.. | تجهيزات عرائس " مملكة البحرين " لشهر شعبان 1432 - 2011 م / الجزء : 79 | ..

بنات وين احصل قواطي او صواني مقسمة بس مو واجد عودة ابيهم حليويين وممميزيين بليز الي تعرف تقولي
وو







تتوقعون في جذي بس صغار حجم اصغر من دلين لتوزيع يعني
وفي وين احصل غراش مثل ذلين الي في الصورة الاخيرة؟

تراجي ام الزين كله;15332500:


قنوط
اذا تبين الورد الرينبو روحي لامركيز
البنات يقولون صوب الابراج اللي بالعدليه من فتره رحت بس ماقبضت المكان

التصوير اذا تبين شي حلو وراقي عندج ام يقين
حتى ام ملاك السعوديه جربتها حرومه ان شاءلله تقدر تفيدج برايها

هلا تروووج الورد الرينبو حده داش خاطري واحسه شي مميز بس محتارة بالميك اب شبيكون ؟!!

دورت بالنت على ميك اب يناسب بس مالقيت غير هالصورة :thumbs_down:




احس جنه فوق عيونها حفلة عرس خخخخخ ..

ما عجبني وايد اوفر وانا احب الميك اب الناعم
يعني ياحلوات لو سويت الباقة رينبو الميك اب شبيكون ؟ :|

تروووج لامركيز مكانهم الله يسلمج صاير صوب مقهى البنديرة والسفارة الهندية وصاير وراه فندق رمادا

والتصوير بشوف حرووومة جان تفيدني عن ام ملاك ..

وماقلتولي بنات شنو احسن فرع استيديو سكوب ؟

@eman@;15332532:


هموووسة لاصول اللي بمحرق يسوي باقة على جوكلت حدها فن بس السعر مادري
وحتى باقة على فواكه يسوي
واايد حلو شغله

إيمان فديتج ممكن ماعليج امر توصفين لي المحل وين صاير بالظبط وطرشيلي رقمه إذا عندج F:

اخــ القمر ــت;15332534:

بنوتات الحلوين امس استلمت السي دي مال الصور ماشاء الله حلوين تقريبا كلهم 300 وشوي ولازم اختار منهم 82

60 صورة الحجم العادي و 20 اللي شوي اكبر و 2 كبر ال A4

خلتني اختار الالبوم ويا شنطته وقالتلي اخذيه وياج البيت لان ماعندهم مكان ولين جهزوا الصور اييبه مره 2 عشان يحطونهم

امي تطالع السي دي ومستانسه وتتضحك تقول شسويتوا داخل قلت لها والله ماسوينا شي كان في شوي تسدح على السرير هههههههههههههههههههههههه بس حسافه الملحف كان فيه لون برتقالي وانا فستاني وردي مادري يصير يغيرون الالوان بالفوتو شوب ع الاقل يخلونه ابيض لان صاير شاذ



انزين كلورة بارد البيت وعقب ما ارتاح بانزل في الليل مقتطفات عن خاطرج

ذكرتيني بتصوير خطوبتي وناسة :o
اول شي ألف مبروك يالغالية ربي يهنيج .. ولاتنسين التقارير عشان نقيمج :p
وعن سؤالج اعتقد عادي يغيرون لج اللون إذا قلتي لهم قبل الطباعة :thumbs_up:
بسألج وين صورتي ؟

Miss faty;15333468:

اهلين بناات


شرايكم في مكياج صفاء المسلم ؟؟

ناعم ولا وسط ولا ثقيل ؟؟

انا اتصلت فيها و قالت لي مكياج عادي بـ 30 و بودرة الجسم بـ 5
سؤالي ، بودرة الجسم تحط سمر كيك ولااا ؟؟؟

