امممممممم استعدادتنا لشهر الخير والبركه

يابنات الله يرضى عليكم قبل لاتقولون ابسوي وابسوي قولي قبل كل شيئ ان شاء الله سافعل كذا وكذا
( ولا تقولن لشيء إني فاعل ذلك غدا إلا أن يشاء الله واذكر ربك إذا نسيت )

حياكم فتيات

سمحولي نزلت موضووع ثاني عشان يترتب بالصور

http://forums.3roos.com/showthread.php?t=627212

شاركووو معاي وقيموووني

اختي هاي ملوخيه مو سبانخ

يسلم راسج عدلت الاسم :)

النويره;15355165:

كرات الدجاج

صدور دجاج مسلوقه ومفتته
جبن مبشور
جبن كأس
نعناع
نخلطهم مع بعض ونكورهم ونحطهم بالبيض وبعدين بالبقصمات وعلى طول بالفريزر وبعد ما يجمدون شوي احطهم بأكياس وبالفريزر

ملاحظه:

ووقت التقديم تطلعينها قبل بوقت 10 دقايق علشان تذوب وبعدين تحطين زيت بالمقلى لين يسخن وتنزلين الكور فيه وتخلينهم على راحتهم ما تستخدمين الملعقه ابد علشان ما يتفتتون بس بالتحريك

مشكورة حبيبتي كنت اتسائل شلون اسويهم قبل واحطهم بالفريزر خفت يختربون زين علمتيني الطريقه لان السنة اللي راحت كنت اسويهم بوقتهم وياخذون مني وقت واكون مزحومة مع الطباخ مايمديني اسويهم ثانكس على الطريقه.... انه عن نفسي اسوي اصابع جبن وراح اسوي سمبوسة دياي وراح اسوي كرات الدجاج بالجبن واكيد معجنات تكون بنفس الوقت اللي راح اسويه وابيه طبعا ما استغني عن بيتزا وخلية النحل وفطاير الجبن اللي علمتني اياهم الوالده الله يحفظها ومشكووورين عن الموضوع المفيد

ياحلاة شهر رمضان وياحلاة ايامه وتجهيزاته الله يعوده علينا بالخير والعافيه انا انشاالله بعد النص من شعبان ببتدي تجهيز اللفائف

كركوره;15358958:
يابنات الله يرضى عليكم قبل لاتقولون ابسوي وابسوي قولي قبل كل شيئ ان شاء الله سافعل كذا وكذا
( ولا تقولن لشيء إني فاعل ذلك غدا إلا أن يشاء الله واذكر ربك إذا نسيت )

ابكاني همي;15354098:
انا مو كـــــآآآآآسر ظهري الا غسل الموأأأعين بعـــًد الفطـــُور ,,,<<<<< كيفي بفضفض قولوا رفله :'(:'(

الله يعينج والله ما تنلامين خاصه برمضان الوحده اذا تفطرت خلاص طاح حيلها
اذا عادي استخدمي صحون بلاستك

:)ايه ياقلبي ناويه على صحون البلاستيك اكييييد الحين بسوي كرات الدجاج هذي عجبتني موووووت يعطيك العاافيه نوييره يلا كملووووو بنات

صبايا قصدكم تجمدون السبرنغ رول نفس هذي النوعية ؟ طيب لو بنحشيها خضار وشوية دجاج يعني بالطريقة الصينية نحشيها بعدين اللف ..ومايخرب طعم الخضاار ؟ وهل نطلعها قبل الفتره بوقت طويل ولا قصير ؟

حلو الموضوع....
بالنسبهـ لي انا امي اللهـ يعطيها الصحهـ والعافيهـ تلف 3 انواع سمبوسهـ ( دجاج *لحم*جبن سائل)
لاني انا ماعرف الف السمبوسهـ <<<لاتضحكون علي هع هع
والورق عنب انا الفها واخيرا عرفت الف قرشتين ورق عنب اجلس عليها يومين لانها تتعب مرهـ
والسبرنغ رول الفها انا حشوهـ دجاج وكلها بالفريزن
اما الكبهـ ناخذها جاهزهـ من وحدهـ تسويها لنا
حاليا هذا اللي بنبدء فيهـ يوم الجمعهـ...

أنا غيـــر;15365442:



صبايا قصدكم تجمدون السبرنغ رول نفس هذي النوعية ؟ طيب لو بنحشيها خضار وشوية دجاج يعني بالطريقة الصينية نحشيها بعدين اللف ..ومايخرب طعم الخضاار ؟ وهل نطلعها قبل الفتره بوقت طويل ولا قصير ؟

هلا اختي بالنسبهـ لسؤالكـ اي هذي النوعيهـ واحسن نوعيهـ هذي وبالنسبهـ للخضار والدجاج مايخرب ابدا اذا كانت بالفريزر وقت ماتحمين الزيت طلعيها واقليها بس وبالعافيهـ...

^o)^o)هذي نوعية السبرينغ رول ماتيبس مع القلي بنات يعني تصر يابسسسه

يعطيج العافيه نووويره بجرب الكرات شكلها فزززيعه ,, خلينا نشووفج في موضووع الاخت ترااجي ^^

النويررره ابي اسألج

شنو خلطة الثووم والزنجبيل

مرحبا انا وامي جهزنا حشوت السمبوسه لانو بابا مايحب السنبوسه المفرزنه وجهزنا قطر للحلى اشياء بسيطه وكل سنه في رمضان نجهز من نفس اليوم

خـــ Mrs ـــوخة;15373512:
النويررره ابي اسألج

شنو خلطة الثووم والزنجبيل

أمس جهزت الخلطة


آخذ نص كيلو ثوم وربع كيلو زنجبيل واقشرهم واحطهم في الخلاط مع شوي ماي وشوي ملح وأخلطهم ويصير عندي معجون الثوم والزنجبيل طبعاً أضيفه على الأطباق اثناء الطهي أونواع الرز والكبسه وأتبل بها الدجاج واللحم بعض الخلطات للسبرنغ رول والسمبوسه

خـــ Mrs ـــوخة;15373502:
يعطيج العافيه نووويره بجرب الكرات شكلها فزززيعه ,, خلينا نشووفج في موضووع الاخت ترااجي ^^

قبل أمس جهزنا كرات الدجاج وطبعاً لذيذه جداً وطبعاً ما ألحين نأكل منها انا وزوجي شكله ما يجي رمضان الا احنا خلصنا كرات الدجاج

انا متكسلة ما عاملة شي بس لازم اسوي كبة وبورك وفطاير قبل رمضان