ومشكلتي مع زوجي والانترنت

مشكورات كل الاخوات اللي ساعدوني ووجفتم معي جزاكم الله الف الف خير
اليوم كالعادة هوه جالس بالصاله ع النت وانا يالسه بغرفة النوم رحت اشوفة شو يسوي اول مادحلت لاحظت فيديو وع طول بنده والله تضايجت زالله من عند الباب حتي ما كلمتة ورجعت الغرفة كنت افكر افتح الموضوع معاه مع اني ادري راح تصير مشاكل كثيرة وطيح ع راسي رحت مرة ثاني دخلت جلست جنبة حصلتة جالس يمسح كل الفديوات اللي بسلة المحذوفات وع بالة ما اعرف شو جالس يسوي المهم جال بيروح يلعب جلت اوكي طلع برع وانا جلست ع الاب توب افتش ما حصلت شي من اللي شفته جبل بصراحه اعتقد انه حس اني تضايجت ورحت وماكلمتة لكن خايف يرجع مرة ثانية كنت اليوم ابي اخبرة اني شفت حلم مخوفني وهوه فيه وكذا يعني اكذب علية بس اخوفه يعني فاهميني كيف بس مثل ما جلتلكم حايفة يرجع ح هالسوالف مرة شو اسوي :(

يااانور انتي شكلج بتموتي قهررر وبتمرضي والرياال مب على بااله
ياتتعودي وتنطشي وتعطيه بولبااس
ياتواجهيه واحسن شي تواجهيه بس بدون عصبية وصرااخ
هوه على باله انتي مب فاهمة شي

الله يهديه إن شاء الله و يبعد عنه هالأشياء كلللللها

ربي يسعدج يالغلا

ما اعرف عاد شو اجول
كل يوم اكتبلكم يومياتي تقريبا
وكل اليوم اشد عن الثاني
والله صرت اول ما يمسك الاب توب اكرهه واكره نفسي بس اشوف يسوي خطا وانا مو جادرة اسوي شي
كل ما اسوي له شي حلو يجلس ينتقدني يعني امس لبست قصير جال والله مصدجة نفسك ما عرف شو القصد عاد لو كنتو انتو مكاني شو كنتو بتحسو وكل اللي اسوي والله عشانة وهو خبر خير
اوقات افكر ارد بيت اهلي بس اتردر انا صرلي 4 اشهر بس متزوجة ومو حلوة صح وكل اللي جلتوه ع العين والراس وانا سويته وحاولت بس ما اعترفت له اني شفت مثل ما قال البعض اذا خبرتة اني شفت راح يكون اشد حذر وكذا يعني وما زالت المشكلة قائمة

طبيعي اغلب الرجال المتزوجين والغير متزوجين يعملوا كذا بس لاتصارحيه لان المرات القادمه بيكون حريص جدا

آنا انصحج ما تقولين له شي ولا تفاتحيه في الموضوع و إن صارحتيه بتبدأ المشاكل بينكم و بيقول انتي ما تثقي فيه و من هالكلام و انتي توك بداية الدرب ما صار لك شي وياه ما عليه تحملي و اصبري و الله يكون في عونج و بعدين حطي في بالج أنه كان يسوي هالشيء من قبل لا تتزوجي يعني المشكلة مو منج انتي بس هو متعود على هالسوالف و راح يحتاج فترة لين شوي شوي يقطعها و أنتي بطريقتج الخاصة تقدري تغيريه و نصيحه ثانية أي خلاف يصير بينكم لا يطلع لا لأهلج ولا لأهله عشان لا تزيد المشاكل

كل النصاائــح غلط بغلط شنو مرده بيعقل وبينسى هالخرابيط

الرجال يوم ورى يوم يدمــن ويعصــي ربــه , الأمر بالمعروف والنهي عن المكنر ليش بالله !! علشان تتمنظر !!

المواجه أفضل حل (( ومافيها شي لو نصحتيــه )) وكونـــي واقفــه بجنبــه علشان يقدر يتغلب على المشكله

حاولي تاخذي وتعطي معاه بأسلوب طيب بعيد عن الهواش والعصبية .

