السلام عليكم
كل سنة و انتم طيبين يا قمرات
انا اول مرة ادخل التجمع هنا بس ما شاء الله شكله جامد اوي
انا بقى عايزة اسألكم و ما تضحكوش عليا :)
أنا عمري ما اشتريت برفان غير من أفون او اوريفليم و صراحة افتريت و شايلة يجي 15 واحد !!
بس نفسي اشتري من الحاجات العالمية
فالسؤال بقى إيه المحلات المضمونة اللي بتبيع حاجات أصلي في اسكندرية .. أنا سمعت عن مزايا و فيسز بس معرفش هما أغلى من غيرهم و لا إيه
و روحت ديب مول لقيت محل اسمه ريتشي ريتشي حاطط برفانات نفس اسامي الماركات العالمية بس معرفش هي مضمونة و لا تقليد ..
كمان بقى انا مبعرفش اشتري ازاي من هناك
لو فرضنا ان مفيش برفان معين في بالي اورح لعمو البياع اقوله ايه بالظبط
اقوله عايزة برفان في حدود كذا مثلا ؟
و لا انتم بتعملوا ايه و انتم رايحين تشتروا ؟
و لو في موقع اقدر اعرف منه اسعار البرفانات في مزايا و لو بالتقريب عشان اكون عاملة حسابي من قبل ما اروح
و جزاكم الله خيرا