و اذا كانت سمر كيك ، تهقون يسوى اخليها تحط لي ولا انا احط بروحي احسن ؟؟

ع فكرة انا عروس ملجة

مكياج صفاء ماركات وابداً ماتستعمل سمر كيك

ومكياجها وايد حلو خصوصاً إذا قلتي لها تبين ناعم .. انا تمكيجت عندها بزواج بنت خالتي ووايد كان حلو ونعومي بشهادة الجميع :thumbs_up:
ورفيجتي بعد راحت لها في عرسها وسوتها روعة حطت لها مكياج برونز ناعم .. وانا بعد حاجزتها حق عرسي يعني انصحج تروحين لها وانتي مغمضة بس اهم شي تقولين لها شتبين وشتحبين لأنها تحط وسط و ثقيل بعد وهي تسألج شتبين وتاخذ وتعطي معاج وبصراحة وايد حبابة وطيوبة صفاء :)

فطومي";15334804:
بنات يايبه لكم تقرير عن وحده تمكيج

خباااااااااال مكياجها اليوم رحت اتمكيج عندها

تعرفون شنو غيرتني وانا رايحه بس بروفه ولأسف ماعندي صور شغلها

بس تستخدم ماركات وإلي صدمني انها حطتيلي من ديور وجيرماس وكلهم اصليين

وتضبط لون البشره عدل مدل

وكل هذا تخيلو بروفه ب 5 دينار وقتلها أسعارج إلي ثابته قالت

10 للناعم و15 للثقيل و30 للعروس

رووووووووعه روووووووووعه


ورموش تركبهم ب 3 دينار

أنصحكم بها وأسمها خلود بعراد

فطومي تسلم يمينج ع التقرير وممكن ماعليج امر طرشيلي رقمها وخبريني وين بيتها بالظبط :)

*سحر القمر*;15335108:

مرحبا بنات
بقول لكم شنو سويت اليوم
اول شي قعدت الصبح تقريبا الساعة عشر ونص ورحت عليا فلاورز اسوي لي مسكة والحمدلله سويت اخترت الورد يكون اوف وايت وبنك وسويتها عادية ناعمة
وبعدين رحت السيتي شوي
وبعدها رحت حفيت حواجبي عند وحدة اسمها زينب بيتها في مدينة عيسى تسوي الحواجب حلوين كانت سابقا تشتغل في صالون عروس البحرين في السلمانية بس صارت الحين تشتغل في البيت
واجد تحف حلو صارت الحين بعيد في مدينة عيسى لكن من زود ما تسوي الحواجب حلوين وما تضعفهم عادي صرت اتعنى لهناك
لأنه أنا من المنامة أحس حواجبي مو كل من يضبطهم لأنهم واجد خفاف بس هي واجد تعرف لهم
وبعدها رحت ويه خواتي سوق واقف ومرة وحدة رحت صالون لطيفة سويت واكس
وبعدين رحت ليدي مون استلم فستاني وجربته طلع واو حتى خواتي صار خاطرهم يجربونه
استلمته وانا راضية سووه لي مثل الصورة اللي وديتها مضبوط وارتحت لهم واجد معاملتهم حلوة ما تطلع الوحدة منهم اللا راضية احسهم ياخذون ويعطون
وباجر ان شاء الله بروح اسوي بديكير ومنيكير في نايس نيلز اخذت منهم موعد الساعة 12
والعصر الحنة اخذت منيرة من مقابة وبخليها تجي لي الساعة اربع
الخميس ان شاء الله راحة والجمعة العرس سويته عائلي حتى استانس ويه بيتنا
بسوي شعري عند أميرة العريبي والميكب نادية زيد
دعواتكم لي بنات بالتوفيق

واذا استاهل التقييم قيموني عشان اتشجع واحط التقارير

هلا حبيبتي فستانج بجم سوولج ياه ليدي مون ؟

و ممكن رقم اللي تحفج إذا ماعليج امر ووين صاير بيتها بالظبط ؟

ونايس نيلز وين صاير ؟ انا اللي اعرفه بالرفاع بس وين بالظبط مااعرف :o

ربي يتمم لج على خير حبوبة ويوفقج يارب F:

