التجمع 8 لأمهات ديسمبر 2010 لشهر شعبان... حياكم

فراشه بين الزهور;15408283:
هلا امهات كيفكم زاخبار الصغار

اعذروني هل الفتره مره مشغول مع العياال
وغيره

ام هادي على الحفاضات انا بعد اشوفه تسرب بس ومو كثير نادرا
واستخدام رقم 2 وكبيره على سجاد بعد
غير الحفضات شوفي هجيز
او بامبي او موني

ام فطوم سلامتج ما تشوفين شر وما عليها شر فطوم
هذي من ضروره لانج اخترعتي انتي ما سميتي لمن طحت فطوم
المفروض على طول تسمي حتى لو من طيحه سوي دواء الضروره مثل ما قالوا ليج
وان شاء الله يوقف النزيف ان شاء الله اشوفج في المسنجر واقول كيف تسوين
صحيح اي مستشفي راحتى

ميمي الله يشفيك يارب ان شاء الله الحصي ما تاثر على الحامل
والله يثبت ليج وتشوفيها بعد تسعه شهور بصحه وعافيه
كثير من قراءة سورة الحاقه ويس ودعاء العهد والصدقه
كل يوم ودعاء الندبه في العصر وادعي الله يتتمم حملك على خير يارب

روح المعالي ام علي شخبارج
واخبار العيال صحيح كثير يتخرون طبيعي

ام حسون شخبارج واخبار حسوني
الله يخليه ويحفظه اهم شي انتي تشوفيه انه زين
ويكون في صحه وعافيه

اممممم
نسيت بعد شنو بقول العيال ما خلو فيني عقل ههههههههه
الله يحفظهم

ميمي الجميله;15403801:
هلا والله

شخباركم

اني اخباري الحمدلله بس للحين الحصى ماطاحت الحمدلله على كل حاااااال

بخصووص الي سالت عن اخر دوره تاريخ 9-5

يلا انتظر شريط الحمل

الجنان 2010;15399822:
اليوم رحت المستوصف هدوي طلع وياه التهاب في حلقه وصخونه وكحه وزكام وعطتني مضاد 3 ايام استخدمه وارجع ليها
واستغربت انه للحين ماجلس قالت ليي الحبي عادي في ناس اصلا ماتحبي بس القعده المفروض 7 شهور يقعد قالت ليي بعد 15 يوم اذا ماجلس بتزود كميه الفيتامين د .. وقالت وزنه اقل من عمره والمفروض الطفل ال8 شهور يكون ازود من ال8 كيلو وهو 7 و400 وقالت دخلي ليه الدحاج والسمك ..

روح المعاني استخدم بامبرز العادي رقم 3 ,, يمكن لبنيه غير الولد اني ولدي كل تسريب من جنب

فكومي ماتشوفي شر سوي اللي قالت ليش ابه عمتش كسري بيضه يمكن اتروعتي ومره ثانيه انتبهي لفطوم .. ماعليكم شر

فكومي;15398147:
ايي صح نسيت اقولكم من 3 اسابيع يعني من بدت الاخبطه والنزيف فطومه طاحت من السرير على الارض ومن خوفي عليها ارتعت وجلست ابكي حييل

هي الحمدلله ماجاها شي صارت سلامات لانها على جنب مو على راسها بس انا على طول وقت اللي بكيت جاني الم ونزل الدم

عااد ام زوجي تقول يمكن نزر من ذاك اليوم قالت لي اكسر بيضه وادهن روحي واذبح طير

ولا ادري شرايكم لان زي ماقلت لكم الدكتورة تقول كل شي زين بس يمكن لاخبطة هرمونات وانا من ولدت ماصارت هالخبطه الا الحين

فكومي;15398132:
على العموم اليوم راجعت الدكتور واكشفت علي وقالت هذي مو استحاضه هذا نزيف

