصاير و ااكله حاجات ممسكه عشان الاسهال

لا التسنين ميعملش اسهال جامد للدرجادى
اهم حاجه عوضيه عن الاسهال ده بسوايل كتير و الافضل انك تجيبيله محلول جفاف هيدروسيف و تديله بعد كل مرة اسهال كيس على 200 مل ميه مغليه و مبرده تديله منه معلقه بمعلقه على مدار ساعه
و اديله معاه لاكتيول فورت
و الف سلامه عليه

دينا يا قمراية هوا المفروض يوسف افضل اديله بيدكال لحد امته ان شاء الله و مافيش حاجة تساعد على التسنين

*DONY*;15504444:
لا التسنين ميعملش اسهال جامد للدرجادى
اهم حاجه عوضيه عن الاسهال ده بسوايل كتير و الافضل انك تجيبيله محلول جفاف هيدروسيف و تديله بعد كل مرة اسهال كيس على 200 مل ميه مغليه و مبرده تديله منه معلقه بمعلقه على مدار ساعه
و اديله معاه لاكتيول فورت
و الف سلامه عليه

صح يادندنه لازم تلاحقه بسوايل لانه لبعد الشر معرض لجفاف وديه معلق كل خمسه دقايق لانه ممكن يرجعه لو شربه كامل
اصلي عندي عقده من موضوع الجفاف والاسهال ده:'(

امبارح يوسف وقع و شفته اللي تحت افتحت من الجنب بسنانه و وورامة لسه عملتلته كمادات مية دافية بس بردو وشه من بره متشلفط من تحت شفته و شفته وارمة من الجنب اعمله ايه تاني لحسن صعبان عليا اوي و بيقوم كل شوية يعد بصرخ و يعيط من الوجع بتاعها

*DONY*;15504444:
لا التسنين ميعملش اسهال جامد للدرجادى
اهم حاجه عوضيه عن الاسهال ده بسوايل كتير و الافضل انك تجيبيله محلول جفاف هيدروسيف و تديله بعد كل مرة اسهال كيس على 200 مل ميه مغليه و مبرده تديله منه معلقه بمعلقه على مدار ساعه
و اديله معاه لاكتيول فورت
و الف سلامه عليه

تسلمي يا دندن
طيب و الحراره اعمل معاها ايه
انا بديه قطاره سيتال كل 6 ساعات و معاها 8 نقط كتفلام كل 8 ساعات
و مع ذلك الحراره بتنزل ساعتين او تلاته و ترجع تانى
و امبارح اضطريت انى احميه في ميه بخل عشان تنزل
فيه حاجه اقوى من كده ادهالوا

dandona om jou;15505841:
دينا يا قمراية هوا المفروض يوسف افضل اديله بيدكال لحد امته ان شاء الله و مافيش حاجة تساعد على التسنين

لحد ميكمل تسنين
و كترى من صفار البيض و اللبن و الزبادى و الكبد

dandona om jou;15508173:
امبارح يوسف وقع و شفته اللي تحت افتحت من الجنب بسنانه و وورامة لسه عملتلته كمادات مية دافية بس بردو وشه من بره متشلفط من تحت شفته و شفته وارمة من الجنب اعمله ايه تاني لحسن صعبان عليا اوي و بيقوم كل شوية يعد بصرخ و يعيط من الوجع بتاعها

الف سلامه عليه اعمليله كمادات مايه ساقعه مش سخنه و اديله بروفين شرب
عشان يسكنله الالم

sweetyronaaa;15508355:
تسلمي يا دندن
طيب و الحراره اعمل معاها ايه
انا بديه قطاره سيتال كل 6 ساعات و معاها 8 نقط كتفلام كل 8 ساعات
و مع ذلك الحراره بتنزل ساعتين او تلاته و ترجع تانى
و امبارح اضطريت انى احميه في ميه بخل عشان تنزل
فيه حاجه اقوى من كده ادهالوا

بلاش الكتافلام اديله ميجافين شرب
و بيتهيالى انها كده نزله معويه سا رونى محتاج ياخد مضاد حيوى و الافضل دكتور يشوفه

*DONY*;15509200:
لحد ميكمل تسنين
و كترى من صفار البيض و اللبن و الزبادى و الكبد



الف سلامه عليه اعمليله كمادات مايه ساقعه مش سخنه و اديله بروفين شرب
عشان يسكنله الالم



بلاش الكتافلام اديله ميجافين شرب
و بيتهيالى انها كده نزله معويه سا رونى محتاج ياخد مضاد حيوى و الافضل دكتور يشوفه

تسلمي يا دندن
هو الحمد لله الحمد لله النهارده الحراره مش عاليه اوى الحمد لله
و هوديه برده للدكتور يبص عليه تانى
ربنا يجازيكي كل خير يا دندن و متشوفيش وحش في سما ابدا

دينا معلش انا زهقتك اليومين دول
بصي بقي ادهم الحراره نزلت و من ساعه ما نزلت ظهر عنده حبوب حمرا و انتشرت في جسمه كله
كلمت الدكتور بتاعه قالي ده طفح وردي من الحراره و هيروح لوحده
و قالي ادهنهله كلاميل
و قالي كمان انه يستحمى عادي و مش راضي انى اوديه له عشان يشوفه
المهم بقي انا مش عارفه الطفح ده معدي و لا ايه يعنى ممكن يعدي اطفال تانيه كده و لا لأ
و لو معدي هيفضل معدي لحد امتى لان عندنا اطفال كتير في العيله و كلهم من سن ادهم فخايفه يعدي حد فيهم
و كمان ماما مخوفانى من موضوع الحمى
و الاحسن امشي على الكلاميل و اسمع كلام الدكتور
و لا اوديه لدكتور تانى يشوفه