.. | تجهيزات عرائس " مملكة البحرين " لشهر شعبان 1432 - 2011 م / الجزء : 79 | ..

بنات بسألكم ابي صالون لتقشير وتنظيف الوجه مره قلتوا لي عن صالون سعره 40 او 50 وفيه اخصائي وكريمات بس ناسية اسممممممممه ؟؟؟

مشكوورين بنات ويزاكم الله خير ماقصرتوا :) ..
وان شاء الله ضيقة وتزول :(
ما قلتو لي اقدر اكنسل حجز صالة بوماهر ولا مايرضون ؟

ايمان
الله يسر امورج ياربي
عن التكنسل مادري
بس يمكن يصير تاجلين
كلميهم احسن لان ماعندنه تعامل للحين عدل ويا هالقاعه ومانعرف السستم مالهم
وبشرينه

غلا مغليها
تسلم يمناج ابوي
وعسى الله يسر امورج
ومشكوره ع التقرير
وياريت التفاصيل ع الخاص

حلوه ودلوعه
الله يرزقج ياربي بالزوج الصالح ويرزقني وياج وجميع من يتمنى الستر

بنوته حلوه
ههههههههههههه يعلج العافيه
ضحكتيني تصدقين بعد الرياييل يفضلون الناعم حتى لو كان الثقيل حلوو عليج
نفس تحذيرات خطيب بنت خالتي واشوه سلمنه من لسانه هههههههههههه

قنووط
الله يتمم لج ولخالج
روحي ريفا يمكن تلقين شي وخصوصا حسب ماسمعت الحين مسوي تخفيضات اذا تبين اشيه ناعمه

بنات
وين يسوون مكياج حلو لعروس بس يكون فالمحرق او جريب منها و خصوصا ان ابتسام كمال ما عندها مجال و شيماء بوجيري بصراحه ما يعجبنه الستايل مالهه

يريت تفيدوني من خبراتكم

سلام عليكم بنات
ابي صالون زين في المنامة او مدينة حق شعر يكون رخيص و قوي شعري قصير ابي احط اكستنشن ما ابي اخسر وايد لان العروس اخت رفيجة رفيجتي بس ابي شيء مرتب ثاني عرس احضره عقب المرحوم
ووين احصل ثياب سهرة مب غالي و مقاس 22 فما فوق

غـلآ مـغليهـآ;15322473:

السلام عليكم ورحمة الله وبركاته

اللهم أجعلة فاتحة خير يارب
والله يبارك لنا في شعبان ويبلغنا رمضان ويوفقنا على قيامة يااارب

بنات قبل فترة كنت منزلة تقرير عن حنا وكنت كاتبه عن وحده كانت مسوية
كل الأكل إلي كان موجود بالحنا من ضيافة وتوزيعات أكل وكل شي وفي كذا
وحدة طلبو مني الرقم ومعلومات وماذكر من طلب صور وقلت ان شاءالله بيب
لكم المعلومات وراح أرسل حق الي طلبو مني من فتره واعتذر على التأخير
بس تو توفرت عندي وان شاءالله الحين F:
وبس تعبت وإلي عجبها التقرير مابي منها غير

تدعي لي ربي يسر أموري ويوفقني والكل يارب

سوحي;15322972:
بنات
وين يسوون مكياج حلو لعروس بس يكون فالمحرق او جريب منها و خصوصا ان ابتسام كمال ما عندها مجال و شيماء بوجيري بصراحه ما يعجبنه الستايل مالهه

يريت تفيدوني من خبراتكم

مخمليات;15323005:

هلا حبيبتي سوحي , مكياج ناعم جيكي غصون اذكرمن فترة في وحدة هناك تمكيج بـ 20 اعتقد لبنانية , وعندج بعد غفران في عراد تصير بنت اخت شيماء بس مكياجها انعم واحلى , بس لأسف ما عندي رقمها ان شاء اللي عندها تفيدج

تسلمين حبيبتي على الرد بس نبي حق عروس يعني شي مضمون و مجرب, بالنسبه حق غفران مره مكيجتني كان وايد ناعم بس بصراحه مو كلش عجبني احسه ليحين يدها ثقيله