ممكن الملف

فطومي";15324140:
بناات بقولكم شي بس لاتنصدمون وأنتو خواتي وأسمع نصيحتكم

انا صراحه أفكر أفصخ خطوبتي أحنا ليحين ماملجنا تخيلو يابوا المهر وكل شي بارز وليحين ماملجنا من متى وانا انطر وكل ماله وتأجل وانا قلت دراستي ألزم ماعلي ومستقبلي وأنا بروح ادرس بمصر كليه الحقوق

أمه تطيح مريضه وتسافر تتعالج بلشهور وانا أنطر شذنبي كنا بنملج شهر سبعه عقب تاجل تالي شهر 11 تالي تاجل ألحين يقول شهر 2 الياي أشك بلموضوع صراحه صارلنا سنه على هلحال وانا من القهر إلي فيني شكت لكم وأحسه وايد متردد بفكره زوااج مادري ليش

أردله مهره وأنهي العلاقه بكبرها شرايكم شوورووني أعتبروني أختكم الصغيره

اخــ القمر ــت;15327907:

عرايس حلوين افتقدتوني صح :D

اول شي مــبــــرووك الافتتاح وانشالله يكون شهر خير وبركه علينا كلنا ياااارب

ملجتي كانت اليمعه :o

الاسبوع اللي طاف انشغلت حــــــــــدي والله كنتوا على بالي وكنت ابي اوافيكم بآخر التطورات بس المشكله مافي وقت

انا قلت لكم على ما اعتقد اخر شي رحت حمام مغربي في صالون رحمه خل اكمل لكم بموجز سريييع

عقب الحمام المغربي بيومين حجزت في صالون اللور حق حمام كيلوبترا وفيشل كان وايد حلو الشعور وحسيت ويهي صار احسن ويوم 2 رحت شلت يدي وريلي في الجوزاء هالمره شلته بحلاوه لان الواكس يطلع لي حرار ولي حد الحين احس اوكي

الاربعاء مرت اخوي حجزت لي وياها في الشيراتون واكس حق الويه وكانت هناك هنديه حبوبه كله تتعامل وياها قالت لي باسويج حلوة في عرسج :lol:

انا حواجبي من جدام خفااااااااااااف اول شي حطت لي حنه مادري صبغ قالت لي خل ينشف عقب شالت ويهي وكان يأأأأأأأأأألم :hysterical:

عقب مشت الحنه وحفت الحواجب وعدلتهم الحمدالله ماضعفتهم بس تنظيف وطلعنا رحنا Nice Nails اللي في النادي الاهلي وحطيت عليهم اكـــــــــس هــــــــــــــــالكبر :thumbs_down:

معاملتهم زفت وطلعت الدم من جم صبع ذبحتني واظافر ريلي قلت لها خليهم حق الفرنش راحت قصتهم يعني كللللش ماعجبوني

يوم الخميس رحت الصبح صالون ريناز اللي في جدعلي انا وامي واختي وقلت ماباقول لهم عروس بس قلت لهم البجت 20 لان كانوا هناك جم وحده مثل حالتي قالوا لهم جذي وحنت يدي لي الكوع وريلي جريب الركب اماراتي كان ناعم بس النقش الهندي احلى قلت انشاااالله لي العرس باحط لي شي عدل

رجعت كانوا مركبين المسرح ويابيبين الكراسي وتميت اجهز التوزيعات وابرز السلال ورقدت على ال 12 حق اليوم اللي وراه

قعدت على ال 10 ادور اغنيه عشان انزل عليها من كثر ماكنت مشغوله ماكان في وقت ادور نسيت روحي تميت لي 11 وشي وانا موعدي مال الشعر 1 وليحين ماتسبحت جفت وحده اسمها ليل السعاده وقلت يلا باتوكل على الله دشيت اتسبح بســــــــررررعه ولبست وصليت الظهر وقلت حق اخوي ودني الصالون باحط لي حنة اظافر قبل لا اروح حق الشعر وصلت الساعه 1 الا ربع اقولهم عندي 10 دقايق ابي فرنش جان تتطنز علي 8o|

