صباح الورد عروسات :)
شلونكم ؟
وحشتوووووووووووووووني أد الدونياأأأأأاااااا :adore:
توني رادة من سفرة اسبوع العسل ههههههه واحس اني ماشبعت بس كنا مضطرين نرجع لأن ريلي عنده امتحانات :hysterical:
اول شي مشكورين وااايد بنات على وقفتكم معاي اللي عمري ماراح انساها
صراحة وايد فاديتوني ،، :thumbs_up:
تسلمون وماقصرتو وعساكم على القوه ,,, والله يعطيكم العافيه
وعساكم ذخر ان شاء الله F:
ربي يتمم لكل وحدة فيكم ويرزق العزابية :)
احببببببببببببببببببببببببببببببكم بنات ديرتي :adore:
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يبت لكم تقرير عرسي المتواضع والصراحة ماكان مثل ماخططت له بس وايد استانست والحمدلله انه تم كل شي على خير .. وسامحوني ان التقرير بدون صور لأنهم عند المصورة بس ان شاء الله راح اعرضهم اول مااستلمهم منها :thumbs_up:
يوم الاثنين 18 \ 7 كانت حفلة الحنة وكنت حاطة في بالي شي نعومي لأن الحفلة في البيت بس رفيجتي فديتها :adore: سوت لي سبرايس يابت لي زي اوكراني خخخخخ وقعدت تقنع فيني اني البسه وانا كلش مب مقتنعة :confused: احسه شي غريب وشاذ خخخخخخخ بس قالت لي جربي والله راح تطلعين مميزة لان كل حفلاتنا يا شعبي يا هندي :rolleyes: ,,
صدقيني حلو كتغيير ومن هالحجي وقعدت ساعة تقنعني واخر شي اقتنعت ،،،والحمدلله طلعت مميزة وحلوة بشهادة الجميع :cool:
ورتبت لي الحفلة مع امها لان امها اوكرانية ،، فكان ثيم الحفلة عالطراز الاوكراني لبست الزي الاوكراني التقليدي والاكسسوارات دخت على مالقيت شي يناسب الزي :worn_out: وبالأخير مالبسته هههههههه لأن ام رفيجتي ربي يطول بعمرها لبستني ذهب عرسها :o
والضيافة كنت حاجزتها من قبل طبعاً وماحبيت الغيها رغم انها ماتتناسب مع الثيم اللي ورطتني فيه رفيجتي :lol: خخخخخخخخ بس خليته لان كنت حاطة في بالي ان ممكن المعازيم مايحبون الاكل الاوكراني :I:
بس ماشاء الله اقبلوا عليه :| يقولون لذيذ :!!: بس انا ماذقته الصراحة لان ماحب اكل اشيه غريبة :rolleyes:
الأكلات الاوكرانية كانت من شغل رفيجتي وامها :thumbs_up: يزاهم الله كل خير صراحة ماقصروا معاي F:
كانت اكلات اوكرانية تقليدية: كوسا بالمايونيز ,, جيكن كيف ,, خبز الفصح ،، البورشت,, كوتيا ،، بليني بالكافيار ,, التفتيل ،، السلطة الروسية ،، رافيولي ،، اوزفار ،، بوتابتسي ،، فارينيكي ،، واشيه وايد صراحة واسماءهم غلجة :rolleyes: هههههههههه
من صوبنا بما انه ماباقي شي عن شهر رمضان ولاني احس ان الحنة مايناسبها غير الشعبي :rolleyes: ،، اخترت اكلات شعبية كانت من ام جاسم ،،، ميني خبز رقاق ،، درمنده ،، ميني زلابية ،، ميني خنفروش ،، السمبوسة اللي فيها شكر ماعرف شيسمونها ههههههه ،، كباب ،، لقيمات ،، قرص عقيلي ــــ الخ تعبت :hysterical: ههههههههههه
التوزيعات : ميني علب حلوى بحرينية ،، حنة ،، تولة دهن عود ،، بخور
الاغاني : الموسيقى الفولكلورية اغاني الدومي الاوكرانية وفرقة حسب الله ( بنات خالتي ) هههههههههه
وحنتني ام إبراهيم و حناي ماغمج :thumbs_down: مادري شالسبب مع ان حناها بالصور غامج :!!:
المصورة كانت ريما الشامسي من الامارات هالانسانة ذوق وتعاملها رائع :) وتمت معانا لي اخر الحفلة وان شاء الله راح اكتب لكم تقرير عنها بس استلم الصور :thumbs_up:
والحفلة كانت وايد حلوة وهيصة ورفيجاتي وبنات خالتي تموا معاي و طبعاً سهروني للساعة 5 الصبح وانا اصلاً ماعرف انام وفي يدي حنة ويوم ثاني موعدي مع الصالون الساعة 10 وانا مارحت لهم إلا الساعة 1 :rolleyes: والماكييرة تحطلي الميك اب وانا نايمة خخخخخخ :lol:
هذا تقرير حنتي وتقرير الجلوة والعرس اول مااستلم الصور ان شاء الله لأن احس التقرير مب شي بس ماحبيت ادخل بدون ما احط شي عن عرسي :o
ادعولي بالذرية الصالحة وسمحولي ع القصور :)
