تجمع امهات شهر يناير 2011 لشهر شعبان 1432هـ ... حياكم

النزوانيه;15401287:
صبااااااااااااااااح النور والسرور

الهاشميات;15401472:
هلا بالنزوانيه

شخبارج ؟؟ و شخبار لجون ؟؟

طمنينا عنك .. شخبار البيبي ؟؟

*ام وسام*;15401590:
ماشاء الله يا النزوانية داخلة على الشهر الثالث
ومبرووووووووك ويتمم لك على خير .

كيفكم بنات؟؟؟
الحمد لله بدأت انوع لاياد في الاكل؟؟ عملت له الخضروات كوسة وجزر وبطاطس وشوية رز مع جبنة حباها كثييييييييييير
عملت له كاسترد وحباه كمان ... وعندنا كمان الشبيسة (انواع حبوب كثيرة مطحونة ومجهزة للاطفال وبطبخها مع الحليب) حباها كثير
بعمله بوريه البطاطا مع الحليب والجبنة
وكان جبت له رز مطحون مع البهارات وبعمله بالتفاح والموز
بعمله الشوفات مع التمر والحليب كمان بياكله
ماشاء الله بتقبل الاكل بشكل جيد والاسهال راح بس بيتبرز كثير خلال اليوم

zumerdah;15402406:
مساء الخير ,,

شو اخباركم يا بنات اشوف التجمع صار بارد شوي ماكو احد فيه ..

انا اخباري تمام و البنوتة بعد تمام و قاعدة تكبر و تصر عروسة ,,

بالنسبة للاكل مثل ماقلت لكم انا انوع لها يعني كل يوم اعطيها شي غير وجديد يعني سوا خضروات او فواكة ,,

والحين صرت اعطيها وجبتين باليوم وجبة غذا و عشا في الغذا اعطيها ساعات رز ساعات خضروات جزر بطاطس كوسة ساعات فواكة مشكلة تفاح كمثرى موز و احيانا اسوي لها رز مع كوسة او رز مع جزر او رز مع بطاطس و في العشا اعطيها ياما سيريلاك او بسكويت فارليز او الفواكهة الي تنباع بالغراش جاهز .. والحمدلله كل شي تقبلته ماعدا البسكويت احسه ماعجبها يعني اذا اسوي لها واعطيها ماترضى تاكله ..

الحين جاي رمضان يا بنات كل عام وانتو بخير ,, شنو استعداداتكم لرمضان ؟ خاصة انه اطفالنا يكون كملو السادس ويمشو بالشهر السابع ..

انا نص يومي بالدوام والنص الثاني بالبيت مع الطبخ والحوسة ..

ابتسامة طفل;15404878:
صباح الخير يا امهات

كيف حالكم وحال النونوز


حمودي متعبني هالفتره يوم ياكل ويوم لا ما ادري اسنانه ولا شوو

ما توقعت يتاخرو هالكثر من كثر ما كان يحك لثته بكل قوته

صار له شهر ونص ما زاد ولا جرام لان الاكل ما يبان فيه من كثر الحركه ما شاء الله ما يقر ولا يخلي شي فالصاله

والحين صار يوقف لحاله يعني يسحب كل شي لتحت

النزوانيه;15404886:
صبااااااااااااااااااااااااااااااح الخير ع الحلوين
الحمدلله رب العالمين امس تطمنت على جنيني والحمدلله النبض موجود :)
الله يتمم على خير يارب

النزوانيه;15404894:
هلا بسومي
ماشاء الله حمودي صار يوقف :) يالله بيبدأ الركيض وراه
ما زاد وزنه يمكن عشان اكله ما منتظم وحركته زادت
انا لجون صايره خفيفه واوفها ضعفانه اتوقع حليبي صار ما يناسبها عشان كذا ببدأ اعطيها وجبتين فاليوم واحاول ارضعها الصبح ولما ارجع من الدوام وبالليل قبل النوم بس الباقي كله اكل وحليب صناعي

النزوانيه;15401616:
حبيباتي بسألكم هل الالتهاب في البول يأثر ع البيبي وهل هذا سبب انه ما يكون في نبض؟

VIP Lady;15407236:

النزوانية

الله يتمم لج على خير يا رب

ابتسامة طفل
الاااي ذكرتينا بالي مضى ,, كنا نتشوق نعرف ولد والا بنت
انا اخمن انه بنت :cool:

زمردة
وينج اختفيتي كل هذا من الدوام الله يساعدج
عن رمضان هذاني افكر وش بأسوي مع ولدي
انا ذا يوم في الاسبوع افكر اسوي عشا ما يفكر يزن والا يصيح الا حزة الي اطبخ
اذا ما صار عاقل ورجال في رمضان خذيت قشي و رحت بيت اهلي اتفطر هناك خخخخ

المهم بأقولكم عن اخر اخبار البطل
امس كمل 6 اشهر وللحين ما طعمته كنت مشغولة واليوم ما قدرت اوديه
باجر ان شاء الله بأوديه
الحين دام هو كمل 6 اشهر
شنو ادخل اليه في اكله
انا اعطيه ريوق سيريلاك أرز ما استخدمت قمح سمعت مو زين للي هم في هالسن يسبب حساسية و جربت مرة عطيته فارليز الأصلي الي هو على قمج طلع حبوب في وجهه فما عدته مرة ثانية
اعطيه العصر وجبة خضار ( كوسا مع ارز ميلوبا - أو بطاطا حلوة - أو بطاطا )
بس هاي الي عطيته
ومرتين سويتله فواكه ( اسلق تفاح وكمثرى بشوية ماي واطحنهم في الخلاط )

شنو اسويله بعد مو عارفة و متلخبطة شوي :|

شلون تسوون الأرز مع الخضار يعني تسلقونه مع بعض !!

ابتسامة طفل;15404878:
صباح الخير يا امهات

كيف حالكم وحال النونوز


حمودي متعبني هالفتره يوم ياكل ويوم لا ما ادري اسنانه ولا شوو

ما توقعت يتاخرو هالكثر من كثر ما كان يحك لثته بكل قوته

صار له شهر ونص ما زاد ولا جرام لان الاكل ما يبان فيه من كثر الحركه ما شاء الله ما يقر ولا يخلي شي فالصاله

والحين صار يوقف لحاله يعني يسحب كل شي لتحت