~ღ♥ღتجمع امهات شهر يونيو (6) ღ♥ღ2011~

ام فآآطمة;15350134:
ىتهلا امهات وربي دموعي تنزل اربع اربع عيوني متنفخه من الصياح

انا رحت شقتي وتعبت نفسيا الاكتئاب رتح عني بعد 20 يوم من الولاده وحين رجع

لانن بشقتي مافي نوم

بنتي فطوم تجلس بوقت وزهراء بوقت يتناوبون علي

واحيانا ينامون بس ماقدر انام احس بكتمه وضيقه على قلبي واظل اصيح

وخاصه ان زوجي ماخلاني امانع وخايفه احمل والله احس بموت لو احمل كذا ومو قادره فيهم

دعواتكم لي ارجوكم

احس ممكن لان تعودت على اهلي من زوجت مكاني متزوجه كل ماراح زوجي شغله ارجع عندهم

اما هالمره طلعت من غير عوده

خذت كل اغراضي حسيت بان قلبي نزعوه من مكانه

والله ماني قادره اتحمل افكر بالموت بس لما اشوف بناتي اقول لو مت من لهم من يهتم فيهم

مادري شسوي احس حياتي جحيم كيف لو بحمل بعد شبيصير

كنت ابي امانع بس مو عارفه وهو يقول مو محلله تمانعين من وراي

قولو لي شسوي انا صرت بس يصير شيء اركض واسبح بس ماتوقع ينفع

ابي حل ابي حل بجن

مالي احد اشكي له ويفهم الا انتو

انام باليوم بس 4 ساعات او 3

وجسمي تعبااااااااااااااااان


بالنسبه للهديه عطاني عطر

اما ببكري فطوم عطاني طقم ذهب

دورة الاربعين او اخت النفاس ماعرف هل هي جات لي اولا

انا نظفت تمام 32 يوم ونزل مني يوم الاربعين افرازات بني وظل 3 ايام ووقف وجات لي الام زي الام الدوره متعبه جدا جدا

مدري هل
دعواتكم

ام فآآطمة;15356736:
تسلمون لي حبيباتي والله انا مادري شسوي علشان ارتاح

ماعاد احس ان لي روح ولا كيان نسيت شيء اسمه بسمه ضحكه سعاده

وحياتي بس دموع انا اتمنى الله ياخذ امانته يمكن القبر لاضمني يكون احن من دنيتي علي

ماعدت قادره اشوف الا سواااد مافي شيء يساعدني بتقولون مافيها شيء

انا الحين مو مشكلتي الحمل انا مشكلتي الضيقه اللي بصدري مشكلتي عوار بقلبي

زوجي جنبي بس مو كانه جنبي مو حاسه بوجوده علاقتي معاه صايره تادية واجب لا احاسيس ولا مشاعر

بس انا مابينت له صايره امثل اني انبسطت وانا ولا ادري شصاير

اكل ماكل بس اشرب سوايل

مو طايقه شقتي كلش


روز


زوجي مانقلل لا مازال يروح ويجي اسبوع هنا واسبوعين هناك

بس ماقدر ارجع بيت اهلي امي ماتبيني وهذا اللي مضايقني اكثر

تقول تعودي على شقتج اقول لها مو قادره لازم ارجع على الاقل هالمره تقول اقري الانشراح ويس والمعوذات

تقول احنا نزوجكم علشان نخفف ولا ترجعون لنا وبعيال بعد

طبعا هالمره هي ضاقت لاني طولت وبنتي ازعجتهم عدل

يعني بنتي رمت جوال امي في الماي واخترب

وعفست وكسرت بشكل فضيع

وتقول لي بنتج شيطانه ماتحملها لا ترجعين

انا احس اني انطردت مو قادره انسى الجلسه مع اهلي

والله تعبانه تعبانه احس اني كل يوم اموت 1000 مره

زوجي بيكون بعيد عني واهلي بعد بظل في شقتي اسبوعين

بس انا وبناتي والاكتئاب

انا خايفه اسوي في نفسي شيء

امس كنت افكر بالانتحار استغفر الله

ممو عارفه وزوجي مو راضي يحس فيني ولا اهلي

قلت له ودني طبيب نفسي ابي حل

حتى النوم انوم عيالي وماقدر انام

اظل اصيح ابي انام ماقدر

اقسم لكم اني جالسه اكتبب والاب توب سبح من دموع عيني

انا ضعت خلاص

ياليت ماتزوجت وعشت عند اهلي

لمين احكي ولمين اتكلم

اشتقت لكم ياهلي اشتقت لسوالفنا وجلستنا اه اه اه

حبيبتي برلينت اي الخياط تصير فيها كذا زي المنتفخه انا رحت وعطوني مرهم

وشريت غسول ببتيدين

ومع الايام راح يروح يعني يبي له فتره يمكن بعد شهرين هذا طبعا بحملي بفطوم

روز هذا تشققات بالحلمه لازم تستخدمي كريم للتشققات

جعفريه اهو يقول بخليج تمانعين بس هو يقول دام ترضعين مراح تحملين هذا اعتقاده

يقول بس تنزل الدوره بخليج تمانعين ان شاء الله ماحمل ولما تنزل الدوره بمانع

مدري والله انا صليت خفت تكون مو دوره ولا ادري واغتسلت بعدها والله اعلم