بنات ممكن سؤال؟؟؟

محل جست كب كيك

ابي رقمهم ضروري؟؟؟؟ ووين موقعهم في محرق؟؟؟

وهل في محل ايسوي كب كيك غيره في محرق وغير فن كب كيك؟؟؟؟

يا الله بنات المحرق ردووو علي لوسمحتو

سوحي;15323072:
تسلمين حبيبتي على الرد بس نبي حق عروس يعني شي مضمون و مجرب, بالنسبه حق غفران مره مكيجتني كان وايد ناعم بس بصراحه مو كلش عجبني احسه ليحين يدها ثقيله

مخمليات;15323109:

هلا سوحي,, اذا عروس مالكم الا ابتسام حاولوا فيها ساعات ترضى من بعد المحاولات لانه اذا ما يعجبكم شغل شيماء ترى ما عندكم احد مضمون حق عروس غير هالثنتين في المحرق بس بره المحرق في وايد

شكرا حبيبتي بنرد نحاول فيهه مع ان تقول بتكون وايد مضغوطه

ما عليج امر حبيبتي ممكن رقم شيماء انمسح من فوني بخلي عروستنا تروح يمكن يعجبهه؟؟

بنات من تقدر تساعدني وتحط لي صورة تسريحه والشعر يكون مرفوع تعبت وانه ادور ما حصلت شئ حلو قلت اخبركم تساعدوني

حياكم شرفوني

عطورك في استضافتنا مع تراجي ام الزين كله :)

http://forums.3roos.com/showthread.php?t=609376&page=135

تراجي ام الزين كله;15321123:
عزيزه ابوها

جربي شيماء بوجيري

او عايشه بوحمود في صالون بنت الاصايل ولها صور بالنت
يمكن يعجبج

الثنتين منهم ماجربتهم شخصيا

banoota_7elwa;15322636:
انا تمكيجت عندها مرتين وكان وايييييييييد حلو

المرة الثالثة سوتني كأني وحش :-#

وكان في الفترة اللي راحت بيتها في الحد

الله لايعيدها للحين ريلي يحذرني اني ماروح لها :badly: خرعته الظاهر :lol:

ميدو العروسة;15322994:

يا رب يكون هالشهر فاتحة خير على الكلF:
وعرسي ان شاء الله في هالتجمع,, دعواتكم لي بالتوفيق:o

بنااات راادتلكم وأنا حدي دااايخه

أمس طلعت العصر رحت بيت يدتي وقعدت مع هلي نسولف تالي طلعت مع مرت عمي تشرى أغراض لسفرتهم برووحون باريس وفيينا وبلجيكا قالتلي تعالي بس أنا معنده هسنه مابسافر

ورحنا الواحه صراحه جفت ديكور للبيت خوقاقي بنات انصحكم تروحون تشرون بما أنكم عرايس من هناك لبيتكم أو شقتكم ونعل وأنتو بكرامه خبلتني ورخاص منزلين يداد
هذا فرع إلي بمحرق احنا طلعنا متأخرين وصلنا 9 ونص الواحه طلعنا عشر ونص ورحنا الدوحه طبعا الجو خوقاقي ومحل عمي مناك قعدنا وكلينا وسولفنا وضحكنا

ورديت بيت يدتي سهرنا لي 4 الفجر وقعدت أنا وبنت عمي 8 تخيلوو ماكوو نوم

وطبخنا وتغدينا ورديت البيت وبروح بعدين الواحه أبي أغراض وباقولكم آخر الاخبار

بنات ضايق خلقي بسبب الدورة
المفروض تينيي تاريخ واحد وهي ما تاخرني دائما على الموعد او قبل
وانا مرتبه تاريخ زواجي 9 عشان يكون خلصت من الدوره
وللحين ما يتني
وكلا خايفه يوم العرس تكون فيني الدوره
شربت دارسين اكلت اناناس فرش
مافي فايده
والحل

استغفر الله الذي لا اله الا هو الحي القيوم واتوب اليه
الله يووفقكم جميعا

3athba;15323659:
بنات ضايق خلقي بسبب الدورة
المفروض تينيي تاريخ واحد وهي ما تاخرني دائما على الموعد او قبل
وانا مرتبه تاريخ زواجي 9 عشان يكون خلصت من الدوره
وللحين ما يتني
وكلا خايفه يوم العرس تكون فيني الدوره
شربت دارسين اكلت اناناس فرش
مافي فايده
والحل

ههههه الدورة كله اتسوي جي اتناحس حزة الحزة سوي روحج مب مفتكرة ولاتفكرين فيها وبتييج انشالله لأن التوتر والمحاتاه يأخرها