تخيلو شهرين انزف :'( وقالت عشان تطمن سوت لي تصوير وتحليل حمل وكشف من جديد والحمدلله اكدت انه مافي حمل والرحم سليم
والمهبل سليم بس شكل لخبطة هالدورة من الرضاعه وعطتني 3 ابر توقف النزيف تخيلو وعطتني علاج للنزيف وعطتني حبوب اقف الدورة طوول رمضان
بعدين حبوب تنظيم للدورة بعد ماتنزل واراجعها بعد العلاج


والله حالتي لله مو قادره اتحرك من الم ظهري وماحد معاي الا زوجي الله يخليه لي امي مسافرة
وكلن لاهي بعمره وانا بطبعي ماشتكي ماحد يدري عني من اهلي ولا قلت لامي لانها مسافرة ونفسيتي تعبانه حيييل

الجنان 2010;15394484:
سلااام شخباركم ..

هدوي لاجديد لا سنن ولا قعد ولا حبى هههه

بس هاليومين يصخن شوي ويخف مع اسهال ,, الله يعين

وبعد الاحظ كل يسرب استخدم بامبرز رقم 3 جربت اربعه كبير مادري ويش الحل

أنا و هو;15379771:
مرحباااااا
شخباركم بنات
وحشتوني صار لي فتره ما دخلت مشغوله
توقعت برجع بشوف صفحات واجد
بس طلع التجمع بااارد شكله الكل مشغول واللحين بعد قريب شهر رمضان بنصير مشغولين اكثر

ولدي بيسنن توه صاده اسهال وسخونه وتاذى مسكين بس اللحين احسن

اعز احبابي;15392386:
سلام شخباركم وحشتزني كلكم شخار اعيالكم
انه ولدي الحمد الله ظلع له ضرسين تحت وقعد والحين يزحف يحاول يحبي والحمد الله امورنا كلها تمااااااااااام

روح المعالي;15367754:

السلام عليكم

شخباركم امهات ؟؟وشخبار اطفالكم؟؟؟
مبروك التجمع الجديد
ودنا نرد للتجمع مثل اول
ميمي

حطي تاريخ آخر دورة وابشري

نور القمرر;15369119:
سلام جماعه وحشتوني
مشكورين اللي سألو عني انا بخير ومريوم بخير
ماعندها تطورات واجد بس الحين صار عندها ضرسين تحت هه
وماتحب ابطحها على بطنها تعصب ههههه شكلها بتتاخر في الحبي اريح خخخ
ومثل عيالكم بتي ماتبي احد غيري تناحس حتى لو احنه في البيت
شي متعب ههه
هالايام تصفق وتاشر بايدها وتسوي تعال ههه وتعلمت تسوي باي بعد وبس
طبعا ماتقول الا بابا والدادا مو راضيه تتعلمها

ام رشودي_vip;15374384:
السلام عليكم عندي سؤال ..

طفل عمره سبع شهور ،، ماطلعله ضروس ولا يحبي ..

عادي؟

العيناوية;15374462:

مســــاء الخـــيـــــر

شخباااركم حبايب قلبي ان شاء الله بخير

ومتباركين بهالليله :adore:

وحشتوني اوي اوي

فطوم الحمد الله سننت وتحاول تحبي والشطانه ماشاء الله :D

وطبعا من تشوف وجه احد على طول صياااح 8o| كله في حلجي لاصقه هههه :hysterical:

والحمد الله الحين عيوني اشوه ورجولي بعدها والحين كله علاج طبيعي

انتو شخبااااركم

وقرة عيني بفرج و برجوع الحبايب F:

الحمد الله

الجنان 2010;15357562:
هلاااا شخباركم ؟؟؟

وينكم ماليكم لاحس ولاخبر

هدوي متعبني بس يصيح ومايبه احد يمسكه مادي ليش اعتفست اخلاقه كان عادي من يد لثانيه مايخالف والحين يوم جيت لاهلي مايرضى