كونــي جريئــة لإنــش إنتي الصح

والله يوفق لكم

والله يااختي مدري شقول
لش حاولي و حاولي كذا مرة اهم
شي لا تسكتين لان بيتمادى اكثر
معاه وانتوا مو من زمان بس 4 اشهر
حرااام يسوي فيج جذي الله يهديه

كتبت رد طووووويل لاني حاسة بمعاناتك ومريت بمرحلة شبيها فيك
وبالاخر مسحت كل المكتوب ماعرف ليش!!
انتي احتسبي ربك وحاولي تقوي ايمانه بالله لانه لو التزم بالصلاة
بيترك المعصية والفواحش
ربنا يهدي زوجك وزوجي وازواج السلمين

لاتصارحيه نصيحه لانه لو عرف انك عرفتي بصير قدامك عادي خلي لك هيبه ويعمل لك حساب ياقلبي وعليك بالبحث في النواقص او تجذبينه لك بالكلام والحوارات الشيقه غير التزين والكشخه واقرائي ردود البنات ماقصرو معاك
دعواتي لك بتسخير زوجك وتكوني اميرة قلبه وكيانه

http://go.3roos.com/l2vrs3ybmxz

هذا موضوع جداً مفيد

مشكورات جدا والله يجزيكن الف خير وماقصرتو بصراحة

ابشركم يا بنات والله ما قصرتو مشكورين كثير والله يسعدكم ويحقق امانيكم ومبتغاكم
اموري مع زوجي صارت الحمدالله الف شكر لك يا رب زينه الاني سمعت كلمكم وما جلتله شي عن الموضوع ابد وخليت نفسي بريئه ما ادري شي
بس يا بنات تعرفون شو سويت بعد
صدج كنت زعلانةمنه من الخاطر بس جلت اضحي هالمرة عشاني انا وسعادتي
هو كان في الدوام وانا بعد رسلة له رساله
كتبت له حبي اريد اجولك سر بس توعدني ما تخبر احد
عاد هو رد جال اوكي قولي حبي سرك في بير اساسا انتي سري
المهم خليته ينتظر تقريبا ساعة ما رديت عليه وكل مره يرسل شو السر شو السر
جلت انته وعدتني وما تخبر احد جال زين جولي جلتله أنا أحبك
زين بعدين جال وانا بعد عندي سر حبي اريد اجولك
كتب لي في رساله كلمه وحدة كتب لي أحبك
والله ماتتصورو كثر شو فهذي اللحظة اشتقت اشوفة واحظنة بس كنت بدوام والله من فرحتي طلعت من الدوام
رحت ع طول البيت وانا كلي امل انه من هاليوم راح يتغير شي تصدجوا اسوج السياره وابكي من الفره واشكر الله
وصلت البيت نظفته رتبته وطبخت الغدا وبعدين بخرت البيت بالعود الحلو ما ادري حسيت كاني اول مره انظفة
وارتب ترتيب حلو مع اني متعودة يوميا اسوي نفس الشي وصل المصون البيت وانا كنت بالحمام اخذ دوش جلس يسولف لي وانا باحمام لين خرجت جالي تصدجي اشتقتلك ما ادري كيف حتي ما عارف كيف يتكلم المهم تغدينا ونمنا والحمدالله كان كل شي مرضي صرت كل يوم ارسل له رساله حلوه واذا ما رسلت هو يرسل واحين رمضان تقريبا ما نتلاجي الا ظهر وقت النوم وبليل وقت النوم كل وقتنا بدوام والحين كل يوم يتصل فيني يسال عن حالي والاخبار ويجولي اشتجتلك يالله شو احلى من هالتعامل الي كنت احلم فيه والحمدالله بفضل من الله ومنكم صارت حياتي حلوه قسم بالله انه يكفيني اشوف زوجي سعيد وراضي عنى دنيا واخره واجول الصراحة يمكن كان زوجي ما يقرا قران حتي في اليوم الاول من رمضان وجت السحور تسحرنا وصلينا جلي طفي ليت جلت اريده جال شو تسوي اريد اجرا قران المهم خلصت جزء الاول من سورة البقره والظهر رجع من دوامه حصلني اقرا وفي اليوم الثاني الفجر لجيته يجالس يقرا والله فرحت من خاطري خليكم قدوة لهم والله بيأخذو من اطباعكم واحلها بعد نصيحتي لكم والشي اللي تعلمته اعطي كل انسان فرصه ولا تستعجلوا في قراراتكم واصبرو ان الصبر جميل مهما كان الله ما ينسئ عبادة ونصيحة بعد فضفضي لزوجك مهما كان نوع الموضوع خاص بنساء ولا غيره وفتحي له قلبك والله بيفتح لك قلبه وبجولك عن البلاوي والهموم اللي تضايجة وتزعله ويفكر فيها بس انيت جلسي جنبه واسمعي ومن يخلص احضنيه حتي لو صح انه الموضوع انتي ماللك دخل فيه بس جوليله اللي يهمك يهمني وشوفي ردت الفعل والله بيبوسك فوق راسك والله شو اجولكم اشاء كثيرة تعلمتها منكم من هالمنتدي وجزاك الله الف خير وسعاده ادعولي الله يوفقنا ويرزقنا الذريه الصالحة

ماشاء الله يوفقج ولا يفرقكم