تقولي الفرنش يبيله نص ساعه اقل شي وكل ما اتيي وحده تحلطمت وقالت لها اتصلت حق اختي قلت لها شاسوي الا تقولي حطي بس لون وحطيت وبسرررعه اتصلت حق اخوي يه خذني وانا في الطريج اتصلت حق عايده اقولها وين بيتكم تقولي اي بيت ^o)

قلت لها انتي قايلتلي حجزج الساعه 1 وانا قلت لج باييج البيت الا تقولي لا انا اتصلت لج واتفقت وياج ان باييج عند ابتسام وباخذكم كلكم عن عرايس جان يفتر راسي واقول حق اخوي وقف على صوب :confused:

قلت لها هذي الحجي يديد انتي وعدتيني بشي وماياني لا اتصال ولا مسج تقولي لا انتي ويا وحده ملجه وقلت لها ما اعترضت قلت لها حرام يعني ادفع شعر وميك اب 160 حق حفله بسيطه في البيت تقولي جوفي انتي حتى ابتسام قالت جذي قلت لها اوكي واصكه اتصل حق ابتسام كله مشغول قلت اكييييييييد اتصلت لها واتم اتصل اتصل لين شالته 8o|

قلت لها عندي موعد حق ميك اب الساعه 4 بس عايده تقولي حجي يديد صج انتي وياها اتفقتوا ان ماتاخذون الا عرايس لان انا اتفقت وياج حق ملجه قالت لاا اوكي باخذج مثل ماقلت لج وباكلم عايده صكيته وانا داير راسي قلت حق اخوي رجعني البيت وسبيتهم سب :'(

الا عايده متصله تقولي سامحيني عندي نفس الاسم انتي ووحده 2 تخربطت قلت في قلبي جذبي علي 8o|

كــــلــــــــش ماحبيت ذي الحركه يعني تخيلوا يصيدكم جذي حزة الحزة وماسويت الفرنش بسبتها ليحين مقتهره

تعوذت من الشيطان ورجعت البيت امي قالتلي تعالي ويانا وخلها تولي قلت لها لا خلاص قالت لي اوكي الحين طلبنا اكل واخوي شغل الستيريو قعدنا نسمع اغاني وعلى ال 3 مشيت من البيت متوجهه الى بسيتين وصلنا 4 الا ربع دشيت الا قبلي وحده تنتظر لكن موعدها عقبي صليت العصر وابتدت فيني ابتسام الميك اب قالتلي عقب الشعر :|

قلت يلا اليوم مبين من بدايته الله يستر ودشوا بعدين 2 بعد وكلهم مواعيدهم عقبي كملت الميك اب ووايد عجبني ناعم بس حلوو وغيرني وعقب ابتدت فيني الشعر سوت لي استشوار وحسيتهم اختنقوا من الدخان والحجرة صغيره وقالت لي شتبين قلت لها ابي شي على صوب كان قصدي مفلول بس سوت لي تسريحه مرفوعه ونازله شوي كانت حلوة بس اتصلت حق اخوي ياني كانت الساعه 6 ونص تقريبا يعني الحمد الله ما تأخرت وايد بس وصلت البيت على ال 7 ماكان في احد امي وخواتي راحوا الشعر مس ون وكانت حلووه تسريحاتهم تبتدي من 15 والميك اب بنت اخت شريفه فولاذ اختي الصغيره نااعم واللي اكبر شوي اثقل وامي ماعجبها لان فستانها احمر وحطت لها شدو كحلي وحمره حمرة بس كان اوكي يعني مب كريه

بس عقب يات خالتي وشردت الحجرة حبست روحي مابي احد يجوفني :lol:

