ساعدوني ترى بنتحر

.
..
*~..

وعليكم السلام ورحمة الله وبركاته ..


دورت لكِ على مواضيع من المنتدى تخص مشكلاتكِ ولقيت كم موضوع وهذي روابطهــا ..


اعتني بقدميك

التخلص من الهالات السوداء بالصور

الزيوان أو مايسمى الرؤوس السوداء


أمــا عن تبييض الوجـــة بصرااحـة فيه خلطـااات كثيرررررهـ انتي دوري عليها واختاري اللي يناسبكِ ..

وأخر شي هذا موضوع رائـع للأخت دلع انوثــه ..


عنايتي بنفسي من الالف الى الياء تفضلو وشاركوني ماراح تخسرون



وتمنيااتي لكِ بالتوفيق

..*..

ياعمري لا تنتحرين ولا شي
ريولج اول شي يبالهم سنفره
احسن سنفره تسوينها
ملعقه صغيره ملح + ملعقه صغيره عصير ليمون
افركي فيهم ريولج 5 دقايق والاماكن الغامقه زيدي فرك اكثر
تقدرين تستخدمينه لايدج بعد وايد حلو
بعدين هاتي زيت اللوز الحلو اخلطيه شوويه منه مع شويه حليب واي كريم عندج ولو يكون كريم يفتح البشره احسن مثل كريم فازلين زبده الكاكاو او البنفسجي
حطيهم على ريولج ولبسي دلاغ ( جوارب ) وخليها الوقت الي تبين
هذي سويها كل اسبوع مرتين
اظافرج حطي عليها شويه زيت زيتون او زيت لوز هالزيوت حلوه للاظافر وبعد الليمون مفييد
بقولج شي
يوميا افركي رجلج بليمونه وحتى اظافرج وخليها لين ماتنشف قولي نص ساعه بعدين اغسليه
واهمم شي الترطيب يالغاليه
وقص الاظافر
لازم تكون اظافرج مرتبه ونظيفه
بالنسبه للجوزة السوده ترى انتي لو رطبتي كل يوم وحطيتي ليمون بيخف وااايد حتى لو شفتي ريولج فتحت لونها استمري ع الجوزة عشان تفتح بعد
ولالالالالالالا تقعدين على ريلج يعني لا تتربعين لان هذا اهم شي يخليها سوده
قعدي ع الكرسي واذا قعدتي ع الارض لا تقعدين على ريولج

للويه احسن شي روحي لدكتورة جلدية
واذا ماتبين اهم شي انج تستخدمين غسول مناسب لبشرتج وانتي اعتقد بشرتج دهنيه او مختلطه
وبعدها تونر وكريم مرطب بعد لنوع بشرتج
انا بعطيج اسم غسول حلو ينشف الحبوب اسمه exfoliac من الصيدلية تراه اغلى عن باقي الغسولات بس مفعوله حلو


في منه كريم مرطب وتونر بعد بس انا ماجربتهم اذا تبين خذيهم لان كل واحد مكمل للثاني
اذا ماتبين هذا في مجموعه لوريال بيور زون pure zone
هذي حلوه بعد

هذي بعد حلوه خذي الغسول والمرطب ( نهاري ) والتونر
استخدميهم كللل يوم صبح ومساء
بس المساء بدال ماتحطين المرطب هذا حطي مرطب ليلي
وبالنسبه للون انتي اختاري كريم تفتيح في عندج غارنييه واولاي ولوريال وايد عندهم كريمات تفتيح البشره
والي تقولج استخدمي مقشر لا تسمعين كلامها لان انتي ويهج فيه حبوب المقشر يزيد الطين بله
المقشر يستخدم للويه الي مافيه حبوب

وقبل ماتطلعين للشمس ضروووووووري تستخدمين كريم ضد الشمس
عشان ما تتلونين بستين لون
الرؤوس السودا حطي لها ماسك وفي فالمنتدى وايد ماسكات وخلطات للروس السوداء

بس اهم شي لا تنتحرين خخخ