فراشه بين الزهور;15362175:
هلا امهات شخباركم واخبار العيالكم

وحشتوني كثير رجعة من المدينه الحمد الله

راحنا بجور الرسول صلي اله عليه واله وسلم ونبساطنا
حلوه الجالسه في الحرام الشي الوحيد حن زكامنا كلنا هههه
وغير كذا مصطفي تعبان كل يصيح ويعند ما يبغي غير اهو يكون في العربيه
سجاد من راجنا المدينه بداء يزحف الى قدام بس الى لان ما يرضا يجالس بس يبغي يكون واقف
وصار حركي كثير ما يثبت اممممممم
مكانت انام عدل فقط ساعات والى لان

حنيين الروح;15363167:
مراااااااااحب

شخبااااركم واخبار عيالكم


مبروووك التجمع الجديد ويارب يكون افضل من التجمعات الي طافت :p

فكومي _ انا وهو _ فراشه _ الجنان _ هند _ ميمي _ انت حبي _ العيناويه _ تذكر _ روح المعالي _ بنت كتكوته _ نور القمر _ اعز احبابي _ امممممم بعد منوووو :rolleyes: الا ما ذكرت اسمها تسمح لي :adore: شخباركم عساكم بخير يارب


فراشه تقبل الله اعمالكم والحمد لله على السلامه

انا بعد رحت المدينه وتوني راجعه من كم يوم بس ما شفتج فراشه بالحرم :p


اخبار جعفوري الحمد لله بدأ يزحف على بطنه ويجلس واضفت له الدجاج بالاكل

وصار ما يبي حد يحمله خاصتا اذا ما كان يشوفهم او من زمان ما شافهم

من يحملونه يصيح ويطلع فيني وكأنه يقول ~> الحقيني يا ماما :lol:

هيبة الطاووس;15367228:
السلام عليكم

مبروك التجمع عيالنا كبرو ماشاء الله تطورات بنتي تقلب بسرعه جهة اليسار بس

طلعو السنين اللي تحت بعدها على حليب الإرتجاع حياتي اهي .






دعواتكم لي بنات طايحه بمشكله ممكن
ياخذون بنتي مني لا تنسوني من الدعاء

تذكر يوم;15407550:
خخخخ انا ولدي توني هالشهرين ملبسته رقم ثلاثه
والاربعه لو البسه وياه جان تطيح الحفاظه لوووول

وولدي للحين ما حبى ولا سنن

بس ابتدا يثبت لين يقعد
قبل ما كان حتى يحب انه ينسدح على بطنه
اشوفه اللحين عادي
وطبعا يقلب وووويفتر من مكان بس ما يزحف على جدام
ههههه مافيه شده لمعصقل

ومن كثر ما هو يقلب
ولدي طاح من السرير عورني قلبي
قعدت اصيح
وكنت بروح الصالون كان خطوبة بنت خالتي
ومن طاح قلت خلاص موب طالعه من البيت
مالي قلب اطلع عنه

تذكر يوم;15407580:
سلامات ما يشوف شر
اناولدي توه مخلص من بلاعيمه :thumbs_down:

سيمفونيه;15408406:
مساء الخير
شخباركم ان شاء الله بخير
الحمد لله انا وعيالي بخير
انشغلت مع الاعراس ماشاء الله اول زواج بنت اختي وولد عمي وياكثر الاعراس الله ييزيد
زهور بخير هاليومين كل تبجي ومتصخنه واشوي اسهال الظاهر بتسنن لان تبجي وتعضض في اي شي
مبارك عليكم الشهر الفضييل مقدماا
والله يبلغنا وياكم صيامه وقيامه ويعينا على طاعته

سيمفونيه;15408445:
هلا خيووو
ماعليه شر هدوي ان شاء الله
والله يعين على هالوزن ماطلع من المستشفى الا بكتئاب وقهر من وزن بنتي
وبالنسبه للحفاظ انا استخدم لعروستي بامبي ومرتاحه معاه ومايسرب ولا يطلع ريحه ولا يسبب لها حرار ولا شي