وبس ابتدوا اييون المعازيم على ال 8 وشوي وانا انطر وتملللت يات امي قالتلي على ال 10 بنخليج تنزلين وكان عادي بس يوم جربت الساعه ابتديت اتوتر بدلت على ال 9 وشوي ولبست الشبكه والساعه وتبخرت ومرت اخوي عطرتني وحطيت دهن العود ويودت باقتي سويتها في عليا فلاورز كنت ابي شي ناااعم بس شوي سووها عوده وثقيله وآخر الحفله تفللت شوي ماعجبني وايد شغلهم حتى صينية الدبل ماكان فيها ديزاين عدل مجرد 4 روزات وجم غصن سووها لي ب 15

يات امي قالت يلا جان القلب يبتدي يرقع المصورة يات فوق عشان تصورني وانا نازله نزلوا كلهم وشغلوا الاغنيه اللي بانزل عليها وكان بدايتها شعر خذت راحتي تمت تصورني على الدري عقب قالولي نزلي شوي شوي بنات خالتي وخواتي كانوا ينطروني تحت يعطوني التعليمات ويهدوني وحسيت قلبي بيطلع من قوة دقاته وصلت اخر الدري ويوم جافوني صار التيبب رحت المسرح وياو امي وامه وخواته قطوا علي بيزات وناسه كان :)

ماحطيت بالي حق احد اشوه المصورة لهتني وحسيت التوتر شوي خف بس تمت تصورني وكل ساعه تسألني المعرس بيي اقول لها اي على ال 11 قالولي اكاهوه عند الباب وشغلوا له هب السعد جان اوقف واول مادخل ماكنت عارفه شاسوي :o

وقف يمي ما اجوفه الا يساسرني يقولي الميك اب وااااو جان ماعطيه ويه من الخوف :lol:

بس تمت تصورنا ويات تقولي تبين هني نسوي حركات قلت لها لااااااا داخل :cool:

بس صورنا ويا عايلته وعايلتي عقب قلت حق امي بندش داخل حجرة اخوي دشينا الا مرت اخوي مبخرة الحجرة ومشغله الشموع فديتها F:

تمت تسوي لنا حركات انا مستحيه واهوه مستااااانس قلت له افصخ البشت ذبحني من الحر :lol:

فصخه وصورتنا قالت لي بعد عندكم نص ساعه لانها يات 8 وشي وكانت 11 ونص قلت لها بنطلع لان ابوي يبي يصور وياي بس طلعنا ودش ابوي واخوي صورنا جان اخوي مبرز لي شعر فديـــتـــــــــه اهوه يقوله وانا باصيــــــــــح :'(

يودت روحي عشان ما اخرب الميك اب وبس عقب قلنا يلا بنطلع اهوه راح وانا طلعت من المطبخ عقب مالبست دفتي وشيلتي واختي الصغيره ساعدتني شايله نفنوفي وانا امشي قلت لها خلاااص ورحت وياه تمينا نفتر بالسياره مب حاسين بروحنا طقينا لي المحرق عقب الزلاق :lol:

رديت البيت على ال 2 وشي امي وابوي حرقوا تلفوني الحمد الله ماوديته وياي بس بدلت وشلت الميك اب والعدسه والمشابيص يمكن 100 واحد راسي عورني وبس صليت الفجر ورقدت :o

يوم ثاني قالي حاجز المطعم 2 بامرج على ال 1 ونص قعدت 12 وخذت روحي ابرود دشيت اتسبح ماطلعت الا حارق التلفون يقولي ابوي يبي يجوفج جان يعورني بطني لان اول مره باجوفه تميت انشف شعري واراكض في البيت جني مينونه واختي تصرخ ريلج برع وابوي يصوت علي وامي مادري شتقول دوروا راسي زود طلعت له 2 الا ربع زفني قلت له آخر مره ورحنا بيتهم سلمت على امه وابوه وتم ابوه يحاجيني يفهمني جم شي وطلعنا قلت وين بنروح قالي مفاجأه ماعرفت الا يوم جربنا من المكان كان حاجز في المطعم الايطالي فندق الخليج المكان هادئ واسعارهم اوكي عقب تمشينا في الفندق جفنا المطاعم الثانيه وبس طلعنا قالي تبين نروح السينما قلت له يلا دشينا فيلم hangover 2 طبعا نص الفيلم مادري شالسالفه كنت في عالم آخر :o

بس طلعنا من الفيلم تمشينا شوي في السيتي طلعنا على ال 9 افترينا شوي بالسياره رديت البيت 10 :p

الشعووور رووووعـــــــــــــة اللـــه يـعـطيـكم كلكم في اجرب وقت يااااارب

ادعوا لي ان الله يوفقنا ويهديه لي انشالله :)

تراجي ام الزين كله;15328208:
بنت التاجر

انه بقترح عليج بس عاد ماعرف الاسعار

غيداء

ثاجبه صاحبه محل دان ماعرف اذا للحين تمكيج

دلال الكواري من عراد

في وحده اخيره من عراد اسمها رايح من بالي كانه دهن العود امه وخواتها مره تعدلو عندها ياريت الاسم ام الجازي

المشكله ياام درجه سياحيه 10 في محرق صعبه تحصلين
قالولي عن وحده من قلالي ب 10 ويا الرموش 15
بس للامانه ماشفت شغلها تبين باييب لج رقمها وطلبي تشوفين ميكبها

عذبه
جربي دان والزنبقه يصيرون في محرق
بنت خالتي سوت نفسها بس ثنتين وحده فوق والاصغر شوي تحت ب 40 مادري 35

الـشـيـخـة;15329054:

بنات سؤال


اذا بسوي ملجة بسيطة في البيت .. ألبس ميني جلابية لو فستان ناعم أحسن ؟؟

و حق الشعر و الميكب .. في اي صالون تنصحوني بحيث ما يكون بعيد عن الرفاع ؟؟


ما ادري ليش إذا الوحدة بتصير عروس تتدوده :'(

وووي اكيد ميني جلابيه لالالالالا

لبسي فستان انتي عروس حبيبتي

ولازم تتميزين عن باقي المعازيم
وحطي في بالج اخذي فستان ناعم بس يكون حلو ومميز لأنج عروس

وسوي لج باقه ناعمه للتصوير والحركات

وحجزي لج مكياج وشعر شي عدل
عشان تتميزين

بعد حطي ببالج
ان خواته واهله أكيد راح يكشخون

مفروض انتي تطلعين احلى وحدة بالحفله يالعروس
اكيد ما تبين اي احد يكنسل عليج

صح
;)

وربي يتمم لج فرحتج على خير حبيبتي
F:

()مسكــ 2020();15332485:
اية صورة مطبوعه فديتج

مشكورة يالغالية ويزاج الله خير
وين سعد الدين اي صوووب يصير مادلة

حبيبتي سعد الدين عندج في بو كوارة يم اصغر علي
في هالصفه تلقينه ;)
واحلى كيكه عندهم الفروت كيك
وصرااحه من زمااان ما سوينا عندهم كيك
بس
اخبر ان عندهم
احجام يراوونج الأحجام اللي عندهم
وكل حجم له سعره

()مسكــ 2020();15332501:
بنات تعرفوون الحناية سميرة المربااطي؟؟

حناااهاا وااايد حلووو وماشاء الله داايما ايطلبوونها وتروح قطر واعتقد الامارات وهيا ساكنة في الرفااع

بناات فية وحدة معزومة تاريخ 30/7 في طيران الخليج؟؟



مشكورة ترووجة يزاج الله خير

اذا مادليت رااح اتوااصل ويااج :)

بوووو ذكرتيني بأيام محزرة

خخخخخخخ

سميرة المرباااطي معروفه بالرفاع
اتذكر قبل كنا كل عيد مطيحين عندها
نقشها على ايام قبل روووعه
واتوقع ان اللحين احلى



بس شنو ننقع عندها لأن صج صج زحمه يصير عندها ليله العيد

:|:|:|

اتذكر مرة رقدت وانا انطر دوري من التعب

:lol::lol::lol: